الزوجة الثانية

السلام عليكم أخواتي…
صار لي فترة وأنا أفكر شلون أعرض عليكم مشكلتي واللي أحس أنها قربت تدمر حياتي مع زوجي… أنا اللي أسمي "الزوجة الثانية" تزوجت شخص متزوج عقب قصة حب كبيرة وكنت أنا وقتها مطلقه من أنسان ظلمني بكل معنى الكلمة شفت منه الويل والعذاب وبعد ما أتعرفت على زوجي الحالي وكنت وقتها متحفظه أتزوج مرة ثانية بس لأن أحنا الأثنين ماقدرنا نعيش بدون بعض تزوجنا وعقبها ابتدت اشاعات علي من كل صوب وحرب ظالمة من زوجتة الأولى أستخدمت فيها كل أنواع الأساليب القذرة عشان زوجها ما يتزوجني ورغم هذا كله تمسك زوجي فيني ولا تخلى عني وتفرغت له بكل معنى الكلمة وبالعكس شفت انه يفضلني عليها ويقعد معاي أكثر ولا يطلع ألا معاي وهي يعاملها كأم أولادة وبس وطبعا الحين بتقولون شنو المشكلة؟
المشكلة أحس أني صرت أغير منها وأحس بكراهيه تجاه زوجته الأولى لأني مو قادرة أنسى اللي سوته فيني قبل ما أتزوج عشان تمنع زوجها من زواجه فيني صرت أحس بقهر ولا قادرة أرتاح وهو عندها رغم أني أدري أنه قاعد وياها عشان أولاده لأن زوجي يخاف ربه في هاذي الشغلات… وكل مايروح لها أقعد اتصل فيه وابعث له مسجات بس عشان اشغله فيني… وأنا للحق أصغر منها وأحلى منها وهذا كلام كل الناس ورغم أني متزوجني عليها وادري انه مفضلني عليها بس الغريبة ليش أنا أحس بهالغيرة والكره لها؟ لو أنا مرتاحه من اللي يصير ماطلبت منكم الحل وتساعدوني…أوقات أحس أني ظالمه وأوقات أحس أني أبغي انتقم منها واوقات احس انها خلاص شبعت منه ولازم يكون لي انا بروحي انا مو فاهمه شيصير فيني …أنا أودي أشيلها من بالي صرت أحس أن زوجي صار يتحفظ معاي أذا جاب سيرتها لأن يدري أني أكرهها وصار يكره أني اتكلم عنها بأي طريقه حتى صار مايشاركني عن أخبارها وأخبار عياله منها… أرجوكم ساعدوني

انا بتكلم بس لا تزعلين من كلامي .. الشرع فعلا حلل للريال الزواج ووصل العدد الي 4 مو بس 2 .. و ما عندي اعتراض بس انا بقول لج واقع المجتمع .. الزوجه الثانيه سموها ضره ليش ؟ لانها تضر بكيان العايله و تشغل الزوج و تلهيه .. فشي طبيعي تحاول الزوجة الاولى تحافظ على ريلها و تجذبه صوبها بكل الطرق المشروعه و الغير مشروعه ..و هذه فطره بالمره ..و لا تنسين القلب لو فضلج بيظل متعلق بالاولى لانها ام العيال و بحكم العشره اللي بينهم و اللي اهي بالطبع اكثر من العشره اللي بينكم .. المفروض ما تزعلين لانج عارفه الوضع و متوقعه كل اللي يصير ..و شعورج هذا شعور الغيره اللي عند كل الحريم و حب التملك .. بس مثل ما رضيتي تاخذين الريال من بيته و مرته و تشاركينهم فيه لازم ترضين بالشراكه من جهتهم بعد .. زوجج ماراح يصير ملكج بروحج و انتي عارفه هالشي .. ادعي ربي بالهدايه لج وان تكبرين عقلج و تعيشين حياتج و ما تخلين غيرتج تاكل فيج .

