الدكتور أحمد الذايدي الي تعرفه تدش

بنات اشلونكم
أنا سجلت صيفي عند أحمد الذايدي
أضمن اي عنده أنا حيل محتاجه الاي, شلون طريقته

و بقيت أسأل عن المعدل الدي نزلت معدلي و محتاجة أرفع معدلي
هالكورس نزل معني ماخذه اي بمادة بس نقص معدلي بدل ما يرتفع

هلا اختي

انا ماخذه عنده واحس ماعطأني حقي خليجية

اهو زين خوش واحد بس مادري شلون صاير مو عادل

وبالامتحان دخل ويانا اشياء كان شاطبها اساسا بداية الكورس ويقول لا وياكم !!

وبالفاينل مقدمه عدل عدل وتوقعت درجه كامله قتله بشوف ورقتي قال لا ماتشوفينها .؟؟؟!!

اموفقه ان شاء الله البنات يفيدونج بتجاربهم

يعني ما اضمن اي عنده

جم خذيتي عنده

ما أنصحج فيه

واايد يكرف و يطلب بحث ومادري شنو

شوفي دكتور ثاني أفضل

ما في غيره

امم اهو شنو يعطي؟

كل المحاضرة يسولف عن السياسة وكله خرااابيط ونظامه يطلب مشاريع او ابحاث يحب الشغل

وبالاخير مايعطي ال a الا بطلعة الروح

ما اقدر افيدج بشي بس هذا التققيم ماله و موفقه يا رب :*

المختصر المفيد- معظم الطلبة يقولون5/4.5
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 40

التقييمملاحظات الطلبة- النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة اسلامية التاريخ: 2024-09-20الطالب: SnaFii رقم التقييم: 21963
الدكتور ممتاز بس شديد من ناحية الغياب والحظور والوقت .. مرات كان ياخذ عشر دقايق زيادة .. امتحاناته سهلة اختياري وصح وغلط .. وبالنهاية يرفع .. انصح فيه اذا بتلتزمون معاه ..
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافه أسلاميه التاريخ: 2024-09-07الطالب: zobanoba رقم التقييم: 21873
شقول عن الدكتور احمد احس لو بتكلم شكثر ماقدر اوصف لكم اياه
والله الدكتور حدددددده عجيب وايد حبوب وطيب ويراعي وايد صح ان مرات وايد يتكلم عن السياسه بس اصلا الماده مايبيلها شي جنه ماخذين تربيه اسلاميه بالثانويه بس امبي اذكر 3 مرات نسى امتحان الميدتيرم وامبي الفاينل يه ولايقول نسيت اصور الامتحان نطرو اروح اصوره وايي امبي متنا من الضحك بس والله عطانا 10 اسأله بونص ونسأله بالإمتحان يساعد باختصار اخذو عنده وانتو مغمضين
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة اسلامية التاريخ: 2024-08-28الطالب: بنوتة جامعية رقم التقييم: 21644
قووة
اولا احب اتكلم عن الدكتور .. بصراحة شرحة ممتاز وسهل وخفيف وحلو .. يحببك بالمادة .. اخذتها بالصيفي بس ما يحب التأخيـــر..
لو تأخرت خمس دقايق تسجلت تأخير .. وهذا صرااحه حق وعدل منه .. لان مو حلوة يساويك بالي يتأخر ..
..
امتحاناتة على الصيفي :
كانت 20 ميدتيرم اول
20 ميدتيرم 2
و5 بحــث وكان عن الخطة الخمسية لحياتك وكان كاتبها لنا بس نسويها احنا وكانت سهله حيل والكل خذ فيها 5
و 5 حضور وغياب .

امحاناته موضوعية مافي مقالي .. اختياري وصح وخطأ ..
جدا سهل الامتحانات الي يعطينا اياها ..

الكمية صج كبيرة بس والله سهله وبسيطة
انا الامتحان ما درستله عدل الاول لان الكمية واجد وطنشته بصراحه خذيت فيه 17 ونص من 20 .. بطلت حلجي …
لان ما توقعت بصرااحه كنت طالعه خايفة اخذ 11 من 20

نصيــحه مني …

اخذوو عنده وخاصة انها تعادل حضارة اسلامية ..

يعطيكم العافية والله يكثــر من امثالك يا دكتور احمد .. ونعم الدكتور والاخ الكبيــر ..^_^
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافه اسلاميه التاريخ: 2024-08-06الطالب: وردة الاجتماعية رقم التقييم: 21476
من أروع الدكاترة..

