|
حبيت اليوم اناقشكم بموضووووع مهم حييييييييييييييييييل والبعض مستهين فيه
يعني احس الموضوع ماله قيمة
بالبداية الكل يعرف بهالمعلومة قال رسول الله صلى الله عليه وسلم
( لَعَنَ اللَّهُ الْوَاشِمَاتِ وَ الْمُسْتَوْشِمَاتِ وَ النَّامِصَاتِ وَ الْمُتَنَمِّصَاتِ وَ الْمُتَفَلِّجَاتِ لِلْحُسْنِ الْمُغَيِّرَاتِ خَلْقَ اللَّهِ ) ، فَبَلَغَ ذَلِكَ امْرَأَةً مِنْ بَنِي أَسَدٍ يُقَالُ لَهَا أُمُّ يَعْقُوبَ وَ كَانَتْ تَقْرَأُ الْقُرْآنَ فَأَتَتْهُ فَقَالَتْ مَا حَدِيثٌ بَلَغَنِي عَنْكَ أَنَّكَ لَعَنْتَ الْوَاشِمَاتِ وَ الْمُسْتَوْشِمَاتِ وَ الْمُتَنَمِّصَاتِ وَ الْمُتَفَلِّجَاتِ لِلْحُسْنِ الْمُغَيِّرَاتِ خَلْقَ اللَّهِ ؟ فَقَالَ : ( عَبْدُ اللَّهِ وَمَا لِي لا أَلْعَنُ مَنْ لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ )
يعني النص واااااضح وصريح لكن في شي لفت انتباهي كل ماامشي صديقات بالمدرسة قبل بالجامعة بالسوق كللللللللللللللللللللللللللللللللله رسم شي مو طبيييعي رسم خييياااااال
الحين يعني ابي افهم لهدرجة مو هامنا كلام الرسول
لا وبعد البنات ينقدون ع البنات اللي ماتحف
يعني اللي يحفون خل يدخلو ويقولو من وين جبتو هالفتوى اللي تحلل يعني خلنا نتناقش ماراح نخسر شي
يعني مثلا انا حواجبي اذا ماحفيتهم اسمع تعليقااات جنة شي غريب اللي قاعدة اسوية وصج طلعي السوق او بأي مكان ماراح تلقين حف الا تاتووو واقلام والواااااان وابدااااااااااااااااااااااااااااااااااع
صج في بنااات مايقدرون ونفسيتهم تتأثر حييييل مع اننا عارفين فتاوي كبار الشيوخ وأشرهم ان اهوا حرااااااااام قطعا ماكو كلام
طبعا صعبة حيييل ع بعض البنات لكن
الله عارف بشؤووون خلقه وبعدين ابي اقول معلومة اللي تحفين عشانهم او عشان نفسج ترى يوم القيامة نفسي نفسي
يعني حفيتي ولا بدعتي عشان احد ماراح يقولج غير نفسي
فأبي اعرف ترى حتى المنقبات اشوفهم حافين يعني الاغلبية العظمى من النسااء حافين يعني خلينا صريحين نااااااااااااااااااااااادر جدا تلقين احد مو حاف نااااااااااااااااااااااااادر
والمصيبة انه مو مكروه أو ذنب عادي (((لعن))) يعني ماكو نقااااش
يعني ابي منكم اللي تحف وتدري انها غلطانة خلها تفضفض ونفكر بحل
واللي هم تحف وتقول حلال خلها تفيدنا وتقولنا من وين
واللي راسمة ومبدعة وموهامها خلها تقولنا شلون واثقة حيل جذي من نفسج وان الله راضي عنج
يعني ابي الكل يدش ويتناقش صج نقاااش جدي ابي احس ولو مرة اني قاعدة اتكلم مع ناس هامهم الاخرة قبل الدنيا أو بناااات فيهم عقل ويفكروون ويحسبونها صح
الموووضوع بقلمي الخاااص واتمنى يعجبكم حباااايب قلبي
وبالاخر اتمنى وادعوا الله عز وجل يثبتنا على طاااعته
من يومها قررت اني مااحف بس اتبعت اسلوب يديد اللي اهو التشقير يعني مااشلع الشعره من مكانها ولله الحمد وراااااضيه كل الرضى عن نفسي وعسى الله يثبتني ويهدي الجميع
وتسلمين حبوبه وعسى الله يثبتنا
يعني يبيعون رحمة الله ويتنازلون عنها علشان كم شعره بس !!
