الدكتور ناهض حمادية منعني من استخدام اعشاب النفاس والسبب

السلام عليكم

شلونكم بنات

اليوم رحت موعدي عند ناهض حماديه ماشالله عليه محترم ومايكشف عليج كل شي تزهبه السستر حتى السونار الداخلي تحطه اهي

المهم

اليوم رحتله بسبب النزيف بعد الاجهاض

ماوقف معاي كنت بعرف ليش

لما شاف السونار الداخلي قال لي انتي تاخذين اعشاب !!! قلت اي

قال لو سمحتي وقفيها

قتله ليش ؟ قال شوفي …

وراواني دائره سوده كبيره بالسونار قتله شنو هاذا

قال هاذا تكيس بسبب الاعشاب

هالسوالف مالت امهاتنا خذوها بالعاده وبدون دراسه ولا جان الاجنبيات كلهم خربانات

طبعا هالحجي جدام ريلي انقص ويهي شوي

بس حبيت اوصل لكم ان التعشاب مالت النفاس كثرتها مو زينه وماتناسب كل وحده

وجب النتبيه

وشكرا

عاد تدرين واجد يمدحونه ناهض

بس انا وحده ماحملت الا من ربي اول وثم الاعشاب
:-*

ماشال الكيس مني الا الله من ثم علاج مراا الله يعطيها العافيه …

سلامات ، ويعطيكي العافيه

سامحيني اختي انه داشه عرض ابموضوعج بس ماقدرت ما اكتب ولو تعليق بسيط ابحق هل دكتور المحترم. دكتور ناهض انسان مثقف و محترم بكل ماتحمله الكلمه من معنى. كنت اراجع عنده في بدايه حمالي و غيرت في النهايه لانه مابغيت انكشف علي دكتور في الولاده.يعطي المريضه الوقت الكافي عشان يجااوب على كل الاسئله و الاستفسارات. دكتور اقل مايقال عنه فاهم و خبير و انصح اي وحده عندها مشكله في الحمل تراجع عنده.

اي مستشفى دكتور ؟

الحمد لله على سلامتكم

سبحان الله كل شي بيد رب العالمين لابيد ناهض ولا حريم ولا غيرهم

الله سبحانه جعلهم مسببات فقط للشفاء

انا ذكرت ان الاعشاب ماتناسب الكل

اول حمال لي استمريت عالاعشاب النفاس كله وماصارلي شي الحمد لله

لكن هالحمال تكيس

سالته يمكن بسبب الحبه السوده قال لا الحبه السوده مو مضره

الله يسلمج ويعافيج

صاجه انا عن نفسي ارتحت الحمد لله عنده والله يكتبلي الشفاء والحمل التام

حتى الان ماكشف علي .. هالشي احاتيه

امس السونار كله السستر جهزته واهو بس يحرك السونار ويشوف الشاشه وانا مستوره حتى زوجي كان موجود

الله يعطيه العافيه

المواساة الجديدة

والله انا ما اصدق بالاعشاب

عندنا في البحرين الوالد بس تاخذ رشاد ولا شاي قرفة

ما في لهوم وسفوف ومادري شنو

الله يعوضج خير
ومعروف الشي اذا زاد عن حده ينقلب ضده
انا ما استغني عن الاعشاب
بس مره باليوم او مرتين مو اكثر مع اني نفاس

حبيبتي مايصير تاكلين اعشاب بالاجهاض انا اللهم باجهاضي كنت اكل حلبه وفوليك اسد وبس الاجهاض مو نفس النفاس الي تحتاجين للاعشاب هذي

انا بنفاسي ماكليت شي من الاعشاب غير حلبه وزعتر وطلعت من عقب اسبوعين ماصار فيني شي

صراحه فيه ناس عندهم عقده خربانه وافكار قديمه

الاجانب اشوف ماضرهم

مشكوره على ذكر تجربتج

مادري انا احس بالعكس
هالاعشاب زينه بس مو معناته نكثر منهم

والله مادري سويت نفس مانصحوني ياختي

بس توبه

فعلا الشي لي زاد عن حده انقلب ضده

والله محد نبهني مشكوره بعد قلبي

نفس كلام الدكتور

العفو حياتي

اهو صح اعتقد الكثره اللي اللي ضرتني