الرضاعة سوتلي مانع ولا شالسالفة؟ حدي متوهقة!!

انا قريت بالجريده عن لولب جديد اسمه الولب الهرموني مادري عنه اي شي بس اول مره اسمع

فيه يقولون اضمن واحسن من الولب التقليدي

حبيبتي رحت المخزن وطلعت الجريده الي قريت فيها عن الولب وراح اكتب لج المكتوب عن الولب

الهرموني وراح اكتبلك رقم العياده :

يعتبر من الاساليب الاحدث في منع الحمل ’ كفاءته تزيد 99% متساويا بذلك مع حبوب منع الحمل

بينما يتفوق على الولب العادي في الكفاءه 0 له مزايا اخرى عديده تشمل : تقليل نزيف الدوره

وتقليل آلام الدوره والمساعده على التقليل من التهابات الحوض , كما يمكن تركه لمده 5 سنوات

او حتى انقطاع الدوره لمن يزيد عرها عن 45 عاما 0

واسم العياده : عياده الدكتوره هدى الناصر الزكري

وهذا رقم العياده : 2668762

دقي عليهم واستفسري 0

بس راح اقولك موقف صارلي لحقي على عمرك لايصيرلك ماصارلي

وهو اني ولدت ولدي الاول وانا كنت ارضعه ماجتني الدوره مابعد النفاس ومتطمنه وحاطه بطني

بطيخه صيفي زي مايقولون

جاء ذاك اليوم وانا اطلع صدري ابي ارضع ولدي ولا اشوف صدري متغير خبرج الوحده اذا حملت

تصير الحلمه مالت الصدر بني غامج من الحمل جان اقول ياويلي ويلاه لايكون حامل

جان اقول حق زوجي جب معاك وانت جاي تحليل من الصيدليه ويجيب التحليل واحلل

ولا يطلع موجب حااااااااااااااااااااامل

ولا نساة ولا شي وسيدا اروح الدكتوره واسوي سونار تخيلي كم شهر وانا حامل مادري

4 شهوووووووووووووووور صدمه صح شي فوق الخيال ولا مسويه اشاعات اسنان شكثر بس

الحمدلله جاء سليم مافيه شي تصدقين ماحسيت بروز البطن كان صغير وضعيف مره وتحرك ببطني

بعد ماسويت السونار باسبوع موقف لاينسى ومن يومها وانا كل شهر احلل لاني عندي ضعف

بالتبويض 0

عاد لاتسوين سواتي ولحقي وامنعي 0

طولت عليج0