ميدتيرم واحد من 45 درجه ويطلب علينا واجب سهل حيييل
والفاينل من 50 …
امتحاناته سهله وحلوة يعني تدرسوون مرتااحين وتطلعون
من الامتحان مرتااااااااااااااحين

المادة بسييييييطه حيل مع هالدكتور..

محاااااااااضرته وناااااااااااااااااسه حيل حللللوة
وسوااااااااااالفه تشوييق ورووووووووووعه
>> ودي اعيد المادة عنده

محتررررررررم جدا جدا ومرح و حبيب
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: الدعوة إلى الله ووسائلها التاريخ: 2024-06-18الطالب: Al-Qahtani رقم التقييم: 20902
دكتور أحمد يعتبر دكتور جيد في قسم الشريعة من ناحية الشرح والمعاملة والدرجات ونظام الامتحانات وغيره.

1- الشرح :

الدكتور ماشاء الله له أمثلة كثيرة في التاريخ وخاصة التاريخ السياسي. ولما أسئله في شيء معين يجاوب على سؤالي وبشكل مطول. ولكن للاسف إن أغلب محاظراته يخرج فيها تدريجياً عن الشرح ويتطرق للمواضيع السياسية ويصير الكلاس كلاس في تخصص العلوم السياسية وليش الشريعة. ولكن لما يتطرق إلى المنهم فإنه يشرح بضمير وبشكل مفهوم.

2- الدرجات :

– من ناحية الدرجات فهمي مقسمه على النحو التالي :

أ. ميديترم : 20
ب. غياب : 10
ج. بحث : 20
د. فاينل : 50

-والدكتور عطانا في إمتحان الميديترم مجموعة أسئل بونص بسيطة مجموع درجاتها 5 وذلك لمساعدة الطالب.

وأيضا عطانا بإمتحان الفاينل سؤال بونص درجتين للمساعدة.

3- البحث :

– البحث عبارة عن مجموعة قصصية سيوضح الدكتور تفاصيلها بالمحاضرة. وهي تحتاج لمجهود بسيط فقط.

4- الإمتحانات :

– نظام الامتحانات (موضوعي) عبارة عن اختيار متعدد، وضع علامة صح أم خطأ.

ومستوى الامتحانات بكل بساطه سهل للطالب اللي يذاكر، أما الطالب اللي نايم على بطنه ويعتمد على الغش فالامتحان بالنسبه له صعب.

* عطيت للدكتور 4 نجوم وذلك لعدم توفير كامل المحاضره في التكلم عن المنهج، والخروج عن المنهج بكثرة.

بالنهايه يعطيك العافيه دكتور أحمد على شرحك السياسي وأمثلتك العديدة اللي استفدت منه أكثر من الديني. والشيء هذا يفيدني بمجال تخصصي.

شكرا جزيلا دكتور على حيادك وإنصافك لنا، ومافرقت بين الطالب (بو دشداشه مقصمله) وبين الطالب (الفنكي).

وقال الرسول -عليه الصلاة والسلام-: (لا دين لمن لا أمانة له).

وأنت نعم الأمانة. ^_^
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافه اسلاميه التاريخ: 2024-02-20الطالب: ضايعه بالطوشه رقم التقييم: 20247
بأختصار :

الدكتووور اينن من جمييع النواحي

انصح فيه

الله يوفقه و يحفظه
– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: ثقافة اسلامية التاريخ: 2024-08-25الطالب: مايسترو رقم التقييم: 18701
المادة مادة A .. سهلة مثل مواد الاسلامية بالثنوية ..

تقسيم الدرجات عبارة عن ميتيرم وفاينل .. كل واحد منهم بـ 45 درجة يدبل الأحسن بشرط انك تكون ناجح في الميتيرمين .. و 5 درجات خطة و 5 درجات مشاركة ..

وبالمتيرمات في أسئلة بونص ..

مشكلته انه يطوّل بالمحاضرة ويطلع عن الموضوع بشكل غريب .. صج ان ثقافة الدكتور عالية بس يوظفها لمصلحة معينة ويبي يبيض وجه بعض الحركات ..

يعني اللي يحضر ويسمع كلامه يعتقد انه دكتور علوم سياسية مو شريعة ..

وعلى كل عموم فاهو ما ينكر انه ينتمي لحركة سياسية معينة ..

