|
|
مرحبا بنات شخباركم؟
حبيت استشيركم بشغلة محتااارة فيها وأنتوا شرايكم ؟
بنات أنا متزوجة صارلي 3 سنين وماعندي عيال وساكنة بيت أهل زوجي
المهم بنات شقتي حيييل كبيرة غرفتي النوم 5في 9 وصالتي 5في10 ومخزن وحمام وأنتوا بكرامه 4في 4ومطبخ 5في4
أنا الحمدالله حيل انظفها وارتبها بس صالتي وغرفتي مفروشه مو سيراميك كل يومين أبرشها من غير المطبخ غسيل وغسيل الغاز يعني تعب وفوق هذا أنا للحين طالبة بالجامعة ومارد البيت ألا3 ورا زهقت كل حياتي مطاعم أنا وزوجي وهو فديته مايتكلم وعادي مقدر وهو دوامه بعد شفتات والعشا والله دايما يحلف علي مايحب يتعبني وبس أنا والله دايما أسوي
المهم قرقت عليكم واجد زوجي ماعنده مانع يجيبلي خدامه وأعلمها الطبخ وتكون جديدة أول مرة تجي الكويت ماحب المسترجعه أنتوا شرايكم أجيب ولا أخاف أفتح على نفسي باب مشاكل الخدم وغيرها ؟
تكفون بنات فيدوني
قطيعة الخدم يلوعون الجبد
وتقعد لكم عذول بالبيت
عينها عليج وعلى ريلج
والله لوما اليهال جان ما يبت خدامه
استعيني بخادمه اهلج اذا حسيتي بتعب وعطيها دينارين
عشان تستانس وخلاص
اهو عالتعود ترى انا عندي 3اميرات بس بدون خدامه انا مابي فصار عندي الامر عادي بس ماداومت لي الحين
انتي لانج دوام فبيكون تعب عليج تردين تدرسين وتنظفين وتغسلين وتنظفين
|
المشاركة الأصلية كتبت بواسطة غارقة بأحزانها
 لا حبيبتي ماله داعي دام ان ما عندج عيال
قطيعة الخدم يلوعون الجبد وتقعد لكم عذول بالبيت عينها عليج وعلى ريلج والله لوما اليهال جان ما يبت خدامه استعيني بخادمه اهلج اذا حسيتي بتعب وعطيها دينارين عشان تستانس وخلاص |
مشكوووورة فديتج ع الرد
|
المشاركة الأصلية كتبت بواسطة آهات الليل
دام انتي وزوجج متفاهمين بخصوص سالفة الخدامه طلبيلج
اهو عالتعود ترى انا عندي 3اميرات بس بدون خدامه انا مابي فصار عندي الامر عادي بس ماداومت لي الحين انتي لانج دوام فبيكون تعب عليج تردين تدرسين وتنظفين وتغسلين وتنظفين |
مشكورة حبيبتي
وتبين الصراحه تعب خاصة مع الدوام أكره أشوف شقتي مو مرتبه
انا ناويه اذا ولدت ان شاءالله اييب اللي نص دوام بس تنظيف وغسيل ملابس وتروح لان نفاسي بشقتي بصراحه ماحب الخدم ومنها باخذ راحتى بشقتي بلبس على راحتى
وانا وزوجي اللي من النوع 24 ساعه مسدحين بالصاله مانعترف بشي اسمه غرفة نوم مادري وانتي براحتج حبيبتي
لج حلين ياخدامه اهلج
او بعض الخدامات نص دووام تنظف وتغسل وتروح
|
المشاركة الأصلية كتبت بواسطة فتاة.
قولي حق خدامت اهل زوجج تنظف وترتب وتعطينها دينار باليوم وافتكي من الخدم وبلاويهم
|
مشكلة ماعندهم ألا خدامة وحده وبااااااااارده الله يعين خالتي عليها وبيت كبير
ومرة خذيتها عقب مارديت من السفر بس تصعد الجناط شقالت لخالتي مدام شقتها وصخه وزفتها خالتي لأن خالتي كانت فتحتها قبل لاترد عشان تنظفها لقتها نظيفة حييل وحتى مدحتني
تقعد فاضيه وتبقق عيونها عليج وعلى لبسج وريلج شنو يسوي
ما انصحج ييبيلج نص دوام وايد احسن
ماله داعي الخدامة
بتحد من حريتج انتي وريلج…وخصوصيتكم
بس
شوفي خدامة حمولتج (طبعا بعد ماتستشيرين خالتج)
او خدامة اهلج…تنظف لج مرة كل 3 ايام…يعني وقت العصاري اللي انتي فاضية
وريلج طالع
وعطيها بالشهر 20 دينار
حبيبتي خدامه نص دوام لااااااا وبوجووودج و بعدم وجود زووجج نصيحه لوجه الله
ومو كل يوم .. بالاسبوع مرتيين
تنظيف وترتيب وغسيل للملابس
وكان الله غفورا رحيما
وهم ديري بالج منهم .
والله ما تدرين شنو بنفوس هالخدامات .. ماتدرين تقول اوله كل هالشقه كبيره وماعندها عيال وهم يايبه خدامه
يعني نصيحه .. الباب اللي بيجي منه ريح .. سده واستريح
وانشالله ربي يرزقج بعيال ولي حزتها تيبين الخدامه اللي تساعدج وتساندج
وانتي براحتج