السجن ارحم من هالبيت مليت

السلام عليكم كل عام وانتم بخير
بكتب سالفتي وانتوا حكموا عليها وهالشغله تتعلق بزوجي طبعا من تزوجت وريلي مايحب اكل المطاعم يعني مجبوره اطبخ كل يوم وانا ساكنه عند حمولتي غرفتين ومطبخ وصاله وحمام واحد تخيلوا الوضع وبعد توسلات غصب قدم لي على خدامه وهذي ثالث خدامه والاسباب راح اقولها لكم انا قبل كنت ساكنه بشقه ومرتاحه بس بعد وفاه عمي ابو زوجي شلنا قشنا واستقرينا ببيت عمي الله يرحمه وصارلي الحين سنه حدي تعيسه
سالفه الطبخ كل يوم ريلي يتشرط بالطباخ سوي كذا وحطي كذا وانتظر ساعه وساعتين وثلاثه لي المغرب وانا كل شوي اقول يمكن يفكر ياكل ليين امل واحطه بالثلاجه وهذا حالي كل يوم وجان فيني خير مااطبخ العن الساعه اللي انولدت فيها
بالنسبه للخدامه تخيلوا تشتغل لبيتين لي ولخالتي وكل مره خالتي تطق الخدامه وتزفها وتصعد لي وتقولي بروح المكتب
واهديها اقولها ميخالف هذي ماما كبير بس تبون الصراحه طفح الكيل لانه مو من حقها تطقها ولاخدامه قدرت تتحملها
وانا مااقدر اقعد من غير خدامه لانه نظام بيت عمي مافيه اصنصير وصعبه علي انزل تكرمون الزباله كل يوم هذا غير الاغراض يعني حوسه من غيرها عفيه بنات شنو الحل احس كرهت عمري ضغط علي لازوجي مقدرني ولاخالتي
ولما اكلم زوجي اقوله على الخدامه يسكتني ويزفني واهو مايدري عن البيت ابدا ابدا ابدا مااشوفه الا الفير

لحد يقولي طلعي بشقه لانه رافض هالفكره نهائيا

لآحول ولا قوة الا بالله بعض الرياجيل مالهم لزمه !
الله يعينج يآرب . مالج حل ! انا اقول ادعي من كل قلبج لهم بالهدايه وعسى الله يصبر الخدامه يارب ويصبرج ويفرح قلبج يآرب

كلمي ريلج اييب لخالتج خداامه اتكووفن فيها على كييفها وخلي خدامتج لج؟؟!!!

وغير الاكل بابا نعمه الله مو لعبه على مزااجك كليت والا ماكلييت

خلج صاارمه معاااهم وهذا حقج اوكى ما تقدرين يطلعيين بروحج تاقلمي واقلميييهم معااااج

والله يهديي بااالج ومالوووووومج حاسه فيييج مقهوووره

بعد جبدي

حبيبتي ذكرتيني الماظي دامه يبي طباخج خليه اييب حق امه خادمه لان الوضع صعب جدا والله يصبرج

الله يعينج حبيبتي ويصبرج

حرام ليش اطقها ..
يمكن اهيا بعد لسانها طويييل عليها ..

الحل ان ريلج اييب خدامه حق امه ..

والله يعينج

الله يكون بعونج

الله يفرجها عليج

لاحول ولا قوة إلا بالله

مالج إلا الصبر واكثري الاستغفار عشان الله يفرجلج

واذا تبين نصيحتي عليج بصلاة التهجد وادعي ربج بالفرج القريب

والله يسخرلج خالتج وزوجج ويسعدج انشالله

الله يصبرج ويهدي زوجج

اوقفى معاه وقفه جاده وكلمى شنو هذه لاخادمه ولا راحه وتطبخين وماياكل الله يعينج بعض الرياييل ادعل جنهم يهال يتدلعون

الاكل لاتطبخين له
واذا تكلم شحقه تسكتين له ؟
انا ما اشيشج
بس انتي المفروض توقفينه شوي عند حده
والخدامة لاتنزل ببساطة
اذا قالوا ليش ما ليش قولي اهي تقول ماما تطقني وما ابي انزل
وبعدين لازم تصير شخصيتج شوي اقوى من جذي
احيانا الوضع يستحق منا نتكلم ومانسكت
بسسسسسسسس بأدب بدون غلط وحقج تاخذينه

ياقلبي هذا حال اللي تسكن بحموله يشاركونها بكل شي حتى الخدامه وفيه نوعيات اقوي من نوعيه زوجج عليج بالصبر والاستغفار وربي يعوضج خير

الله يعينج

والله الزواااج لووووووووووووووووووووعة جببببببببببببببببد

انا مابي اشيشج بس بصراحه انتي عطيتي الكل ويه فهذي النتيجه الطبيعيه

كلمي زوجج قولي له مايصير جذي كل يوم اطبخ وانت مطنش دام ماتبي تاكل حرام نعمة الله جذي

وخالتج كلميها قولي لها خالتي الخدامات مايتحملون وحاولي تمنعينها مالها شغل فيها وتاخذ اوامرها منج انتي بس