قبل كل شي
يابنات فليقل خيرا او ليصمت
ممنوع انكم تتهجمون علي لاعضوه لشخصها او ذاتها واللي يتكلم يلتزم بادب الحوار والحديث والا راح ينلغي الرد
العضوه حطت الموضوع لرغبتها بالنصيحه مو الهجوم__________________________________________________ ________________________
انا بحاول ارد عليج بالعقل

حبيبتي بسالج سؤال
انتي ترضين تخالفين شرع الله؟
الله حط شرط تعدد الزوجات العدل
وانتي مو قاعده تخلينه يعدل

انزين ابيج انتي تعدلين لان الظلم حرام
حطي نفسج مكانها قبل لاتسوين اي تصرف
تبينه لج علي طول ومخليه دورها مربيه
اهي كمرأه شقاصرها عنج؟ ايد والا ريل؟
ولاشي
لها قلب نفسج وتبي ريلها نفسج وتبي تحس انها انثي نفسج
لاتهقين ان عشره العمر اللي بينهم سهله تنسي ومن حقها انها تعاملج جذي انتي دخلتي عليها بحياتها كتهديد لاستقرار بيتها شتنطرين منها ترد عليج تسكت وتبارك؟؟ اهي دافعت عن نفسها وعن بيتها وحياه عيالها
وترا لو كانت واقفه وقايله انا بروح بيت اهلي او تطلقها كل الناس بتوقف وياها لان اهي الاقدم واهي الاحق واذا مو مقصره وياه بعد هني موقفج بيصير اضعف واضعف
وانتي يا نور قطر لو ايلج زوجج ويقولج انا حبيت فلانه وابي اتزوجها شنو بتسوين؟ انتي الحين زوجج قاعد يحاول يعطي زوجته الاولي حقوقها اللي عطاها اياه الشرع وانتي ماتبين وقاعده تحاولين تخربين هالشي وتبين بس مشغول فيج؟
اهو ملزم انه يعطيها حقوقها جسيدا ومعونيا وماديا وملزم انه يروح لها ويقعد وياها ويعاشرها ويسولف ويضحك، يوم انه تزوج ثانيه مو معناته ان الاولي انلفت اهي موجوده كحببيبه وزوجه ورفيقه درب وام عياله اللي اهو ملزم فيهم وملزم انه يكون متوفر لهم
وترا علي السفه انه ينقلج اخبار بيته هذا غلط المفروض اخبار البيت تضل بالبيت والدليل انج بديتي تغارين من حياته الثانيه ، نصيحه لاتدورين اخبارهم بتتعبين زود

وتري باجر لو حب عليج وتزوج ثالثه راح ترضين تعاملج مثل مانتي تعامليين مرته الاولي؟
ترا هالموقف فيه فرصه كبيره انه يصير
لاتقولينلي حبنا واحنا وقصتنا
كل هذايروح مع الوقت او علي الاقل بيبرد
وتبقا العشره ومشاعر ثانيه اهيا التزام مسؤوليه موده
عامليها مثل ماتبين الثالثه اتعاملج ومثل ماتبييييييييين اهو يعاملج لي خذا الثالثه لاتعدين عمرج الثانيه وماكو احد بعدج
ترا حتمال وارد انتي عامليها مثل ماتبين تتعاملين اهي بشر حالها من حالج ولها حقوقج نفسج واكثر بعد لان لها عيال منه
استغفري ربج ، وتذكري الدين وشرع الله وحقها بالدين

وفي شغله ثانيه حبيتبي لازم انبهج عليها
انتي خذيتيه متزوج وعنده عيال يعني تدرين بالاصل انه حياته مو ملكه

اختي

رغم تحفظي على سالفة " قصة الحب " بس اللي صار صار و انتي الحين زوجته

الثانيه و هالشي معناه ان في ناس غيرج لهم حق في زوجج

زوجته و عياله

سالفة انها " شبعت منه و لازم يصير لج بروحج " فاسمحيلي هالشي عذر أقبح من ذنب !!!

فلنفرض تزوج زوجج عليج و هالزوجه الثالثه قالت نفس الحجي و زوجج وافقها

شنو بيكون وضعج ؟

شنو بيكون احساسج ؟

ياريت تتذكرين ان كما تدين تدان و اللي تزرعينه اليوم تحصدينه باجر

حكمي عقلج و لا تظلمين لان الناس ظلموج " حسب كلامج "

ساعدي زوجج على انه يعدل بينكم اذا كنتي تحبينه

و لا تتحجين عن زوجته بالسوء

و الله يوفقج و يهديج

أنا أدري أن في جوانب أنا غلطانة فيها بس هي بعد تسوي لي مشاكل لين اليوم وأنا أسمع من الناس أنها صارت عدوانية وتحاول كل الطرق عشان تخرب بيني وبين زوجي عشان زوجي يطلقني يعني انها مو تاركتنا بحالنا… حتى زوجي أعترف لي انها تغيرت عقب ما تزوجني عليها وصارت تبتزه ماليا وصارت عصبيه معاه ومع كل الناس… بس مشكلتي هي اني احب زوجي وابغي اشيلها من بالي وتفكيري بس شلون اشيلها واذا جاني زوجي من عندها يكون دايما مكشر من اللي تسويه فيه ؟؟؟؟!

