الدكتورة جي

صباح/ مساء الخير يا بنات ..
اللي عندها فكرة عن شغل الدكتورة جي تفيدني ..
مفكرة أسوي تكبير صدر وشفط بطن بالليزر(سمارت لايبو) ..
يا ليت أي وحده عندها تجربة أو سامعة سواء مدح أو ذم تفيدني ..
محتارة بين د. ماجد التقي وإني اروح استشاره حق الدكتورة ..
شاكرة لكم مقدما ..

روحي استشاره وشوفي اذا زينه او لا

سامعه عنها وايد يمدحونها عملية عمتي عندها شفط وشد الصدر و شفط وشد البطن نص 9 كان مفروض 4 العيد بس الدكتوره امها توفت

ثانكس على ردج عزيزتي

الله يسهل عليها ويكتب لها التوفيق :**
ويا ليت البنات اللي مجربين تكبير الصدر عندها وشفط البطن يفيدونا..

up up

صراحه انا قريت يمدحونها في هالمنتدى فتوكلت على الله وسويت عندها بس للحين توني مسويه العمليه ما صارلي كم يوم فما اقدر احكم عالنتيجه هي كشخصيه وايد تطمنج وتريحج سو فار النتيجه اوكي بس ما بقدر احكم بشكل صح الا لما يمر وقت

كلمينا عن تجربتج بالضبط

قووليلي تفاصيل عمليتج متى سويتيها وشلون العوار انا عمليتي باجر وحدي خايفه

cup cake
ان شاء الله الحين بذكرها

جوري

توكلي على الله انا كنت خايفه وايد الدكتوره تسوي يومياً عدة عمليات في الخليج
تجربتي انا رحتلها قبل العمليه بيوم عشان تشوف بطني وتاخذ قياس وتشوف العضلات ثاني يوم الصبح رحت المستشفى دخلوني الغرفه يت الدكتوره خططت بطني ٫٫ حطولي ابرة اليد حق المغذي والمخدر ويلست ادعي واستغفر لين بعدين ودوني العمليات وقعدت تكلمني الممرضه لين رحت في عالم ثاني ونشيت على الافاقه وهم ينادون اسمي طبعا متخدره واحس برجع ورجعت طبعا لا حسيت بويع ولا شي لاني متخدره بس حاسه يلبسوني المشد والقسطره الله يعزكم ٫٫ بعدين ودوني الغرفه دايخه وتعبانه وتميت ارقد لاني ملانه ثاني يوم بدوا يمشوني فالغرفه طبعا القسطره والثاني حق تصريف الدم يضايق لما تمشين بس لازم وبعدين شالوهم عني ورخصوني بعد ٢٤ ساعه مافي عوار يذكر لانه يعطونج البين كيلر وحتي في البيت يعطونج اياه

اول ٥ ايام شوي صعبه بس يالسه الحمدالله الحاله تتحسن

الجرح مثل جرح شد البطن العادي من جانب عظمة الفخذ الايمن للايسر ويكون نازل على تحت يغطيه البانتيز و السر مكان يديد

شكرا حبيبتي ماقصرتي والله يرزقج اللي تتمنيينه

الحمدلله على سلامتج حبيبتي..
انتي سويتي شد انا بسوي شفط وتكبير صدر ,, الله يستر ويرزقنا النتيجة اللي نبيها

أنا من زمان أبي أسوي شد للبطن
بس ما أبي عند دكتور أبي دكتوره
تمدحوها يعني ؟؟
و ين بأي منطقه واي مستشفى
وبكم بس شد البطن

والله مادري انا بسوي شفط بالليزر..
والدكتورة بمستشفى رويال حياة بالجابرية..

صباح الخير ..
امس كان موعدي مع الدكتورة للاستشارة ..
الدكتورة مريحة وهادية وتحيطها هالة من الثقة وتبعث بالطمأنينة
شافت صدري وقالت ان عملية التكبير تناسبني ..
واخترنا الحشوة وحجمها ومكانها بس باقي احدد موعد العملية حسب جدول الدكتورة ..
بس اللي ضيق خلقي ان بطني ماراح ينفعله الشفط .. لأنه ما في دهون بس مشكلتي الجلد..
بطني لما اوقف من ابدع ما يمكن . بس اذا انحنيت يبين الارتخاء
مادري شسوي !!
قالتلي في شغله يمكن تفيدني واسمها (ثيرماااج) عبارة عن جهاز يشد وحق أي منطقة بالجسم وتبين نتايجه إلى شهرين الى ست شهور ..
شفت صور قبل وبعد وكانت النتايج وايد حلوة مقارنة بالبطون اللي موجوده !!!
وقالت ان تكلفتها من 600 إلى 800 دينار..
في أحد مجرب هالتقنية ؟؟