|
|
يسعد مساااااااكم كويتيات
انا عندي سالفه محيرتني!!!
شوفوا مشاكلنا كلها تدور على الريال
اللي مو متزوجه تبي تتزوج وتنطر فارس لحلام
واللي متزوجه تحاتي
لا يخونني، لا يطنقر، لا يطلقني، شلبسله شطبخله شلون اخليه ما يطلول بره البيت، ابي اصير احلى وحده بعينه، وتذبحها الغيره من بنات خلق الله
ما يابلي هديه، ما طلعني، مايحب اهلي، ما يجابل عياله…..
يعني احنا همنا الريل؟
اذا زعل اووووووووووو حالتنا حااااله لاوم يرضى
وان كان زين اسويله الدنيا جنه عشان يتم سنع
اوف الصراحه لووووعه
يعني شلون لازم الوحده تنطش وتحقر وتستانس وتكشت فيه مثل ما اهو كاشت!
(ترا انا متهاوشه وقاعده انفسسسسس، يعني باجر يمكن نظرتي تكون غير)
انتوا شرايكم؟؟؟؟؟؟؟؟؟
واللي ناويه علي خراب مالطه وتبي بيتها يعتفس خل تعاند ريلها وتسوي كل شى مايرضا فيه وتشوف اشلون يلعب العقال علي ظهرها واللي تبي ريلها تقوول له شبيك لبيك انا بين ايديك
يعني بالعقل بالقرآن ربي قال الرجال قامون عالنساااء احنا ليش نعاند ونكابر؟؟؟؟؟
ماظن في مره سنعه تدير بالها ومعطيه ريلها حقوقه وزياده والريال مستجلب معاها الا من رحم ربي فيهم بعض الرياييل مايعجبهم العجب وهذوله المفروض يتعالجون بالصبر مالها الوحده الاتصبر علي قضاء الله وقدره وتحتسب الاجر
اييييييي كل شى نسويه علشان الرياييل وهذوله سترنا وغطانا مالنا غناااة عنهم واللي مااتحشم ريلها زين يسوي فيها لاتقولين كرامتي وحقوقي ومادري شنووو خلي قدوتج امج ويدتج وشوفيهم شيسوون حق رياييلهم وتعلمي السنع والله ان المره بدون ريال ماتسوااا بيزه انا اتكلم عن نفسي جربت حياتي بدون ريلي بايامي السوده الله لايعودها وشفت المرار بس ربي سبحانه سخرلي بوعيالي ورديت له والحين لووو يقول آآه اقول له فيني ولافيك
وبسسسس وشوركرااااااان 
وكلامج صح 100%
بس
انا قلبي مو بارد حددي حاره وبسرعه انرفز
وبعدين انا مسويته يا دهينه لا تنكتين والكل شاهد خاصه اهله واهو
ما يستااااهل
بس شنسوي يعد
على قولتج لازم نتحمل ونرضى ونصبر
والله كريم يعوضنا خير
صح لسانج .. صج المره بدون ريال ما تسوى
المره العاجل اهي اللي تعرف شلون تداري ريلها وبيتها
ولا تعطي مجال حق احد وخااااااصة الرفيجات انهم يعرفون خصوصيات حياتها
كوووووني له أمتن يكن لك عبدا
طبقيها بحذافيرها هالجملة وشوووفي