حياتهم مع بعض يانور لاتتذخلين فيها واتفقي وياه لاينقللج اخبارها ولا ينقل اخبارج
احسن
ولاتتصلين عليه اذا اهو هناك وتطرشين مسجات
تصرفاتها طبيعيه جداااااااااااااا حق وحده بوضعها الله لايحطنا بهالوضع
يعني حطي نفسج مكانها شنو بتسوين؟
بتسكتين وبتخلينه يتهنا مع الثانيه ؟
اكيد بتاطلبين بحقوقج اللي كنتي ساكته عنها
والصراحه بقولج ترا اهي مره عاقله لانها ماهدت البيت وقلت اليهال ومشت بالعكس اقعدت ابيتها وعند عيالها وماقطعت علاقتها بابوهم هذا دليل عقل ، بس تصرفاتها من صدمتها بريلها وخيانته لها بزواجه مره ثانيه وشعورها بعدم الامان وان حياتها وياه احتمال تنهدم
اهني تبتدي اتحاسب عمرها شنو الاشياء اللي اهي كانت مقصره بحق عمرها وياه وتبتدي اتطالب فيها
واهي ماصارات عدوانيه علشان تتعمد تخرب بينج وبين زوجج لا اهي تصرفت بغريزتها وفطرتها

الله يهديكم ان شاء الله وتستقر اوضاعكم

كلام كوين عين العقل .. و خلج من كلام الناس لا تسمعين لهم

[/COLOR]
نور قطر يا حبيبتي تعوذي من الشيطان اول شي

و سمعي

تصرفاتها طبيعيه جدا و طبيعي انها تكرهج لأنج خذتي ريلها منها ,, و اهي مو متهيئة نفسيا بأن يكون لها ضرة ,, ابعكسج انتي
تدرين ان زوجج متزوج و تدرين ان بيكون لج ضرة !! فأنتي المفروض متهيأة نفسيا لهذا الوضع ,,

فالمفروض انج تكبرين عقلج و تتقبلين الواقع اللي انتي اخترتيه بأيدج .. و مثل ما قلتي ان زوجج الأولي ظلمج فلا تظلمين غيرج خصوصا انج مجربة الظلم و عارفه ألمه ,,

و لا تسوين حق زوجج بيئة مزعجة تنفره منج وتبعده عنج ,, و ماله داعي هالمسجات لأنج راح تصغرين ابعين ريلج ,, فلا تاخذين وقتج و وقت غيرج ,, الأنانية مو زينة ,, خصوصا ان عنده عيال لازم يجابلهم ,,

خالي متزوج ثنتين زوجته الأولى كانت تسوي له مشاكل في البدايه – لاحظي ان هالأمر طبيعي – أما الثانيه فما شاء الله عليها هاديه و لا لها حس .. فعرفت اشلون تكسبه ,,
و بعدين الأولى هدت و صارت مثلها لأن الثانيه مو قاعده تسوي مشاكل مسكرة باب المشاكل نهائيا و الاحتكاك بينهم قليل جدا و لأنها عرفت ان الريال يبي البيئه الهاديه و لا يحب الدندرة و الصيحه !

و عشان تحسين فيها فكري لو زوجج ياخذ عليج ثالثه شتحسين فيه ؟!! ألم !! غيرة !! هذا و انتي تعرفينه و تحبينه من سنوات قليله بس !!
فما بالج باللي عايشه معاه من زمان عشرة عمر شنو بتحس فيه ؟؟

ادري ان الوضع صعب شوي بس مع الوقت راح يصير عادي – كل شي اببدايته صعب – اذا راح لها ريلج شغلي روحج سوي لج حمام مغربي و هالسوالف اهتمي بجمالج ,, استغلي الوقت بقراءة القرآن وذكر الله .. غيري ديكور البيت او زوري اهلج و رفيجاتج ,, ضربي عصفورين بحجر اهو اهتمام ابنفسج و فرصه ريلج يرجع لج و يلقاج مجدده و منتعشه و ابتسامتج شاقه حلجج

و فرصه يرتاح و ترتاح نفسيتج و تكبرين ابعينه ,,,

و تذكري لو كان مافيه خير لزوجته الأولى و عياله فالأكيد الأكيد انه ما فيه خير لج ,, و الحمدلله واضح انه فيه خير و لا ينسى العشرة انشالله
واهم شي تعوذي من ابليس.. و ادعي ان الله يعينج و يصبرج .. و كبري عقلج و الله يهدي سركم ,,
[COLOR=Navy]

عندي كلام ودي اقولة لج من قلبي بس بصراحة ما ابي الموضوع ينحذف وابي اتحفظ بالكلمات اللي اكتبها ….

