الرحم المقلوب شنو يعني

نصيحة من وحدة مجربة والله لاتخلين احد يمرخج ويدلكج ويقولج ارد لج الرحم وهالكلام كله
والله لأن احياناً يضرونج اسم الله عليج وبدل ما تعدله تزيد الطين بله

يا عمري انا عندي الرحم مقلوب من سنين ادري حتى قبل لا اتزوج
ومافي مشكلة لأن الرحم المقلوب شي طبيعي بدل ما يكون الرحم مايل لجدام يكون مايل شوي لي ورا
وعااااااااادي جداً تحملين بس لااااااازم تغيرين الوضعيات

يفضل الوضعية اللي يكون زوجج من وراج .. جربي اكثر من شي مرة نايمة على بطنج
مرة رافعه نفسج .. مره على طرف السرير .. لأن بهذه الوضعيات راح يوصل للرحم اسرع
ولاااااااا تقومين بعد ما تخلصين لأ .. خليج نايمة على بطنج مثل ما قالت الدكتوره
وباذن الله الله ماراح يخيب ظنج

يا عمري انا آسفة على المداخله بس حبيت افيدج
انا كاني عندي الرحم مقلوب ولله الحمد كاني الحين حامل الله يتمم يارب
المشكلة اللي راح تعانين منها بالحمال هو عوار الظهر
لأن ظهري ذابحني وقالت الدكتوره ان العوار بيخف اذا ارتفع الرحم وانا الحين كله نايمة على بطني

يالغالية والله ما اعرفج بس حبيت انصحج لله في لله .. عسى الله يوفقج
بس صج لا تخلين احد يلعب فيج لان نصهم اللي يدلكون ما يعرفون وسئلي مجرب