الريال اللي طايح من عين نفسه !!

مساء الخير بنات.. اول شي بشكركم على ردودكم بالموضوع الأولي وحسيت ان كل وحده تكلمت عن تجربه وعن درايه. علشان جذي قررت اني اطرح اليوم مشكله رفيجتي الي اهي:

رفيجتي تشتغل ببنك واهي اكبر مني ومطلقه, اعجب فيها واحد ولد ناس واصغر منها بسنه واهي كانت ماسكه حساباته وشغله وكان يشوفها تقريبا 3 مرات بالأسبوع واهو يدري انها مطلقه
المهم هالريال صاحب شركات واملاك وعقارات بس مشكلته طايح من عين نفسه!! الحين اهو مالج عليها كله يقولها انتي احسن مني انتي فظيعه .. مشكوره انج رضيتي فيني .. كل شي تسويه عنده واو واهو طايح من عين نفسه ويقلل من قيمه نفسه واااااااايد!!
المهم اهلها سألو عنه عدل عدل يعني ماخلو احد لا صديق ولا عدو الا وسألوه و الكل مدحه لانها كانت خايفه انه خاش شي عنها و سألو عنه حتى بالديره الي دايما يسافرلها محد شاف عليه شي!
بس ما تدري ليش اهو جذي, مع انه جامعي ودارس برا ومو ناقصه شي لا من ثقافه ولا من عايله ولا من مال بس دايما يحسسها انها احسن منه وانه اقل منها بكل شي حتى بأتفه الاشياء

وفي معلومه مهمه اهو امه وابوه توفو بحادث لما كان صغير و عنده اخت اكبر منه بسنتين فلما صاروا بالثانويه يدتهم ماتت وعمهم وداهم برا مدرسه داخليه كملو الثانويه والجامعه بس اخته مو مثله بالعكس عاديه

تهقون شنو تفسيركم لتصرفاته وشخصيته؟

تفسيري يقول بأنة ريال والنعم منه وتأذى وايد ويتييم عاش من غير اب وام وهذا جرح كبير بالنسبه له وعشان جذي اهو كل مايشوف احد يقول انت احسن مني وانت وانت له مجروح اهو وخل تقعد وياه وتمدحة وايد وتقولة انت احسن ريال شفتة اخلاق واسلوب ودين والتزام ومن هالحجي هذا خل تمدحة راح يكبر بعين نفسة وشكراااا لكم

يعاني من ثقه بالنفس نتيجه مروره بمشاكل بالحياه ويحتاج انسانه ترد له الثقه والحب بقلبه

ترد له المعروف بنفس المدح .. بس لاتكثر لا باجر يعيب عليها انها مطلقه وانه صاحب فضل انه رضى فيها و من هالحجي

يعاني من اهتزاز في الثقه بالنفس وقولي حق رفيجتج خل تروح طب النفسي يمكن له ملف عندهم او صارله مشكله معينه عرفتي او ترى يمكن يكون مافيه شي بي اهو يتين ووحيد وما لقا احد يمه فاهو لمي حب صديقتب علما ان كان يتردد علىيها بالدوام عرفتي فيمكن اهو لقا احد يوقف معاه ويحبه واهي تحبه فمرتبك وموعارف شنو يقول من الفرحه وترك الوحده وبس اتمنى اكون فدتج

يمكن عشان هويتيم الاب والام وعاش حياة مؤلمة نوعاما..وهويشوف الناس الباقي افضل منه عشان هم عندهم ام واب وهولايعني خليها تحاول ترفع معناوياته شوي وتعززززثقته بنفسهــ..يعني هواكيدفيه خصال محمودة وتنمدح وحليوة ..
بالتوفيق يارب..

يمكن لانه يحبها يشوفها شي كبيييييير عليه ووااااايد ومادري شكله مسكين

الموضوع ممكن يكون و لا يسوى و ممكن يكون علامة حق شي جايد….

الحل الوحيد تستخير ثم تستخير ثم تستخير
و تاخذ وقتها بالسؤال و دامهم مالجين خل تعرفه اكثر و تناقشه اكثر و عسى الله يصلح لهم حالهم

خل تسئل عنة زين واتوقع لانة يتيم ومحد عطاة حب غيرها استكثرها على نفسة
بالنهاية الاستخارة زينة وخل تحسن النية ترى اكثر الايتام مكسورين
والناس ماترحمهم الله يوفقها

عدل كلامج

يمكن محروم من الحنان و ان ما عنده اهل و تربا بالغربة علشان جذي ثقته في نفسه معدومة
الله يوفقهم و ان شاء الله تكون قد المسئوليه و تعوضة عن اللي فات

لا تستعيل على عمرها كل هذا بيتغير عقب الزواج سنة ولا سنتين بيقلب عدل خليها تستغل هالوقت صح اذا كانت ذكية هالنوعيه شخصيتهم مهزوزه و مو عارف اهو شنو بالظبط و شنو يبي بس بعد الزواج راح تتغير عنده مفاهيم وايد وبيتحسف على كل كلمه قالها فراح تطلع هالحسافة على صوة انفعالات وتغيرات في الشخصية مفاجا خليها على بينه ولا تستغرب

البركه بصاحبتك اهى دورها الحين تعزز من ثقته وتفهمه انه يستاهل وتحبه وتحن عليه

واهو مسكين يسوى كذا عشان يتيم وحاسس الناس افضل منه علاوه ان اكيد المحيطين فيه

حسسوه هالاحساس من الصغر بأنه ولا شى وكبر هالاحساس معه )=

ربى يباركلها فيه ويتمم لهم على خير

الله يوفقها

كسر خاطري لا مو طايح من عين نفسه

بس لانه طيب قلتو عنه جذي لا حول و لا قوة الا بالله اسمحيلي حدي محترة ماقدر ﺍﻛﻤﻞ