عموماااا يارب لا تخلي وحدة تلعب على زوجي وانا غافلة عنهم يارب …..وابعدة عن كل شر يضر بيتي

مشكورة فلانة على ردج… والله يعلم اني أحاول لأني ما أبي ادمر بيتي….. وأنا مستعدة لأي رد منج يا بنت الأحمدي خذي راحتج حبيبتي وصدقوني لو أنا مرتاحة من اللي يصير او عاجبني حالي ما طلبت مشورتكم…..

شوفي حبوبة
انتي دام انج رضيتي بانج تكونين الزوجة الثانية طبعااا اكيد فكرتي بعد الزواج شنو راح يصير
الزوجه الاولى بتقووول انا احق فيه منج لانها الاولى
وانتي بتقولين انتي الاحق لانج اليديدة والحلوة واهي قديمة
انا ما الومها ولا الومج بس الانسان لازم شوي يحاول ويحاول انه يغير من اسلوبة وتفكيرة طبعااا للصح والعدل
انتي تقدرين تقضين على غيرتج منها
يعني
اذا راح لها لازم تفكرين مثل ما لج لها بامر الله وشرعة مو بالطيب الا غصب عنه لانة لازم يعدل بينكم …..
وثانيا الوقت اللي يروح لها فيه حاولي تسوين شي يفيدج احسن من الحنة عليه بالمسجات
اقترح لج انا صلي ركعتين واقريلج جم اية من القرآن ترى الصلاة والقرآن دواء القلوووب
وحاولي تعلمين نفسج على الصبر والاحتمال لانج باجر راح تربين عيالج والقهر والتفكير يمرضون الله يكافيج شر المرض
واتمنى تكونين سعيده بحياتج ياااارب
ولا تنسين الدعاء لج بان الله يعطيج الصبر قوة الارادة ويسخر لج زوجج وحاولي تتآخين مع شريجتج
اسفة جني غلطت عليج هههههههه
يبا اضحك للدنيا تضحك لك جم مرة بعيش الانسان بهالدنيا
الله المستعان

الاخوات كلامهم عدل وكله بصالحج واضيف شغله انج من الاول تدرين بالهشي يعني المفروض متقبله وراضيه هالوضع صعب تخلينه يقصر بحق الزوجه الثانيه وعياله تصبري وتحملي عشان خاطره

وحطي ببالج شي مهم انه انتي اذا حاولتي تبعدينه عن واجبه تجاه زوجته وعياله بتكسبين ذنوب واثم لان هالشي مايجوز فخلي نيتج صافيه وحطي ربج بين عيونج وهذا حق وواجب وشرع

حاولي تريحين زوجج مو تضغطين عليه لين تخلينه يكره هالعيشه واحتمال يكرهج لان الريال يبي الراحه والهدوء

وبس كلمه صغيره لاختي بنت الاحمدي حبيبتي صح في وايد يلعبون وتاخذ الريال من بيته ومرته لاكن مو الكل لا في رياييل اهم مايبون حريمهم ويدورون عالحب والتفاهم بعيد عنهم ويتجهون حق غيرهم

والله آنا هالسالفة ماتعاطف فيها سامحوني
الزوجة الثانيه ضره
والمفروض الي تحترق وتكره وتغار الزوجه الاولى لانج انتي الدخيله
وفوق كل هذا ما راضيه بشرع الله، مايصير اختي انتي الزوجه الثانية وصدقيني كما تدين تدان لا تستانسين ان ريلج يحبج اكثر من ام عياله ويفضلج عليها ومايشتهيها الا عشان ام عياله ترا هذي خيانه والي يخون مره يخون 10

بنات انا ماني عارفه ليش من تسمعون زوجة ثانية تتهجمون على البنت يتراولي كل وحده تحط نفسها مكان الزوجة الأولى بس انتو غير واهيا غير ما تدرون شنو الشي اللي خلاه يفكر بالزواج ترى البيوت اسرار ومافي ريال يفكر بالزواج من ثانية واهوا مرتاح مع الأولى الا نادر جداً لازم يكون في اسباب .

ومثل ما قالت اختي كوين

ارجوا الالتزام بأدب الحوار

اختنا اللي عرضت مشكلتها عليكم واوثقت فيكم ما تبي منكم الا النصيحة .