|
|
خواتي انا عندي استفسار و اتمنى تساعدوني ,,
انا صارلي 22 يوم من ولدت يعني بنفاس
ارضع ولدي طبيعي و ما اعطيه صناعي كلش
اللهم ماي و نبات علشان البوصفار و امي مرات تسويله ماي و تمر او اعشاب
المهم ,,,
ولدي يظل 4 او 5 ساعات نايم متواصل ما يقعد علشان يرضع
يا انا اقعده او يقعد ابروحه بس بعد 3 او 4 ساعات
و انا اللي اعرفه ان البيبي لازم يرضع كل ساعتين
و فوق هذا انا حليبي شوية مع اني آكل عدل
يعني لمن اشفط الحليب بالشفاطه حدي اطلع رقمين او ثلاث
هل هذا طبيعي و الا في شي ؟؟؟؟؟
هالله هالله بالرضاعة الطبيعية ما أوصيج فيها .. ومع الأيام بتحسين ولدج متميز عن اليهال الباجي سواء بذكاءه أو حتى شكله ونفسيته ماشاءالله.. لا تفكرين تدخلين صناعي حتى لو رضعة الليل..
نصيحة لا تستخدمين الشفاط بهالفترة الا بعد مايكمل ولدج شهرين لأن الحليب بينشف عندج .. رضعيه كل ساعتين عشان يزيدج عندج الحليب وكثري سوائل..
الله يآجرج ان شاء الله ويبلغج بوليدج 
أحسن الياهل يشرب كمية أكبر بفاصل زمني أكبر تتنظم معدته وتاخذ وقتها للهضم والخروج تكرمين
بالنسبة للشفاط عادي هم آنا ماكان يطلع معاي بالشفط أذكر أول مرة شفطت قعدت أبجي ماطلع سانتي وشي بس!! قلت معقولة بنتي بس هذا الي ترضعة؟؟ ولكن المص سبحان الله غير ويبين الياهل إذا شبع أو لأ..
شفاط ميديلا الكهربائي أحسن نوع وترى مع الوقت والتعود رايح يطلع أكثر بالشفط بس لازم ماتشفطين بعد ما ترضعين ولدج على طول خلي فترة ساعة ونص ساعتين عالأقل حتى يطلع وسوي مساج لصدرج وأنتي تشفطين وترى تقدرين تثلجين الحليب مايضرة يعني تشفطين لو سانتيين وتثلجينهم وعقب سانتيين وجذي
وبالنسبة للنومه آنا طريقتي بالنهار إذا نايم البيبي بع 4 ساعات أقعدة وأرضعة حتى لو مايبي أهز وأدلدق يعني يرضع بالعافية لييييش؟؟؟
عشان هذي النومة الطوييلة الي بيسمتها يسمتها بالليل مو يناملي النهار ويسهرني بالليل
وفعلا مشت معاي والحين الحمد الله حدي مرتاحة والرضاعة الطبيعية تهبل
عسى ربي يعيينج ويخلليلج ولدج والله اني مشغولة بس قلت لازم أكتب لج هالرد وأنصحج وأفيدج وأسأل الله أن يكون خالصا لوجهه ..
انا نفسكم بس صج مافيني حليب والصناعي ماترضى بنتي تشربه شسويلها ؟؟
وبعدين تقعد 6 ساعات بين رضعه والثانيه ماترضى ترضع اذا قعدتها وترجيعها وايد