الدكتور ناصر المنيع – مدخل علم نفس

السلام عليكم
بنوتات كل وحده تقولي كل شي تعرفه عن هالدكتور( معاملة – شرح – امتحانات- قريدات

) عن تجربه ومشكووورين

وعليكم السلام

شهادتي بالدكتور ناصر المنيع مجروحه

من اروع الدكاتره للي خذيت عندهم من حيث معامله واحترام لطالبه وتقدير

وامتحاناته سهله حيييل ويعطي كيرف

وللي ياخذ علم نفس عند دكتور غير ناصر المنيع ماعنده سالفه

وموفقه

امم انا خذيت عنده السنه اللي طافت .. معااملته حددددددددددددددددده عجييييبه مع البنات و في الكلاس يضحكنا و يتغشمر معانا و سوالف و يضغط بعض المرات البنات يعني الكلاس كان حددددددددددددددده روعه و خفيييييييييييييفه و ماشاءالله عليه ماشاءالله عليه دايما مبتسم ناادر ما نشوفه معصب في المحاضرة

الشرح بصرااحه توووووووب علييه طرق موووووووووو طبيعيه علشان بس يوصلج المعلومة و يسهل عليج الحفظ يعني اسامي العلماء يقولج قصه يربط بين الاشياء علشان يسهل عليج انج تحفظينها … باختصاار شرحه روووووووووووووعه

امتحاناته سهههههههههههههله و عجييييييبه بس على حسب عاد الكلاس .. يعني انا اذكر السنة اللي طافت امتحن اول شي الشباب و عقبها باسبوع البنات عاد يقول ان حط حق الشباب امتحان صعععب بس واحد ياب 19.5 و الباجي كلهم زفت لمن سألناه قال انا اخذ راحتي اكثر مع الشباب فالشباب استهانوا في الماده فحبيت اضبطهم شويه .. بس بشكل عام يزاه الله الف خير سهههل علينا الكميه بشكل خياااااااااااالي .. يخططلنا في الكتاب و يقول بس اللي خططته لكم درسوه هذا اللي راح اييبه في الامتحاان يعني تخيلي فصل كااامل عن اجهزه عصبيه و مادري شنو جنه احياء ملييييييييق هالفصل .. بس عطانا جم ورقه تلخيص و بس و في جابتر بس صفحه كاااامله بس فيها جمله مهمه و الباجي طاااااااااف .. و حتى في الفاينل خططلنا ياهم .. امتحاناته بشكل عام تهبببل يعني يزاه الله الف الف الف الف الف خير

يرفع قريدين على ما اعتقد حق اللي مو غااايبييييييين .. شغلتيين ماااا يواطنهم خييييييييييييير شر ( الغياب و الوااسطة ) لاا تغيبين = يرفعج لي الآي .. تغيبين = انسي الآي
يبتي واسطة = ضغطج في الكلاس و يحط عليج
بكل بسااطه
و اذا مثل غبتي لأنج مريضة او شي و عندج طبيه يقولج عطيني ياها آخر الكورس عاد في الامتحان الفاينل يقول عطوني طبياتكم !!

انا بصراحه بصرااااحه اهوا أححححححححسن واحد درسني من بد كل الدكاتره .. اسلوب حلو .. باله وسييييييييييييييع .. شرحه يهبل .. امتحانات سهله .. قريدات و يعطي .. الطلبه و يقدرهم و يفهمهم .. مع كل هذا الا تصرفات بعض البنات معاه يعني سمحيلييييي .. حمدلله و الشكر .. الله يعينه على بعض البنات اللي حمدلله و الشكر .. كل كورس لاااازم تصير معاه اشيااء تشيب شعر الراس من هالبنات لاااااااااااازم .. هالكورس رفيجتي قالتلي سالفه انا حطيت ايدي على راسي من كبر السااالفه!!!
ما اقول الاه الله يهدي هالبنات و يثبتهم على دينهم و الله يعين الدكتور عليهم !