أختلف مع الدكتور فكرياً .. بس كدراسة الـ A حيل سهلة عنده ..
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: حاضر العاالم الاسلامي التاريخ: 2024-08-16الطالب: جامعيه غير رقم التقييم: 18594
يهبل يهبل يهبل

والله لو اقدر اعيد الماده اعيدها

يستاهل دكتورنا 10 نجووووووم

امتحاناته سهله وشرحه حلو وتقريبا الماده كلها قصص ومواقف يعني مايحتاج حفظ

امتحانه الفاينل موضوعي سهـــــل ماي ماي

الله يوفقك يادكتور ويجزاك خير

(( انصـــــــح وبشـــده ))
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: دعوه 1 التاريخ: 2024-08-09الطالب: alatrojja رقم التقييم: 18554
اصراحه خووووووووش دكتور

امتحاناته واااايد سهله وحبوب مع الطالبات والطلبه وااااايد محترم

فيه عيب واحد إن واااايد يطلع عن الشرح ويستغرق بالسياسه

بالعموم الدكتور ممتاز لا تفوتونه
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافه إسلامية التاريخ: 2024-06-28الطالب: 3themen رقم التقييم: 18082
الدكتور يطول بالمحاضره بس حبوب والماده خفيفه على الطالب واهو يسهل الماده على الطلبة دكتور محترم ومنتظم وانصح فيه
– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: ثقافة التاريخ: 2024-06-25الطالب: totti رقم التقييم: 17920
بكل اختصار دكتور شرحه حلو وامتحاناته سهله ..
ويعطيك امتحانين ميدتيرم من 20 وبونس سؤال واحد في كل امتحان والفاينل حمسين سؤال ويجي من اسئلة الامتحان السابق
ومع هذا اذا ماقدمت زين فيه يعطيك ميدتيرم ثاني تقدمه ..
يعني قاعد يسهل الامور بشكل مو طبيعي للطلبة ..

تقديم خطة 5 درجات
وهذي امور سهله ..

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافة اسلامية التاريخ: 2024-06-15الطالب: nando رقم التقييم: 17503
بكل اختصار دكتور شرحه حلو وامتحاناته سهله ..
ويعطيك ميدتيرم من 20 وبونس 5 اسألة يعني بونس 5 درجات ..

ومع هذا اذا ماقدمت زين فيه يعطيك ميدتيرم ثاني تقدمه ..
يعني قاعد يسهل الامور بشكل مو طبيعي للطلبة ..

وتسميع سورة وتقديم خطة ..
وهذي امور سهله ..

لك ياخذ ثقافة اسلامية عند شخص غير الذايدي
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: الدعوه التاريخ: 2024-05-02الطالب: غرباء رقم التقييم: 17280
الدكتور احمد الذايدي اروع دكتور مر علي بالمعامله والاسلوب احس قلبه طيب بس ان في شغله موعاجبتني فيه دكتور اقلب شرحه خارج نص الكتاب ما احس اني استفدت من الماه معاه حيل على كثر ما استفدت بالامور السياسيه ..

امتحاناته جداا سهله وحلوه وانصح فيه للي يبي a

– النجوم:
– المستوى: سهل جدا
– الشرح: شرح ممتاز
– حصلت على: B
ننصح به
المـادة: ثقافه اسلاميه التاريخ: 2024-05-02الطالب: shosho رقم التقييم: 17279
دكتوور محترم سوالفه مفيده .. بس واايد يطول بالمحاضره …
المهم امتحاناته واايد سهله شرحه ممتاز .. بس ما توقعت هالقريد ..
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: الدعوة الى الله التاريخ: 2024-04-15الطالب: kuw رقم التقييم: 17055
الدكتوور محتررررررررررررح حيييييييييييييييييييييييل انا ماخذه عنده هالكورس والتفدير اللي حاطته يمكن اخذه باذن الله
بس عيبه شي وااااااااااااااحد كله يتكلم عن السياسو واوباما لوعععععععععععععععععععععععع جبدي بشي اسمه اوبوما والله لويمتحنا بالسياسة نجيب درجات فوووووووووووووووووق كاملة لانه فعلا ماثره عليه السياسة حييييييييييييل
ومن كثر قرقته البنات قالوا عزالله مايتعب من القرقة والله يابنات ماامدا حسدوه والاطاح الدكتور بالقاعة وغاب بعده اسبوووووووووووع كاااااااااااامل من شدة العين اللي صابته
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة إسلامية .. التاريخ: 2024-02-01الطالب: B*M*B رقم التقييم: 16349
أحلى كلاس مر علي بحياتي كلاس الدكتور أحمد الذايدي ..

