الخـــــــــــــاله شلون تتصرفين اذا كانت من هالنوعيه

ماعندي مقدمات بدش بالموضوع

واتمنى القى الكلام الي يبرد الجبد والي ماعندها رد لا اتعب روحها انا عاذرتها

الموضوع ومافيه
عندي وحده من بنات خالتي مسولفه لي عن خالتها وتبي شنو الطريقه الصح الي تتقدر تتعامل فيها معاها

اعطيكم التفاصيل الي عليها تعطوني رايكم
بنت خالتي ساكنه في بيت حمولتها يعني بويه المدفع
طبعا خالتها من النوع الطراز القديم يعني مره كبيره صاحبه ضغط نوعها حساس ودقيق بس شغل قبل الي كل شي لازم تعرفه الصغيره والكبيره
وزوجها متوفي طبعا اتكلم عن الخاله فا عيالها مايبون يكسرون في امهم ولو انها ساعات تتحكم بشغلات ماله داعي

تتدخل فيها مثلا اذا الولد يفكر يسافر مع مرته لازم يبلغ امه قبلها بفتره
وساعات تناقشه بموضوع السفره ومثال ثانياذا وحده من حريم عيالها حامل تقول حق ولدها سم الصبي بهالاسم : كنوع من الفرض و حتى الشغلات التافهه والي ماتخطر على بالج تحاسبج فيها
ووايد امثله بس بنفس الوقت اهيا طيبه وخايفه الله مو شينه الى هالدرجه بس طبعها صعب اهيا جذي حتى مع عيالها و ازواج بناتها بس على درجات
وبنت خالتي الحمدالله ماخذه كل المواضيع بصبر وانها حسبة امها وبهدوء اعصاب بس ساعات تقول الى متى
ومرات تنزف على شغلات تافهه بس ترد خالتها تعتذر بطريقه غير مباشره
واهيا من بد حريم حموانها حاسبه حساب حق خالتها وكثر ما تقدر تتحشى الشغلات الي ممكن تسوي لها سوالف
بس تقول في شغلات تحز بنفسي وعشان ريلي مابي اضايقه لانه مهما كان هاذي امه
اما حريم حموانها من كثر عنادهم وتحدي حق هالخاله الي مايزرونها الى وين وين وماخذين موقف مع نفسهم مايبونها تتدخل الي لي درجه وحده فيهم كانت حامل في بنت وكانت تقول لها انه ولد
والثانيه لما ريلها يروح عند اهله تدق كل شوي انها تعبانه وانها وانها ماتخليه يقعد
هذا غير الحجي الي يقولونه حق اهاليتهم عن خالتهم والبلاوي الي مالها اول ولا تالي
وخالتها تبجي من سوالفهم <<< بنت خالتي لما تشوف جذي تسكت وتقول ماتوصل فيني الدناءه جذي
هذا بختصار شديد والمايك لكم

فيه نوعيات جذى واردى من جذى

بس المشكله انه ام زوجها يعنى تصبر على شان خاطره

وهى بعد مره كبيره وماتحسب حساب الكلام اللى تقطههريم الكبار دايما سبحان الله تفكيرهم غير وهذا يعتمد على وضعها الصحى

العقد اللى كانت تعانى منها بشبابها
مالها غير الصبر ولها الاجر

واتمنى اكون افدتج

احسها شغله عاديه صارت الحين تدخل العمه بكل شئ بالذات للي موجوده عندها بنفس البيت
ودام الريال ساكت لازم اهي بعد تسكت وتصبر على عمتها
اذا تبي رضا زوجها طبعن
واهي مره كبيره لازم تتحملها ولها الاجر ان شاءالله

صح كلامج وهذا الي مصبرها زوجها
ولانهام مره كبيره بس تقول هم بنفس الوقت تبي تاخذ راحتها وانه مو كل شي محسوب عليها
والي عرفته انه خالتها ما عاشت شبابها عمها الله يرحمه الي زوج خالتها خذاها وياها صغيره ويابت هالعيال يعني ما كانت تطلع تتمشى تشوف الدنيا وكان زوجها هم ماعنده بيع برد الظاهر تأثرت فيه

من غلاكم عندها تبيكم تكونون معاها بكل شيء وتبيكم تشاركونها سوالفكم

والله يخليها لها خالتها تاج الدار ويتبارك البيت بوجودهم معاها

ومعزة الخاله من معزة ولدها

فالزوجه تكون مثل البنت حق خالتها وفرحتها الخاله فرحه كبيره معاكم حتى لو بعاد عنها تراها تغليكم وتحبكم

وربي يتمم محبتها دووووم معاكم آمين يا رب العالمين

عفيه عليج وربي كلامج عين العقل

مادري عادي اغلب الخالات جذي
ولاجل عين الف عين تكرمواا

العناد ما راح ينفع والمسايس وايد زيين نفس خالتي قماشة ههههههههه بس شتسوي ياحيل الله اتسايسها واتساحلها عشان ترضى علييها

