|
|
السلام عليكم ورحمة الله
طبعا يابنات في متزوجات واجد واجهتهم الخيانه الزوجيه (الخيانه الجنسيه) بعضهم طلبوا الطلاق وبعضهم داسوا على قلوبهم عشان عيالهم وسكتم
سؤالي الحين المره بعد الخيانه تقدر مع الوقت تنسى
وشلون تتصرف مع زوجها عادى………..هل راح تحبه مثل اول
شلون تعيش معاه بقلب حاقد ………..طبعا بعيد عن المثاليات مستحيل تسامحه
أتمنى تفيدوني باعتقادكم وياليت من واقع خبر
والله الهادي 
من طرف شريك حياتها صعب ان تتغاضى عنها وتنساها
اهي بكيفها تتناسى بس ان تنسى لا مستحيل
*
راح اطوووف بس مو بسهووووله لأنه اصعب شي الخيانه
بس اذا وصلت للزنا مستحيل اعيش مع انسان زاااني
ويمكن ينقلي الأمراض الله لا يقوله
اللي ما يخاف من ربه شلون بيخاف علي وعلى عيالي
وانا الصراحه اخاف اشوفها بعيالي لأنه كما تدين تدان
فأطلب الطلاق لأن مستحيل اعيش معاه
اذا مسجات ووايميلات اتفاهم معاه واقوووله اني متضايقه واذا شاري خاطري يبطل
وبعد يعتمد اذا الوحده مقصره وعارفه هالشيء واذا ريلهااا ولا اروع معاها وخسارته حرام
بس اذا وصلت لشقيق وشرررب وهالسوالف فرقااه عيد باجر اييب الامرااض والبلاوي
نفسيتى تعبت والله
اكيد ماراح تكون حياة طبيعيه
ولولا النسيان لعشنا طول عمرنا بحزن وبجي على فقدان الغالين
اما موضوع الحيانه …وخاصة اذا في ثقة بشريك حياتج
يحصل
ذهول …صدمه…رعشه….خوف….الم….فقدان ثقة بالكل….انكسار …هزيمه…ذل وحسره
ولكن بعد فتره وخاصة اذا صار في اعتذار واسف وندم وتوبه
ربي يمسح على الجرح …ويلتئم …ونتناسى ولا ننسى
نسامح ولا لا نغفل
ندرك انها غلطه ولن تتكرر ….ونزوه ولن تعود
فوفو
المرا ممكن تنسى كل شي الا الخيانة
الله يبعدنا عنها
انا ما انسى يمكن لو اكمل يكون حدوووووووود و حواجز كبيرة حيل انا بصوب و اهو بصوب و احتمال بعد كبير ماكمل
الله لا يكتب هالنصيب لي و يبعدني انا و زوجي عن عيال الحرام
بس اعرف بنات عادي داسوا علي قلبهم وتحملوا وسبحان الله زوجها الله هداه وصار ملتزم <<يهدي من يشاء ويضل من يشاء<<سبحانه
لكن الواقع يقول كثيرات لي صارت لهم هالمشكلة بيستمرون بحياتهم
اوكي بينصدمون بينهارون
بيزعلون فترة قد تطول وقد تقصر
لكنهم يتناسون
وفي فترات صج يحسون انهم نسو
وف لحظة خاصة اذا تهاوشت مع الزوج حتى لو لسبب ماله علاقة بالخيانة
بتتذكر وممكن ترد تعايره
انا اتكلم من تجارب قريبات لي
وفي وحدة طلبت الطلاق وعقب جم سنة ندمت وردت له
واعترفت انها غلطت لما تركته علشان الخيانة
اذا اعتذر وندم الزوج هذي نعمة نحاول نساعده على ترك هالحرام
والله يكون بعون الجميع
اول شي سويت نفسي مو منتبهه ولا ادري عن شي بس تعبت وقلت له واتعذر وحلف وسوا وحط وبعدها رد مره
ثانيه وطلبت الطلاق وقلت ماقدرر اتحمل اكثر وقالي خلااااص توووبه وللحيين ادري انه يلعب ويخرربط
بس احاول اتناسى الماضي واطنش الي يصير الحين واقول مصيره بيعقل ويتغيرر
لاني احبه حييل وماقدر استغني عنه وغير جذي حامل الحيين
وصرت اشوف ان الطلاق مو حل ممكن ابعد فتره عنه اغير نفسسيتي عند اهلي بس ماصرت افكر بالطلاق
ويمكن احياناا تتغير تصررفاتي وياه
|
المشاركة الأصلية كتبت بواسطة عجمية ماتهاب
 مادري مااعتقد راح اكمل لان كل ماراح ييقولي احبج ماراح اصدقه انا حيل حساسه
|
انا معااها .. والله لا اييب هاليووم