اي و نسيت شي بعد خخخ
ترى يعرف اذا وحده جذبت عليه او لأ .. والله العظيم ان يعرف!!!!
فلاااا تفكرين انج ادورين لج جذبه و تقوليله .. ترى يعرررررررررررررف .. اهوا قال بنفسه .. يعني يا تقولين الصج او سكتي احسلج لأن اذا جذبتي فراح يعرف و المشكله ماااااا يبين لج انه اهوا يدري انج اجذبيين..يعني انتي الحين مندمجه مع الجذبه و اهوا يدري انج قاعده اجذبين فمايبين لج ان اهوا يدري بس يقولج كلمتين المتلازمتين دااااااائما على لسانه ;p ( امورج طيبه _ مشي حالج _ .. )

موفقه حبوبه

مشكورة شموووخ حبيبتي ريحتيني
كفيتي ووفيتي غماااازه حبيبتي :***

بس يعني اذا وديتله طبيه يشيل الغياب؟

^^^
فديتكم بنات كليتي لووووول

حبيبتي دشي على موقع https://www.kuniv.net/

وكتبي اسم اي دكتور تبينه ويطلعلك تقييم الطلبه عليه

هذا اليوزرنيم مالي: nono-ful

هذا الباسوورد : 123456

وياليت تقيمين الدكاتره اللي خذيتي عندهم علشان الطلبه يستفيدون

و أتمنى اني ساعدتج

هالدكتوور ماشاءالله الكل يمدحه ومعروووووووووف عنه باخلاقه العاليه مع الطلاب ..

انصحج تااخذين عنده

اخذذذذذذذي عنده وانتي مغمضه ..

عسى الله يوفقج :$

,

والله مادري اذا يشيل الغياب ولا لأ .. ما جربت بصراحه

عن تجربتي الخاصه :

1- معاملة >>من اروع مايكون طيــــــــــب وغشمرجي دايم ينكت ويضحك واذا رحتيله المكتب تشوفينه دايماً شاق الحلج ويبتسم ومستعد يسمع كل اسئلتج ويجاوبها

2- شرح >> عجيـــــب اييب لنا امثله تونس وبنفس الوقت تخلينا نفهم المنهج ونحفظ الدرس حتى يعلمنا شلون نحفظ الاشياء الصعبه مثل اسامي العلماء وحتى في اشياء لما الحين حافظتها عددل.. اصلاً مانحس بوقت المحاظره ..ماتمر محاظره من غير سوالف تضحك اهو يقولها

3- امتحانات >> والله انه اول امتحان كان 40 سؤال اختياري حليته بـ10 دقايق بسس تخيلي من كثر مااهو سهـــل حتى بعض الاختيارات اللي يحطها تضحك ومالها شغل بالمنهج ..اللي يقوله بالمحاظره انه مهم اييبه بالامتحان يعني كللش مافي صعوبه

4- قريدات >>الصراحه ماقصر معانا خصوصاً اللي ماعندهم غيابات زادهم قريدين واول الكورس قال انه فيه نشاط عليه 5 درجات واهو خمس هوم ووركات طوول الكورس وماطلب منا غير 2 هوم وورك وسهلين حددهم واخر شي قال انا معطي الكل درجة النشاط حتى اللي مو معطيني الهوم وورك عطيتهم 5 درجات

باختصار لاتاخذين هالماده عند غيره ..اذا خذيتي عنده ان شاءالله حاولي ماتطوفين ولا محاظره لأن صــج يقول اشياء اييبها بالامتحان ومهمة واهو مايحب الغياب ولا الواسطه .. صج الماده تغث شوي بس اهو كان يلخص لنا جابتر كامل بصفحه وحده وقبل الامتحان يخطط الكتاب معانا ويقول شنو بييبه

وموفقه ان شاءالله

حبوبه اخذي عنده بدون ماتسألين احد دكتور مايختلف عليه 2 كل اللي اقدر اقوله دكتورر روووووووووووووووووووووووووووووووووووووووووووعه بكل معنى الكلمه من حيث ( معاملة – شرح – امتحانات- قريدات) اتوقع لوبتكلم لج عنه ماراح اخلص لوووووووول
انصحج اخذي عنده

واااي يهبببل هالدكتوور عسل عسسل
شقوول مهما اتحجى ما اوفي بحقه
دكتور محترررم ودمه خفييف ومحاضرته تيينن
وشرحه عجييب يخلي المعلومه غصب تدخل بمخج خخخ
نصيحه لا تاخذين المدخل الا عنده

مااعرفه

انا ماخذه عند عبدالله العصيمي

عسل الصراحه

انا ماخذيت عنده بس راقبت معاه على امتحاناته على الطلبه

امبيه اينن هالدكتور من معامله ومن شرح ويحذف
انا مادرست شخصيا عنده بس رفيجتي ماخذه عنده وحضرت وياها كذا محاظره صج شرحه ومعاملته ودمه خفيف يعني هالدكتور ماتحصلين مثله

إي واهم شي لاتغيبين ودرسي اللي يحدده وياج وكل شي اوكي تظمنين الـA

مايحب الواسطه والغياب

انا الكورس الياي باخذ عنده إن شالله ، لآ تترددين والله الدكتور اعطيه 100 %