|
|
لكل أم في الدنيا كلها حب وحنان أنقل لها خبرتي في الرضاعة
وأسأل لكم التوفيق والصلاح
قرار الرضاعة يتم اتخاذه قبل الولادة نابع من غريزة الأمومة
ممكن بطنج مايربي ( المولود حجمه صغير ) لكن .. حضنج يربي وهو الأهم
الأشياء اللي تجهزينها قبل الولادة :
– مكينة سحب ماركة ميدلا الكهربائية
موجودة في الصيدليات وسنتر بوينت
– ملابس الرضاعة يسمونه ال blanket فيه موديلات تلقينهم
بسنتر بوينت – مذركير – مترنتي دستنيشن – تويز ار اس بقسم الأطفال
بسنتر بوينت – مذركير – مترنتي دستنيشن – تويز ار اس بقسم الأطفال
– مخدة الرضاعة راح تلقينها بنفس الأماكن السابقة أنا افضل الاسفنجية اليابسة شوي أحسن من اللينة
أدوية الرضاعة للأم :
كورس1 : كالسيوم فوار + بريجنا بلان + فيتولات
كورس 2 : بريجنا كير بريست فيدينج + حليب إنشور + فيتولات
ملاحظة : كورس1 ماتخلطين أدويته مع كورس 2
أدوية عامة :
– 2 م ك شومر تلهم مرة الصبح ومرة بالليل
– مطارة شاي أعشاب : ينسون + كراوية + حبة سودا + شمر
كريمات الصدر لمنع التشققات :
بيبانثين الازرق (فور بريست فيدينج)
– مطارة ماي حار توضع على الصدر عند زخ الحليب
– لا تشترين الحليب الصناعي عشان ماتستسهلين تعطينه لكن الرضعات اخذيهم احتياطا
أدوية الطفل :
من أول أسبوع ولادة تعطينه ملتي فايتمين اسمه (بيبي فيت) عشان إذا عندج مشكلة بجسمج ماتنقلينه مثل نقص فيتامين دال نقص حديد ولأن هذا الملتي فايتمين اهو اللي يتفخ الياهل في الحليب الصناعي فأنتي أخذتي فايدة الحليب الصناعي + فائدة حليب الأم
– لما يصير عمر الطفل 3 اسابيع يبدا قولونه يتوسع ويتعود على انواع الاطعمة المختلفة اللي تاكلينها فيتعصر وتطلع له غازات ماينام منها تعطينه : ماي غريب أو ماركة هيمالايا عندها دوا الغازات للاطفال 3 مرات باليوم قبل الرضاعة وايد مفيد أو من برا الكويت البحرين ،دبي دوا اسمه إنفا كول يخلي الغازات اللي في بطن البيبي كلها غازة وحدة كبيرة تطلع مرة وحدة ويرتاح البيبي
بعد فترة ممكن تتشقق شفايف البيبي فيه بماركة سيباميد زبدة كاكاو تحطينها على شفايفه ترطبها
قبل الرضاعة تاخذين شاش قطن تلفينه على صبعج الصغير تمسحين لسانه عشان تنظفينه
الأكل الممنوع :
الكاكاوات : سنيكرز + ماتيزرس + تويكس عموما كل الكاكاوات تسوي غازات حق بطنه تعوره لاتاكلين
البصل – الثوم – الاكل الحراق (الفلفل) – أي شي يتفخ بطنج يتفخ بطنه (بروكولي – زهرة – ملفوف )
المشاكل اللي راح تواجهينها واحد من اثنين أما يتسكر خشمه أو بطنه يعوره من الغازات
إذا تسكر خشمه ماي +ملح من المستوصف من الصيدلية ممكن اوشن سبري فظييييع مع ملقط للوصخ اللي بالخشم
أو تحطين فازلين داخل فتحة الخشم المسكرة طول الليل وإذا صار الصبح نظفتيه بدون عوار
أو قطرتين زيت سمسم
