|
|
(( هذا الموضوع يهدف لبيان القصور في عقلية بعض الرجال ولا يشجع على ما يخالف شرع الله))
الرياييل في مجتمعاتنا .. يحبون في الغالب الاعم ان يتزوجون البنت الباكر ..
ويفضلون ان يتزوجوها على المرأة الثيب التي فقدت بكارتها …
ونتكلم عمن فقدت بكارتها بزواج وبدون زواج…
فنحن امام حالتين ..
الحالة الاولى:
امرأة مطلقة فقدت عذريتها بزواج شرعي..
(قد يكون زواجها استمر لمدة يوم واحد او سنوات طويلة )
فلا اعلم حقيقة لماذا يرفض بعض الرجال فكرة الزواج بأمرأة ثيب فقدت عذريتها من زواج شرعي .. !!
رغم انها قد تكون قد تزوجت لشهر واحد او اقل في بعض الحالات..
يعني لا تفرق عن البكر شيئا سوى بفقدها غشاء البكارة الذي لا يعني في حقيقته شيئا مهما (مادام قد زال من زواج شرعي) !!
فما الذي يجعل الرجال(كثيرا) يحجمون عن الزواج من الثيب من زواج شرعي؟
ويتسابقون ويتباهون بالزواج من (بنت بنوت) ؟؟
هذا ما نريد ان نعرفه؟؟
الحالة الثانية..
بنت فقد عذريتها من ممارسة غير شرعية..
كونت علاقه مع شاب .. فض بكارتها
قد يتزوجها هذا الشاب بداعي الحب او تصحيح الخطأ…
وقد تتركه او يتركها لترتبط بعلاقه اخرى ليتزوجها هذا الاخر او غيره ثالث او رابع (وهو يعلم بعدم عذريتها) … .!!
بعذر الحب(وعفى الله عما سلف)(واهم شئ الاخلاق والحب وانه ارتاح لها .. وقصة البكارة مو شي مهم…الخ)
ومثل هالحالات موجودة في الكويت والخليج وبعدد لا يستهان به في مجتمعات يفترض فيها ان تكون محافظة..
السؤال . . ؟؟
هل وصل في شبابنا الحال الى ان يعيبوا الثيب من زواج .. ويتقبلوا من فقدت عذريتها من غير زواج؟؟
انا لا اقول ما تتزوج اللي فقدت عذريتها من غير زواج..
بالعكس ادعيلها بالهداية والستر والتوفيق.. والله يفرج عن كل البنات ويعفي عنهم ..
(لا تخاف مو حاسدينها 
بس شنو ذنب اللي فقدت عذريتها من زواج كتب له انه يفشل وتطلقت ؟؟
شتسوي يعني ؟
(عفوا عالتعبير) تروح ترقع في مصر عشان تقول ما دخل علي طليقي…(يعني تغش وتكذب؟)
عشان يستانس الزوج الجديد ويثبت بطولته ورجولته بفض بكارتها !!
ما اقول للرجال .. الا . . . اتقوا الله .. اتقوا الله في افكاركم وتفكيركم . . .
وترا الدنيا دوارة … لك اخت وبكره لك بنت … ندعي الله سبحانه ان يستر علينا وعليهم بستره
ويبقى الموقف يحتاج لاعادة تفكير ….
……………….. وتبقى مجرد وجهة نظر
انا وايد تطري في بالي هالشغله
اذا البنت اخلاق ومحترمه ليش ماتتزوج مره ثانيه اذا تطلقت واذا تزوجت الاغلب ياخذها مطلق او ارمل او تكون الزوجه الثانيه
ترى غشاء البكاره مو كل شي وياما بنات يخربطون بدون مايمسون عذريتهم والعذريه مو بالغشاء>> العذريه بالاخلاق ولما الوحده تحافظ على نفسها من العلاقات مع الشباب حتى لو كانت مجرد مكالمه وتليفون
بس شتقولين على الرياييل وعقولهم!!!
لاتنسي مجتمعنى الخليجي ذكوري والله يعينا
مشكوره
يعني تفكير الريايل ووايد ونادر منهم الي يخافون ربهم .
مشكووره دنودن
الله ماكثر المطلقات اللي اعرفهم وتزوجوا مره ثانيه
بس انا استنغربت
الحين اللي تطلقت وحافظت على نفسها تروح تدور عمليات الترقيع؟
بينما اللي الله يستر عليها ويهديها اللي بيتزوجها يدري اشكرا وراضي ولا تفكر بعملية اصلا؟؟؟؟
صج دنيا معكوسة !!!!
| كلامج عكس الواقع
الله ماكثر المطلقات اللي اعرفهم وتزوجوا مره ثانيه |
صح وهذا الي نشوفه باغلبية المجتمعات .. مادري احس بالمنتدى يكبرون المواضيع
مشكوره على الموضوع
انا معاج بكل كلمه قلتيها
ولاحظت شي بعد ليش الريااال اللى ولا مره تزوج اهله ما يرضون ياخذ وحده مطلقه
واذا اهى تطلقت بسرعه شنووووووووو ذنبها
والله تخلف
باجر تتزوج
الحين خربوا علينا بسبت المسلسلات والمتكوتين اللي خربوا اخلاق الكويتيين الاصيلين .
ولكن انا اشوف الاغلبيه فيهم خير ياكثر مانعرف اللي تطلق وتزوج عادي ..
والله يستر علينا بسسسس
حتى المطلقه ممكن ايها واحد يحبها و يتغاضى و ياما صارت و وايد قعد تصير
انا هذا رايي
و هم مشكووره عالموضووع و حترم رايج