الزواج الثاني

بسم الله الرحمن الرحيم
اخواتي الحبيبات اريد مساعدة منكن في امري بسرعة انا متزوجة من 9 سنوات واحب زوجي كثيرا واعتقد انه كذلك لم نرزق باطفال رغم اننا سافرنا 4 مرات للخارج .الان احب زميلة له في العمل وهي مطلقة ولديها اطفال ولهم فترة يخططو للزواج وانا اعاني وحالتي النفسيية سيئة للعلم انا لا اعاني من شيء بل الاطباء اكدوا ان العيب منه ظروف اهلي سيئة وهو غني يقول ان الامر حصل غصبا عنه وانه يريد ان يجرب الحقن المجهري من الاثنتين لعل الله يكتب له المهم تعهد بالاتي بتدريسي في افضل واغلى المراكزاللغة .يسفرني للعلاج كل سنة اعطائي سيارة منزل شريطة ان استمر معه مخلص في تعامله لكن اشعر انه خائف ان اتركه ويفشل في الزواج الثاني ذهبت لاهلي كثير وهو يردني ويقول الموضوع انتهى سؤالي انا عمري 29 سنة جميلة قلبي يؤلمني كثيرا ابكي كثير هل اقبل عروضه ام ابدا من الصفر في منزل اهلي علما باني احبه كثيرا وعندما اعود اغير كثيرا فتحصل مشاكل كثيرة حاول اهلي تهديده بتركي ان لم يترك هذا الزواج لكن دون جدوى انه مصر ويقول الامر ليس من اجل الاطفال انما انا رجل وعندي قدرة لفتح منزل وحب اثنتين انا الان عند اهلي هل اقبل واعود ام ارفض افتوني في امري ارجوكن ان تردوا علي في اسرع وقت ممكن ولن انسى اهتمامكم

غاليتي الوضع محير لكن كل ماعليك القياااااااااااااااااااااااام بع الدعااااااااااااء ثم الدعااااااااااااااء ثم الدعاااااااااااء وقيام اليل وأستخيري اذا الله كاتب لج سعاده اكيد بترتاحين معه …
أختي اكثر أستغفار والله يهون عليييييييييج ويفرج همج ويرزقج بذريه الصالحه

حبيبتي استخيري وشوفي قلبج وعقلج شنو يقولولج

شنو تفيد الفلووووس والسياره اذا راحت روحج منج

وشفتيه لها مع مرته الثانيه

والله انج ذكرتيني بشريفه اللي بمسلسل ام البنات

انا برايي عيشي حياتج وانتي توج صغيره

والله يوفقج
وطمنينا عليج

لا حبيبتي

ديري بالج تطلبيين الطلاق وإصبري ……… وانتي ما تدريين وين الخير الله كاتبه لج

خل اقولج قصه صارت لي بالحرم

كانت قاعده يمي مره كبيره بالعمر ومتينه لي درجه صعبه قومتها وقعدتها .. وكانت قاعده يمي

المهم
وبين فتره وفتره …. يمر يشوفها ويطمن عليها شاب بالعشرين من عمره

لكنه بشع … كل جسمه محروق لي درجه ملامحه مشوهه …. ومن خوفه على أمه يطل عليها كل دقيقه

قالت لي هالمره: هذا ولدي وله قصه …. تقول إنها تزوجة شخص تحبه لكن الله ما رزقها بأولاد … وكان القدر انه يتزوج عليها وتقول انها وافقت لانها ما تنجب …. تقول نار الغيره في قلبي كل ما شافته مع زوجته

ومن اول سنه حملت الزوجه الثانيه والله رزقهم ولد …. تقول نار الغيره في صدري زاد

وبيوم من الايام …. وكان شتا … قعد الولد يحبي صوب دوت النار … والاب والام غافليين عنه .. بس تقول انا انتبه له ومن كثر غيرتها كانت تتمنى يحترق الولد وسكتت ولا نبهت احد

وفعلا طاح الولد بوسط الجمر … ونجا بإعجوبه … مرت الايام وصار حادث للزوج وزوجته الثانيه وماتوا

تقولي واهي تبجي ورافعه ايدها للسما تطلب ان الله يسامحها … تقول اهى اللي ربته

واهو واااايد بار فيها ونافعها ويحبها كإنها أمه

هذى اهي القصه وفيها والله من العبره

حبيبتي
الشرع حلل له 4 … ومادام فيه هالصفات ترا وربي صعب تلاقينها بغيره

تحملي وإدعى الله

وعسي ربي يوفقج ويرزقج بالذريه الصالحه

ياحبيبتي الله يهدي بالج ويريح قلبج بقدرته وعظيم سلطانه…خليه يتزوج بس الأول ضمني حقوقج بالورقة والقلم-بعض الأزواج من يتزوج ينسى الدنيا واللي فيها خصوصا لما تكون الثانية حاسبة نفسها داشه حرب-لأن النفوس تتغير وانا اعنيها بالورقة والقلم بعد الزواج شوفي نفسج وشوفيه قدرتي تتحملين وماتغير عليج وحبيتي تقعدين قعدي ..بس ان حسيتي نفسج لأ وزوجج تتغير عليج ومو قادرة تصبرين -لايكلف الله نفس فوق طاقتها ووسعها-فكري بترتيب وبهدوءوالله يسخر امورج ويصلح بالج