كلاس ممتع ..
و شرع روعه ..
ما يحسسك انك قاعد تدرس ماده جامده مجرد احفظ و قدم ..
بالعكس ..
يدخل الماده بكل حدث يمر علينا باليوم ..
الصراحة ..
هالماده استفدت منها بأمور حياتي الاجتماعية و الاقتصادية و السيايه أكثر من مجرد دينية ..
وكله بفضل الله ثم الدكتور الذايدي ..
شرح لا يطوف ..
انسان راقي بتعامله ..
فريد بأسلوبه ..
متساهل مع الطلبه ..
و أسهل امتحانات اهو إلي يحطهم ..
كله موضوعي لا و يعطينا جم سؤال بونص ..
و آخر شي سوالنا كيرف ..
و الله صج هالدكتور الله يعطيه العافية ..
و غلطان إلي ما ياخذ عنده ..

أنصح فيه و بشده ..
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة اسلامية التاريخ: 2024-08-31الطالب: Q8_NuNo رقم التقييم: 15121
الدكتور رووووعه بكل شي

تستفيد منه وااايد خصوصاً الخطة اللي يعطيها بأول الكورس

اهو ما يشرح وايد الكتاب والمادة

لأن أصلاً المادة سهلة واايد وما يحتاجلها شرح أبد

طريقة امتحاناته حيل حلوة لأنها موضوعي ودراستها سهلة

الله يعطيه ألف عافية

اللي يبي أقصر طريج للA مع أكثر أفادة تكتسبها بحياتك

يختار الذايدي بدون منازع
– النجوم: لا يستحق نجوم
– المستوى: صعب
– الشرح: شرح غير مفهوم
– حصلت على: B
لا ننصح به
المـادة: ثقافه اسلاميه التاريخ: 2024-07-29الطالب: cba_boy رقم التقييم: 14777
السلام عليكم

الدكتور .. اول شي مو مطوع .. وكل كلامه سياسه .. داش شريعه شكو؟
ثاني شي بالنسبه للماده .. تخيلوا يتكلم ويسولف .. شنو سوا بأمريكا .. يعني انا كنت هناك خليت وحده تقرا كتاب اسلامي وانا وانا .. واخر شي يوم الامتحان .. يقولنا انا صح ماشرحت المطلوب .. بس واثق فيكم كطلبه جامعيين انكم راح تقرون وتحلون ! عيل داشين الجامعه ليش؟
وطبعا امتحاناته كله تركات اختيارات .. وكل الاجابات صح .. تختار الأصح ..
الميزه الوحيده الي حلوه فيه انه يدبل احسن درجه بالميد تيرم .. ومايرفع .. ومايدري عن شي بس يتكلم بالسياسه شكله ناوي ينزل عضو
– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: ثقافة إسلامية التاريخ: 2024-07-27الطالب: almgdam رقم التقييم: 14732
الدكتور ممتاز و المادة ممتازة و سهلة و مضمونة الحمدلله.

و إن كان عنده شوية مزاجية بس يبقى ممتاز
– النجوم: لا يستحق نجوم
– المستوى: متوسط الصعوبة
– الشرح: شرح غير مفهوم
– حصلت على: A
لا ننصح به
المـادة: ثقافه اسلاميه التاريخ: 2024-06-10الطالب: anything رقم التقييم: 14031
الدكتور حده مزاجي ومايحترم الطلبه معاملته كلش مو حلوه
مايعرف يشرح ودايما يتكلم عن اشياء برا المقرر ويقول انتو ليش تحبون تظيعوون الوقت !!

خلانا نسوي خطه وطلعت روحنا على ماسويناها .. والتسميع يدقق وايد ومايعطي درجات

الماده وايد فيها ظلم !

الامتحانات مايغيرها ويكونون الشعبه الي بعدنا مو ممتحنه وياخذون امتحانا واهما الي يستفيدون وصارت بالسيكند ميدتيرم والفاينل

