الرحم المنقلب وعلاجه

السلا عليكم خواتي انا صارلي ست سنوات ماحملت وماخليت شي وماسويته بس مره الدكتوره كانت تسويلي عملية نفخ الانابيب وقالتلي ان الرحم مرتفع ولما رحت لوحده تمرخني قالتلي ان الرحم مرتفع ومنقلب بغيت اسال اذا احد منكم عنده فكره بالموضوع وشنو الحل يعني عند الدكاتره او الحريم الله يعافيكم تشوفون لي حل لاني حيل احاتي هالموضوع وماني عارفه شالحل لاتخلونيييييييييييييييييييي وسلامتكم

اللي تدهن اهي اللي ترد الرحم بالترديد
مو امرختج اهي المفروض انه استعدل مع التمريخ

هذا اللي اعرفه انا وانا كان عندي ميلان بالرحم ودهنت 3 ايام وقالت لي المره انه كل شي رد طبيعي

ردي نفس رد بنت الكويت وهذا الشي اللي دايم اسمعه
الدكاتره ماراح يعرفونله

صح اللي تمرخ اهي اللي ترد الرحم للوضع الطبيعي
والله يرزقج ويرزقنا وكل بنات المنتدى بالذرية الصالحه

مشكورين يابنات على الردود يعني تهقون العلاج مو عند الدكاتره؟

حبيبتي … الله يرزقج ويرزقنا يارب
قبل فتره كنت قاعده مع وحده وقاعدين نسولف اهيا ماشالله عندها 4 بنات وولد وحامل تبارك الرحمن
قالت لي انها راحت الطبيب فحصها يوم حملت اول مره جان يقول لها الطبيب انتي رحمج مقلوب المفروض انتي عقيمه ما تييبين عيال وان هالمره صارت بالصدفه معاج !!! والحين المره حامل بالسادس عاد مادري منو قال لها ان لازم لمن تصير عملية الجماع تحاول ترفع ريولها وجسمها لي فوق فتره
ومثل ما نعرف كل شي بإيد رب العالمين … فلا تحاتين ان شاء الله مو ضوعج هين والله

آنا عندي نفس الحالة ويوم قالتلي الدكتورة رحمج راد لي ورا اخترعت بس طمنتني وقالت إنها إهي نفسها عندها نفس المشكلة وما شاء الله عندها 5 عيال ، بس قالتلي إذا تبين تحملين لازم عند الجماع تكونين نايمة على بطنج وبعد الإنتهاء لا تعدلين نومتج يعني تقعدين تقريبا 10 دقايق نايمة على بطنج ، وفعلا طبقتها وحملت ، بس الله ما كتبلي أكمل هالحمل ، والحمدلله على فضله ونعمته ، وما قدره لي ، وادعولي أن الله يرزقني بالذرية الصالحة