والله أعرف صاحبة صالون قالت لها وحده من الزباين حفي حواجبي وحفت لها وبقى شعره ما رضت تطلع وقالت الصالونه خلاص ما أقدر أجر زياده والبنت أصرت قالت لااا شيلها وحاولت وقالت ما اقدر واصرت البنت قالت حاولي بعد جان تشيل لها الشعره وتوفـــــــــــــــــــت البنت <<سوء خاتمه أعوذ بالله وراح تبعث يوم القيامه جذي
وتاااابت صاحبة الصالون وحطت اعلان انهم ما يشيلون شعر حواجب وحطت حديث وصار الصالون دايما القرآن يشتغل فيه وتغطت وصارت تصلي
زين اللي حواجبها مو عاجبتها خلها تسوي تشقير مو نمص
التشقير يخلي حواجبج تهببببل وحلال (بس بدون لا تقصين من الشعر )
جزاج الله خير على هالموضوع الهام
و هناك من قال بتحريمه ,,
حُـكـم تشقير الحواجب – فتوى اللجنة الدائمة –
فتوى رقم ( 21778 ) وتاريخ 29/12/1421 هـ
الحمد لله وحده والصلاة والسلام على من لا نبي بعده ، وبعد :
فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من المستفتي مبارك صالح ، والمُحال إلى اللجنة من الأمانة العامة لهيئة كبار العلماء برقم ( 7868 ) وتاريخ 19/12/1421 هـ وقد سأل المستفتي سؤالاً هذا نصه :
( فقد انتشر في الآونة الأخيرة بين أوساط النساء ظاهرة تشقير الحاجبين بحيث يكون هذا التشقير من فوق الحاجب ومِن تحته بشكل يُشابه بصورة مطابقة للنمص ، من ترقيق الحاجبين ، ولا يخفى أن هذه الظاهرة جاءت تقليداً للغرب . وأيضا خطورة هذه المادة المُشقّرة للشعر من الناحية الطبية ، والضرر الحاصل له ، فما حُـكم الشرع في مثل هذا الفعل ؟ أفتونا مأجورين ، علماً بأن الأغلبية من النساء عند مناصحتها تطلب ما كُتِب من اللجنة ، وتَردّ الفتوى الشفهية فنرغب – حفظكم الله – إصدار فتوى . سائلينه سبحانه عز وجل أن ينفع بها ، ويحفظ لهذه الأمة دينها . إنه ولي ذلك والقادر عليه ) .
وبعد دراسة اللجنة للاستفتاء أجابت بأن
تشقير أعلى الحاجبين وأسفلهما بالطريقة المذكورة لا يجوز لما في ذلك من تغيير خلق الله سبحانه ولمشابهته للنمص المحرّم شرعاً ، حيث إنه في معناه ويزداد الأمر حُرمة إذا كان ذلك الفعل تقليداً وتشبهاً بالكفار أو كان في استعماله ضرر على الجسم أو الشعر لقول الله تعالى : ( وَلاَ تُلْقُواْ بِأَيْدِيكُمْ إِلَى التَّهْلُكَةِ ) وقوله صلى الله عليه وسلم : [لا ضرر ولا ضرار . وبالله التوفيق .
وصلى الله على نبينا محمد وآله وصحبه وسلم .