أو قطرتين زيت سمسم
المصاصات لاتعطينه قبل عمر 3-4 اسابيع عشان مايعاف صدرج
حطوا في حسابكم البنت بلاعة تاخذ طبيعي وتاخذ صناعي لكن الولد حساس اذا شرب صناعي يعاف الطبيعي
أهم نقطة اتفق عليها كل اللي رضعوا سنة وفوق : الحالة النفسية
أهم شي تكون النفسية زينة
لاتزعلين ولاتتضايقين حتى إذا حاشج اكتئاب ولادة وصار فيج بجية روحي الغرفة الثانية وابجي لايسمعج الطفل ولايشوفج هذا كلام الدكاترة وكلام أمي تقول سحبي الحليب اللي بجيتي وهو بصدرج وكبيه لاتشربينه الطفل دكتورة الاطفال بمستشفى السلام الرومانية تقول ممكن يصير بالطفل حساسية (راشز) أو مغص إذا نفسيتج تعبانة
ولما ترضعين عطيه السوادة كلها مو بس الحلمة ومو اكثر من ربع ساعة للصدر الواحد في بداية الرضاعة
مشكوره معلومات فادتني
الله يعطيج العافيه على هالنصايح الحلوة ..
وفي ميزان حسناتج
انا بجريه وما اعرف حق هالسوالف من قريت موضوعج حيل استفدت.gif "Eh S(15)")
وفي ميزان حسناتج
انا بجريه وما اعرف حق هالسوالف من قريت موضوعج حيل استفدت
يطيج العافيه حبيبتي موضوعج وايد مفيد
اقتباس:
|
المشاركة الأصلية كتبت بواسطة * ملكني الخوف *
 مشكوره معلومات فادتني
|
حياج الله
إذا استفدتي نقليها لناس تحتاجها
اقتباس:
|
المشاركة الأصلية كتبت بواسطة استبـــرق**
الله يعطيج العافيه على هالنصايح الحلوة ..
وفي ميزان حسناتج انا بجريه وما اعرف حق هالسوالف من قريت موضوعج حيل استفدت |
الله يعافيج موفقة إن شاء الله
اقتباس:
|
المشاركة الأصلية كتبت بواسطة سنااااي
يطيج العافيه حبيبتي موضوعج وايد مفيد
|
الله يعافيج الله يكتب لج الخير والصالح إن شاء الله
يعطيج الف عافيه
وايد مفيد الموضوع
وايد مفيد الموضوع
يعطيج العافيه وماقصرتي
اقتباس:
|
المشاركة الأصلية كتبت بواسطة @الياسمين@
يعطيج الف عافيه
وايد مفيد الموضوع |
الله يعافيج حبيبتي مشكورة
اقتباس:
|
المشاركة الأصلية كتبت بواسطة (أم نونو)
يعطيج العافيه وماقصرتي
|
الله يعافيج حياكم الله
جزاج الله خير
موضوعج وواضح وسهل وان شاء الله الله يقدرنا ونرضع طبيعي .
موضوعج وواضح وسهل وان شاء الله الله يقدرنا ونرضع طبيعي .
عفيه
نبي نصايح بعد ومعلومات ، بجرية وحابة اتشحع واستفيد
وكله بميزان اعمالج
يعطيج العافيه حبيبتي
مشكوووره وايد انا بجريه وموضوعج مفيد
اقتباس:
|
المشاركة الأصلية كتبت بواسطة mednight rain
جزاج الله خير
موضوعج وواضح وسهل وان شاء الله الله يقدرنا ونرضع طبيعي . عفيه |
الحمدلله على هالثقافة والعلم
اقتباس:
|
المشاركة الأصلية كتبت بواسطة أم نواف غير
يعطيج العافيه حبيبتي
|
الله يعافيج يا عمري
اقتباس:
|
المشاركة الأصلية كتبت بواسطة miimoo
مشكوووره وايد انا بجريه وموضوعج مفيد
|
حياج الله
جزاك اله كل خير