باختصاار ما انصحكم فيه لان راح تتعبون بالماده واهيا ماتستاهل كل هالتعب
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة اسلامية التاريخ: 2024-02-08الطالب: amoon رقم التقييم: 13148
الحمدلله أني توفقت بهالدكتور لاني بصراحة من اسم المادة ارتبكت بالبداية وخفت من صعوبتها
لكن د. أحمد ما قصر وكانت طريقته بالشرح سريعه وبنفس الوقت تخليييك تصحصح معااه وتشااارك وتحب أنك تشااارك
يعطيه ألف عافية الأمتحانات كانت بس اختياريه وكان عندنا حفظ سورة من القران ومشرووع أو خطة .. وكان الكووورس رووووعة معاااااااه
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: حضاره اسلاميه التاريخ: 2024-01-17الطالب: (ابو عوده) رقم التقييم: 12583
الدكتور جدا ًرائع وما يتطوف ..
– النجوم: لا يستحق نجوم
– المستوى: سهل
– الشرح: شرح غير مفهوم
– حصلت على: C
ننصح به
المـادة: ثقافة اسلامية التاريخ: 2024-09-23الطالب: Jore رقم التقييم: 11868
:× مليق
– النجوم:
– المستوى: سهل جدا
– الشرح: شرح متوسط
– حصلت على: A
ننصح به
المـادة: حضارة اسلامية التاريخ: 2024-09-05الطالب: CEO رقم التقييم: 11538
الدكتور لا يفوت

امتحاناته مكررة بالحرف

موفقين جميعا
– النجوم:
– المستوى: متوسط الصعوبة
– الشرح: شرح متوسط
– حصلت على: A
ننصح به
المـادة: ثقافة اسلامية التاريخ: 2024-08-01الطالب: Violin رقم التقييم: 11027
خوش دكتور و امتحاناته زوينة
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: ثقافة إسلامية التاريخ: 2024-07-12الطالب: trbawia رقم التقييم: 10851
دكتووووووووووور ممتــــــــاز وأكثر من ممتاز بعد

. . .

مثقققف وتستفيد منه صج ، وأسلوبه بالشرح وااايد وايد حلو يقـــنع الواحد بآراءه بمنطق

من ناحيه الامتحانات والدرجاااات

سهااااااالات ، المقرر عباره عن معلومات عامه أصلا
وأسئلته سخيفه وسهله جدا .

والقريدات عنده ببلاااااش

الله يوفقه بالدنيا والآخره ويكثر من أمثــاله

أنصححح فيه وبشددددددددده
– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: ثقافة اسلامية التاريخ: 2024-07-02الطالب: cool8 رقم التقييم: 10670
دكتور ممتاز بالشرح وحقني بالدرجات عنده بونس يكون بحث وحفظ
– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: ثقافه اسلاميه التاريخ: 2024-06-27الطالب: e7sasy-19 رقم التقييم: 10595
اخذوا عنده وانتم مغمضييييييييييييييييييين
– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: ثقافة اسلامية التاريخ: 2024-06-22الطالب: ZooZoo رقم التقييم: 10520
اذا بتاخذ اختياري اخذ عنده , وايد يسااعد وامتحاناته سهلة , ويعطي أكثر من بونص , مايهتم بالتأخير ولا حتى بالغياب والحضور…

و مشكلته فقط بالشرح تلقى الكتاب اب صووووب واهو بالمحاضرة بصووووب ثاني

بس عادي اقعد ورى والعب بالمبايل وتقزر
– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: ثقافه اسلاميه التاريخ: 2024-06-15الطالب: ENG رقم التقييم: 10407
خوش دكتور …
يعطي درجات .. كنا احنا انصلح الامتحانات حق بعض و نقله الدرجات …
بس الصراحه محاضراته ممله ,,وامتحانات دقيقه كله من بين الاسطر
– النجوم:
– المستوى: سهل جدا
– الشرح: شرح جيد جدا
– حصلت على: B
ننصح به
المـادة: ثقافة التاريخ: 2024-06-15الطالب: q8yy1 رقم التقييم: 10384
دكتور ممتاز

اللي عنده اختياري ويبي قريد ياخذ عنده وعلى مسؤوليتي

انا اخذت عنده بي لان التقصير مني وكنت ادش الاختبار من دون ما اقرا الدروس بس على شرحه

دكتور مميز جدا واخلاق عالية ويقدرك ويقدر ظروفك اذا طلبت منه شي
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافه اسلاميه التاريخ: 2024-05-07الطالب: sara رقم التقييم: 9674
دكتور طيب ومحترم و يقدر ظروف الطالبات ، ماقصر معانا

ويحاول يساعد الطالبات بالبونص و امتحاناته سهله

انصح الكل ياخذ عنده
– النجوم:
– المستوى: سهل
– الشرح: شرح جيد جدا
– حصلت على: B
ننصح به
المـادة: ثقافة اسلامية التاريخ: 2024-04-14الطالب: Tomorrow’s Scientist رقم التقييم: 9217
د.احمد والله و النعم فيه خوش دكتور
خصوصا طريقة تفكريه و اسلوبه
والامتحانات اختياري و ياخذ احسن واحد
و يعطي بونس
بس عيبه انه ممكن يتناقش معنا بمواضيع"مشوقه"خارج الدرس لفترة ربع او ثلث ساعة من المحاضرة فما يخلص الكمية قبل الامتحان و يقول "الباقي من كمية الامتحان واجب قراءة "سمعتها ثلاث مرات قبل كل امتحان
بس المادة اساسا سهلة و امتحاناته حيل سهلة و معقولة

