|
|
السلام عليكم
بنات انا قبل شوي بنتي ارتفعت حرارتها بس موحيل 37.7
المهم كأي ام قمت احاتي وبغيت اموت من الخوف ادق على جم صيدليه مشغول وماني عارفه شسوي المهم تذكرت الخط الساخن اللي يطلع بالدعايه بس للاسف ماتذكرت الرقم بالضبط !!
تخيلو سويت بحث بجوجل عن الخط الخاص لمكافحة هالوباء الله يكفينا الشر بغيت بس اطمن قلبي على بنتي تخيلوا مافي اثر بالنت على الرقم !!
موجوده ارقام لمصر وللخليج بس الكويت ماكو
الله يعافيها اللي ذاكرته من الدعايه لاني نطرت ساعه على التلفزيون وماطلعت ياليت تحطه لنا وتكتب الخط الساخن لمكافحة مرض h1n1 في دولة الكويت – عشان اي وحده تحتاج وتمر في نفس حالة الوسواس او الرعب اللي مريت فيها تحصل شي على النت على الاقل ومؤجوره ان شاء الله
طبعا حبيت اطمنكم ولله الحمد بعد ماتاكدت من كذا صيدلي لانه مو الكل عنده خبره كافيه المهم انه المرض الله يكافينا شره
حرارته اول ماتضرب من 39 او 40 وفوق وماتنزل كلش ماتجي تدريجيا ولله الحمد الله يطمن قلوبنا على عيالنا اجمعين
والحمـــــــــــــــــــــــــــــــــــــــــــــ ــدلله حمدا كثيرا …
الله يكافينا شر الداء والوباء والطعن والطاعون
آمــــــــــــــــــــــــين
بنات استخدموا الفكس لتخفيض درجة الحرارة روعه ونتايجه مذهله لمن رحت المستشفى كنت حاطته لبنتي قبل لاروح وعلى مارحت انزلت حرارتها 36.7 صارت اللهم بارك والممرض قالي زين سويتي قضيتي على الحراره
طبعا تحون بو مسحه منه على القدم من اسفل في مفاصل الساقين والذراعين والحده والابطين وباذن الله تنزل بشكل سريع