الســـونار زهقني شنو الحل؟؟

شلونكم حبايب قلبي…

حبيت اسأل منو صار لها نفسي

بصراحه السونار زهقني مره يقول بنت ومره ولد

المشكله وروني شي قالوا هذا عيب البنت

ونفس الطريقه شفت عيب الولد وكان واضح حيل قلت يمكن الحبل السري

قال لا وراني الحبل السري وكان شي ملون لاني سونار ثلاثي

وانا بصراحه تعبت ماعرفت شلون اجهز وفيني فضول اعرف شنو ببطني

وقلت للدكتوره اذا فيني توأم علميني قالت لا مافيه الا واحد

وصحيح لايعلم مافي الارحام الا الله

كل وحده تقول اذا تعرف احد صار لها نفسي

وادعوا ان الله يرزقني باللي ابيه

هلا اختي ,,,,والله انا خذت سونار بالاسبوع ال20 وقالت 50% بنت 50% ولد بس مو متأكدة اذا كانت بنت ولا ولد وانشاءالله تكون بنييييييية يارب يجوز صحيح فيج بنت وشافت الحبل السري على عضو البيبي وما بين على العموم بنت ولا ولد كله نعمة من رب العالمين اهم شي يكون الطفل سليم ومعافى والله ينولج اللي في بالج انشالله وتقومين بالسلامة

هلا بالجوهرة انا في حملي كلة يقولون بنت ورحت ياختج شريت ملابس الجاهل بنوتة ويوم ولدت قالوا ولد واللة مازليت عليج وتحييياتي

ترى عادي مايعلم شنو بالارحام الا رب العالمين انا الحين باخر الخامس سويت سونار وايد وسويت ثلاثي الابعاد ولا اعرفو شنو فيني ياما ناس قالو لهم ولد وتتطلع بنت والعكس

حبوبه سوي سونار تفصيلي

هذا راح يوضح لج الاعضاء الداخليه للبيبي

يعني اذا بنوته بيبين رحمها ومبايضها

واذا ولد راح يبين بعد

وبنت ولا ولد كلهم حلوين ويالله صلاح العطا

جهزي ألوان محايده وباجر بيطلع وبتعرفين شنو جنسه والله يتمم لج على خير وتشوفينه وتفرحين فيه.

عادي عمري انا الى الشهر السابع ما كنت قادره اعرف شنو فييني و السبب ان البيبي معطينا ظهره و الا يحط ايده بين فخوذه يعني ما ابيكم تعرفون انا شنو هههههههههههههههههههه … اخر شي جكتها دكتورة السونار و اهي لاهيه ترقص في بطني و طلعت بنت ,, المهم الصحه و العافيه و ساعة سلامتج

نفس حالتي مرة تقول الدكتورة بنت ومرة ولـد بس أنا ناطرة أدش السادس وأسوي يمكن يبيــن أكيـد والحمدلله على عطيـة رب العالميــن

انا مرت اخوي صار معاها جذي وللحين مو متأكده ولد ولا بنت مره شافت انه بنت ومره شافت انه ولد حتى شكت نفسج لا يكون توأم بس قالولها لا

بس احسن شي جهزي شي حيادي ينفع للاثنين وبس تولدين ان شاء الله تعرفين