الزواج و الاطفال

السلام حبيباتي

كل وحده فينا تتزوج و تنتظر المولود الاول و تكتمل الفرحه الثانيه بالبيبي الثاني و تصير الاسره السعيده

بنات

شنو رايكم في زمنا الحين كم المفروض الزوجه تجيب عيال ؟
هل زيادة عدد الاطفال عائق لحياتها الزوجيه ؟
اللي عندها اكثر من 3 شنو تعاني منه ؟
هل زمنا صعب فيه ان المراه تربي اكثر من طفل ؟
ابي رايكم ابي سوالفكم ابي شوركم علي

انا و لله الحمد عندي 3 اطفال و زوجي يحن يحن يحن يحن يبي ال4 وحدي متخوفه و مو عارفه ليش ؟

انا عن نفسي ودي ب5 عسى الله يرزقني فيهم يارب

وزوجي يبي 3!!

والياهل ايي ويي رزقه معاه

٢ او ٣ بالكثير يالله التربيه العدله والمصاريف والوناسه لهم من سفرات طلعات كل شي يبون و حتا الدراسه والتاسيس بالخاص او الحكومه الدراسه بروحها بصوب
اتوقع اذا يبت اكثر ما اقدر اعطيهم حقهم بكل شي وزمن قبل ١٠ يهال و فوق غير هالزمن *

حياكم الله حبيباتي

يالله هل من مزيد

انا بنظري وضعنا ومجتمعنا يفرض علينا نجيب اكثر من طفل احنا مو اجانب والحمدلله ديرتنا مو مقصره بس بنظري خمس او ست كاافي واذا عندج امكانيه اكثر عادي حبيبتي جيبي اللي بخاطرج ولا تحاتين اهم شي الواحد يكوون قد المسؤليه مو يجيب عيال ويهملهم ..

واحد ونعمه الحمدلله او بالكثير 2

والله العيال عزوه
ودي بـ٤ او ٥
و الله مقسم الارزاق يعطي كل واحد اللي يناسبه
و الله يرزقني الذريه الصالحه ويحفظ عيالي

9 احسن عزوة والحكومة ماتقصر

الحمد لله على كل حال احيانا واحد وبهذل الدنيا واحيانا خمسه والله مبارك فيهم اهم شي الصلاح ً((((ولد صالح يدعو له))))جارتي عندها سته لكن تقول ولدها عبدالله غير مريحها حتى بالمذاكره ماجنها جابت ولد ةالباجي اللهم ياكافي حتى البنت عوبا انا هندي ثلاث بنات الاولى والثانيه الله اعيني على تربيتهم حيل صعبين ومثل ماقلت لكم يارب بالبركه والصلاح

انا اشوف ٢-٣ وايد زين عشان يتجابلون عدل و يتدلعون و مايقصر عليهم شي و ممكن ايي الرابع غلطه مطبعيه ك حد اقصى

الف شكر لمشاركتكم

اتمنى 4 بس العمر مافيه مجال ! و الحمل بعد الـ 35 مخاطرة

يعني أقل شي بالنسبة لي 3 دام الخير و الصحة موجودين و ربك كريم

4 وعقب فتره ايي الخامس يصير للكبار لعبه هههههههه عسى الله يرزقنا الذريه الصالحه ان شالله وعسى ربي يبارك فيهم

اتمنى ربي يرزقني ثلاث ويقويني على تربيتهم التربيه الصالحهـ