كلامش ينوزن بالذهب رفيف عساش على القوة

دامش تقولين ان حريم عيالها الباقين مو ذاك الزود معاها وتشتكي منهم خليها تكسبها وتحطها على راسها وغلاتها من غلاة زوجها وعيالها لانها امها الثانيه ومافيها شي اذا عرفت بامورها نفس سفرة والا طلعه وانتم قلتولها برضاكم ليش مو امش كل شي تقولين لها هي بعد ام وتبي تطمن على وليدها ودامها مقدرتها وعازتها وحاشمتها الحمدلله على كل حال انتي ارضيها واحتسبي الاجر وعسى الله يسخرها لش ويسخر لش ابو عيالش اللهم آآآآآآآآآآآآآآمين

والله نفس خالتي ام ريلي تدرين مرات انا وريلي متزهبين ولابسين نبي نطلع ووياي بنتي

ونازلين تحت اقولها يالله مع السلامه خالتي احنا طالعين

ماشوفها الا تعالي يبي بنتج وييييي شملبستها برد عليها روحي يبيلها بلوزه لبسيها تحت ملابسها اروح لي الطابق الثالث شقتي وايبلها ملابس

وعلى اسم بنتي من قبل لااحمل قايله حق ريلي ابي اذا حملت ويبت بنت ابي اسميها فدك وهو يبي زهراء وخالتي تبي زهراء يوم حملت ما كان راضي اسمي فدك بس انا ضليت على كلمتي وتحديت وقلت ابي فدك وخالتي ساكته بس كله تقولي انه اسم فدك حزين لان قصه هالاسم حزينه بس انا حابه هالاسم يوم ريلي وافق على هالاسم مااشوف الا خالتي شلوووووووون اقنعتي لا هو يبي زهراء لا لا يغير كل هالمده سكته بس عشان ولدها يبي مثلها طنشتهم وبالاخير انا الي غلبت

ووايد اشياء شي اطاوعها عشان اراضيها وشي اطنش بس اسمع

معنه ولدها يدري فيها انها تحن على الشي الي تبي وطنشها وخليني على كيفي يا اطاوعها يا اسوي الي ابي واحطها بالامر الواقع

الحل الوحيد اهو

التطنييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييش
التطنييييييييييييييييييييييييييييييييييييييييييش

أول شي حياتي انتي قلتية خالتها مرة عوووده يعني لازم يعرفون شغلة معينه الأنسان كل ماكبر يبي يحس أنه له وجوود وله مكان

مايبي يحس بالضعف وانه خلاص راحت علية شيب وكبر بالعكس يبي اهتمام زايد ولازم يكون أهو صاحب الكلمة المسموعه

واذا تدخلت فأمور معينة لأنها تحس أنها خبيرة أكثر منهم تبي لهم الزين مو أهم ولدها ومرتة وعياله في أغلى منهم عندها !!!!

ماأظن وبعدين خل تحتسب الأجر عند رب العالمين لأنها صابرة والصابرين لهم جزاء كبير عند ربي …

ياأختي العزيزه خليها تنظر للأيجابيات دائما مثل طيبة قلبها ولاتفكر فالسلبيات وتكسبها أولا بتكسب رضا ربي والاجر

وبعدين رضا الزوج ولاتقول زوجي يحبني ترى ممكن الزوج في لحظة ينهي كل شي بينة وبين زوجته اذا ماكان مرتاح بحياته

وش الحياة السعيدة اذا ماكانت امه راضية عليه وعليها وترى رضا الله من رضى والدينا.. الا اذا كان ماتفرق عنده عاااد هذي المصيبة…..

وصدقييييييني انا قاعدة أكتب لج كلام طالع من القلب لاني مجربتتته ….

وسوري عالأطاااااله

لا والله انا عندي عادي يعني مافيها شي علا كلامج مرا كبيرااا وتصرفاتها تصرفات قبل يعني انتي طرحتي المشكلا ومع حلهااا يعني شبتسوون
خل تتخيلها امهااا بالعكس هاذي فرصتها ان تتقرب من خالتهااا دام محد من حريم عيالها فيهم خير لصالحهاا هاذا الشي وحتا الاسامي تراا اذا اهيا سمت البيبي تعزااا وشبتسميهم يعني اكيد اسامعي عاديااا حمود خلوود عاد يعني مووو ادريس وفيرووز خخخخخخخخخ

ترى خالتها بشر وتحس ..لو ماتحس كان ما تبكي من حركات حريم عيالها الثانين ..
كوني باره فيهااا تراها مثل أمج …عشان اذا كبرتي حريم عيالج يبرونج ..
تحملي وانا اختج
امج يمكن بيوم تزفج وتتضايقين من كلامها بس بالاخير امج وماتقدرين على زعلها
دلعي خالتج واكسبيها ..تراها بعمر محتاجه احد يسمعها الكلمة الطيبه ..ولو ماتحبج كان لما تزفج ماترجع تعتذر بطريقه غير مباشره ..
ولاتقلدين حريم حموانج ترى مافيهم خير …

انا لو كنت مكانها كنت راح اسوي نفسها
لان كل ماشافني زوجي زينه مع امه راح اكبر بعبنه
ودايما احط ابالي انها مراه عوده يعني بمثابة امي
(لو كنت متزوجه ههههه)