الدوام السبت 2/9 وماطلعت نتايج النقل؟؟؟؟ شسوي محتاره ،، عطوني حل حق مشكلتي؟

معقوله كل هالتأخير في نتايج النقل على موقع الوزاره ؟؟؟؟

إللى تعرف أحد بالتعليم الإبتدائي منطقة الأحمدي التعليميه أوتمون على أحد تردلي خبر عن نقلي ،، لأني كلمت المراقب من أسبوع وقال لوحده من الموظفات إللي عنده طلعولها قرار بعد ما كتب إسمي عنده والمدرسه إللي أبيها؟؟؟ وبس ماكمل وإنشغل بالمراجعين إللي عنده؟؟؟
على فكره أنا كنت العام ندب في المدرسه إللي أبيها وكتبت تثبيت وبعدين نقل وإسمي موجود في الجهاز بس طالع عنده غير منفذ ؟؟؟؟؟ شسوي يوم السبت إن شاء الله أداوم في مدرستي القديمه وإلا المدرسه إللي كنت فيها ندب ؟؟؟؟
ساعدوني ردوا علي ؟؟؟ محتاره ؟؟

انا اقول داومي بمدرستج القديمه …. واذا حولوج للمدرسه الي تبينها راح يعطونج خبر …… أكيد وترخصي من مدرستج القديمه وروحي الجديده بنفس اليوم …

ما اظن يقولولج شيء لانه ما و طلبه ولا عفسه

وادخلي على موقع الوزارة والله يوفقج

أتوقع المدرسة اللي كنتي فيها ندب وتاخذين منها اخلاء طرف متى ما وصل قرار نقلج وعموما قرارات النقل دايما تتأخر حتا بأول اسبوع الدوام عادي كله جذيه يتأخروون مو يديد عليهم

عادي حبيبتي لا تحتارين داومي بمدرستج القديمه..

تدرين عاد انا السبت بروح اقدم طلب نقل<<حدي بارده

وبحول ابتدائي اي مدرسه لانه لاعت جبدي من المتوسط تعب واايد

والله يوفقج

عزيزتي المدرسه إللي كنت فيها ندب إهي إللي أبي أثبت فيها ومابي أطلع منها أنا أقصد أول يوم دوام أروح للمدرسه إللي كنت فيها ندب أو القديمه إللي كنت مندوبه منها للمدرسه اليديده ،، ياريت تكونون فاهمين علي ؟؟؟؟

صج بارده توج تفكرين بالنقل الناس من الصيف امراكض واسطات وحب إخشوم عشان التنقلات وإنت توج تصحين
( وحده معصبه)

شوفي روحي للتعليم المتوسط وطلبي ندب للإبتدائي لأن بيقولون لج الجهاز سكر مانستقبل طلبات نقل وأتوقع التوجيه الفني له دور أول شي كلميهم ،، إنت شنو تخصصج إذا عربي توجيهنا يبط الجب لازم واسطه قويه آنا أتكلم عن الأحمدي مادري عن المناطق الثانيه ،،

والله يوفجج وبلغيني بالتطورات .

لاتقولين..احبطتيني..اي انا عربي وبالاحمدي ..ادري توجيهنا بايخ..

يالله بحاول باجر والله يستر..

مشكووره ياقلبي<<ياربي طبعي بارده اووف

الله يعينج بس انتي خلج على اتصال معاهم لي داومتي واستفسري منهم احسن والله معاج

للاسف ما عندي خبرة بسالفة الندب

ساعات يثبتون المعلمة بالمدرسة المنتدبة لها وساعات لاء

مشكورين بنات على الردود مع إن محد عطاني حل وشكلي بسوي إنقلاب بقرارت وزارة التربيه ،، وبداوم بالمدرسه إللي أبيها وإذا يبون شي المدرسه القديمه يدقووووووووووون علي
إشرايكم( وحده بايعتها )

اختي عنود انا اللي اعرفه سواء كنتي منقوله او منتدبه

لازم تروحين مدرستج القديمه اذا في قرار نقل يعطونج ورقه اخلاء طرف ومن باجر تروحين المدرسه اليديده لمباشره العمل

وان شاء الله اكون فدتج لانج نفس حالتي باجر اروح المدرسه القديمه على ما توصل اورقه اخلاء طرف واروح اليديده

اختي عنود انا اللي اعرفه سواء كنتي منقوله او منتدبه

لازم تروحين مدرستج القديمه اذا في قرار نقل يعطونج ورقه اخلاء طرف ومن باجر تروحين المدرسه اليديده لمباشره العمل

وان شاء الله اكون فدتج لانج نفس حالتي باجر اروح المدرسه القديمه على ما توصل اورقه اخلاء طرف واروح اليديده

مشكووووووووووورين والحمد لله عدت على خير ،، رحت للمنطقه من فير الله وخذيت نقلي ورحت للمدرسه القديمه وخذيت إخلاء طرف ودامت في اليديده ،،
الله يجعلها سنة خير علينا.