حبيبتي تحملي دام انج تشوفين

انه يحبج ومو مستغني عنج ويخاف على زعلج

وانتي تحبينه ومرتاحة معاه

الزواج من ثانية حق ماتقدرين تمنعينه منه

والرجال على قولتج انه قادر على انه يفتح بيتين

بس المهم تكون بعيييييييييدة عنج لاتشوفينها ولاتشوفج واعتبريها مو موجودة بالاصل

برمجي نفسج على جذي انتي اللي بترتاحين وقلبج راح يرتاح بعد

ولاتخسرين زوجج خليج انتي الذكية اللي تذبينه يمج بطيبتج وهدوئج وحبج له

وترى مو انتي لا اول ولا اخر وحدة زوجها يتزوج عليها

واحمدي ربج ان زوجج مخليج بالصورة ولو مايحبج جان متزوج وانتي اخر من يدري

شوفي سوالف الحريم اللي زوجها كاشت فيها وحاططله شقة ومجمع نات ابليس عنده

والمصيبة تدري ومطنشة

ولو زوجها جاها وقالها يالطيبة انا للامانة احبج وما ابيعج بس انا رجال عندي قدرة على فتح بيت ثاني

وابي اتزوج قلبت عليه الدنيا وخربت على عمرها

خليج عاقلة ومؤمنة وارضي بقسمة ربج لج

وعسى الله يرزقج بالذرية الصالحة عاجلا غير اجلا

مااادرى..يعنى ماينجب ولا قدر انج صابره معاه..

وجزاك انه بيتزوج وحده ثااانيه..بس ابى اسالك سؤااااال..

انتى عندك قدره لتحمل زواااج زوجك..

اذا كان عندك قدره تحملى طالما انك تبينه..

اما اذا لاااااا..فتلاحقى على عمرك ولا تضيعينه مع انسااان ماقدر.

استخيري ,,,
ومدري احس مدام مافيج شي يمنع الانجاب بعد عذاب لج ,,, يعني لي متى ماتبين عيال !!!!!!!
الفلوس مو كل شي ,,, اعيش مع زوج وعيال وحياة طيبه ابرك من انحرم نعمة الامومه ,,,, بس ارد واقول استخيري انتي ادرى بزوجج وحياتج وردودنا مجرد رأي

عسى ربي يعينج ويهديه لج

استخيري حبيبتي

وشوفي اذا انتي تحبينه لدرجة انج ماتقدرين تستغنين عنه حاولي انج تتقبلين وترضين بالامر الواقع والله يعينج لأنه شي مو هين

واذا اهو مثل ماتقولين العيب منه شلي حادج انج تحرمين نفسج من الامومة وشنو اللي يضمن لج انه مايتغير بعد ما يتزوج ؟؟

فكري عدل حبيبتي لأن الخيار بالنهاية لج ..

زوجك شكله تعقد ان العيب منه
فحب يوري الناس انه رجال بزواجه من الثانيه
هذي وجهة نظري
اصبري ولا تطلبين الطلاق ومصيرة بيرجعلك
لأن زي ماني شايفه زوجك يحبك

صعب على المراة خاصة اللي تحب زوجها ان تتحمل وجود شريكة له ولو انا مكانج مستحيل اقبل.. وماراح تعيشين براحة لو يعطيج فلوس الدنيا لانها ماراح تعادل عندج لحظات القهر لم يكون معاها بغرفة بروحهم.. هذا رايي الشخصي ووجهة نظري لاني مستحيل اقبل بشريكة لو فيها مووووووووووووووووتي

حبيبتي عليج بصلات الاستخاره وقراءه سوره البقره كل يوم لانها تحل المشاكل ووالدعاء بثلث الليل الاخير بان الله يصلح كل امورج ويرزقج الذريه الصالحه وفي دعاء حلو دائما اقراه بوضع السجود
((اللهم ارني الحق حق وارزقني اتباعه وارني الباطل باطل وارزقني اجتنابه))تراى وااايد حلو
وقوليه حق زوجج بعد يعني ((اللهم اري زوجي الحق حق………..

والله يصلح كل امورج يارب ويرزقج بالذريه الصالحه

ربي يعينج ويرزقج من اوسع ابوابه
ويهدي سرج مع ريلج
ويرزقج بالضنا الصالح
اللهم امين اللهم اللهم امين يا رب العالمين

سبحان الله …

أنا عمري 29

و ريلي متزوج علي ….

نصيحه … أدا أنتي تحبينه …

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالا

تتركينه أبدا ….

هدا الحب الي بينهم (على قولته )

را يروح بعد زواجه … راح تيهم مشاكل و عوار راس …
و راح يضايق من الاطفال الي عندها …

فكوني أنتي ملجأه و راحته …

شوي شوي .. راح يتركها و يرجع لج أنشالله …

و أنتي أستخيري …أستخيري ..

و أستغفري على طول لين الله يهديج ..