وسلامتكم ………
– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: الثقافه الاسلاميه التاريخ: 2024-04-04الطالب: boo6a6a رقم التقييم: 9130
خوووووووووووووش دكتور و وايد طيب ومتساهل وحبوب
– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: thaqafa التاريخ: 2024-01-17الطالب: finance رقم التقييم: 8469
dr a7mad momtaaaaaaaaaaaaaaaaaaaaaaaaaaaaz ,, mn a7sn el decatra elly ydarsoon thaqafaaaaa .. shar7 3ajeeb .. oo esloob mo7taram .. ana 3ayda el madda !!!!!!!!!! knt ma5that’ha 3end wa7ed bedon theker asma2 .. oo 3a6any D .. bs 3end el DR A7MAD .. ana metwaq3a A enshalla .. ed3ooliii
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافه اسلامية التاريخ: 2024-08-24الطالب: جرح رقم التقييم: 6697
مدرس ممتاااااااااااااااااااااااااز

بالنسبة لي اللي استفدت منه من خارج نطاق المنهج اكثر من المنهج نفسه

مدرس يعطي الطالب في المحاضرة سيل من المعلومات الخارجيه باسلوب ممتع وشيق

سمح و سهل بالتعامل عسى الله يسهل عليه دنيا واخرة
– النجو:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: ثقافة اسلامية التاريخ: 2024-08-13الطالب: ؟؟؟ رقم التقييم: 6560
بصراحة خوش دكتور و وايد محترم
– النجوم:
– المستوى: سهل جدا
– الشرح: شرح ممتاز
– حصلت على: B
ننصح به
المـادة: ثقافة اسلامية التاريخ: 2024-07-13الطالب: طالبة رقم التقييم: 5927
الدكنور احمد .. دكتور محترم بكل معنى الكلمة وإنسان مثقف وشرحه ممتاز .. انا خذيت عنده قبل سنتين وانصح اللي يبي ماده اختياري حر ياخذها عنده .. ولاتفكرون بغيرة

والله يكثر من امثالك يا دكتور أحمد ويعطيك العافية
– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: ثقافة التاريخ: 2024-05-15الطالب: المهندسة رقم التقييم: 4219
دكتور حبوب ويساعد بالدرجات خمسة بونس حق تسميع السورة وخمسة حق تلخيص وخمسه حضرنا له مقابة بالتلفزيون لا ومدتيرمين ياخذ احسن واحد والامتحان كلة اختياري صج دكتور ما يتطوف
– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: اعلام اسلامي التاريخ: 2024-04-24الطالب: الغريبه رقم التقييم: 3745
بصراحه خووش دكتور قلبه طيب ويتعاامل مع الطالبات بكل احترام ويراعي ظروووف الطالب

الصراحه انا اتفق مع الي قالت انه عطانا الكورس الي طاف اعتقد سؤالين كان اساسا حاذفهم من الكتاب بس الصراحه الدكتور ما فيه شي و احلى شي انه ما ياخذ غياب و انا كنت واااااايد اغيب و مادري عن المادة شي
بس كنت احظر عشان اعرف موعد المدتيرمات و الكميه خليجية

)
و عطاني b+ و انا ما استاهلها خليجية

بس من التقييم وايد زين الدكتور

هلا أختي

انا كنت ماخذه عنده الكورس اللي فات مادة الدعوة إلى الله

المحاضرة الصراحه ممتعه جدا يجيب طاري مواضيع تهمنا ويناقشها مع أدلة يعني المحاضرة موممله تشد إنتباهج غصب
الدكتور مثقف جدا جدا وخلووق

مو كل المحاضرات ياخذ الغياب
متفهم جدا جدا

بس فيه عيب
يطلب شغل منج
يعني شوفي انا فضيت نفسي اسبوع للشغل وخلصته وماكنت دايما أحضر خليجية وكنت اقدم الإمتحان وانا مودارسه وجبت درجه بالميد تيرم تفششششششل ويوم قدمت امتحان الفاينال كنت متأكده اني راح اجيب دي إذا مو إف