اللجنة الدائمة للبحوث العلمية والإفتاء
الرئيس
عبد العزيز بن عبد الله بن محمد آل الشيخ
عضـو
عبد الله بن عبد الرحمن الغديان
عضـو
صالح بن فوزان الفوزان
اللهم هل بلغت اللهم فاشهد
ارجو نشرها
ورحت كذا صالون ولقيتهم ما يحفون كلش بس يشقرون
فاهذا شي زين يعني الحمدلله الوضع بدا يتحسن
غير موضوع الحف
(التغيير بخلقة ربي )
هذي الموضه الحين الكل قام يغير بخلقته!!
استغفر الله
هالشي اللي انا منصدمه منه حيل حيل وصار بكثره شي يخوف يعني
بنت تلاقين عمرها 17 سنه رايحه تسوي تجميل لو تشوفينها ما تلاقين فيها عيب خلقي يحتاج للتغيير
بس موضه كذا !!!
التشقير يا عسل مختلف فيه ^^
و هناك من قال بتحريمه ,, حُـكـم تشقير الحواجب – فتوى اللجنة الدائمة – الحمد لله وحده والصلاة والسلام على من لا نبي بعده ، وبعد : وبعد دراسة اللجنة للاستفتاء أجابت بأن اللجنة الدائمة للبحوث العلمية والإفتاء اللهم هل بلغت اللهم فاشهد |
عند البعض جائز
انا اختي مره سألت وقالت عشان اتزين لزوجي وقالولها لاباس عادي مع العلم انها متغطيه يعني
لكن في ناس تبالغ فيه حيل وتلفت الانتباه
اصلا لمن كنت اشيل راسي كله يعورني واحس انع مخي في شي لوووول
من بعد التشقير الحمدالله
يعني في أمل والله كريم
عسى الله يثبتنا
صج ساعات ودي اسوي شي فيهم واقعد ادور حكم القص
بس الحمدلله ما سويت فيهم شي وان شاء الله على طول جذي
والله يهدي الجميع
والحين جان اتعرفون جهازابرون اللي اتيي علي شكل قلم اهي ماتشيل الشعر من الجذور اهي مثل الموس اتقطع الشعر ويصير شكل الحاجب حلو ومرتب اذا خليتهم جذي هدد يطلع الشعر للجفن ومتناثر شكلي يخرع
يارب اغفر لنا
ومشكوره على الموضوع
بس تشقيرر
وترآ القص يعتبر من النمص ( فتوى من الشيخ عبدالله المطلق و الشيخ محمد العريفي )
وكويس صرآحه آنك فتحتي الموضوع
قسم آني آآستغرب من النآس وكآنو حلآل عآدي
ولآ بعد يسسألونك ليه مآتنمصين ..!!
والله نآس مريضه مو هآمتهم آخرتهم آبد !
ويمكن يكون النمص وآضح لهم آنو ملعونه صآحبته
بس اللي آتوقعه آنو في كثيرر مآيعرفو ان التوصيل كمآن
يسبب طرد من رحمة الله
يعني ملعونه صآحبته
واللي آستغربه ك كثيرر يقولو عآدي !!
( لعن الله الواصله والمستوصله )
"
يعطيك العافيه حبوبه
وربي يجعلو من ميزآن حسسنآتك ..
موضوع جدآ قيييم الله ينفع به
ويجعله في موآزين حسسسنآتك
والله يبععدنا عن كل ششيء يغضضب ربي ويطردنا من رححمته
اللي تحفهم علششان تسلم من كلاام الناااس ياويلها من الله لانها بجذي
اغضبت ربي لااجل ترضضي النااااس و هذا الحديث
عن جابر بن عبد
الله قال : قال رسول الله – صلى الله عليه وسلم" مَنْ أَسْخَطَ الله في رِضَا النَّاسِ سَخِطَ الله عَلَيْهِ، وأَسْخَطَ عَلَيهِ مَنْ أَرْضَاهُ في سَخَطِهِ، وَمَنْ أَرْضَى الله في سَخَطِ النَّاسِ رَضِىَ الله عَنْه، وأَرْضَى عَنْهُ مَنْ أَسْخَطَهُ في رِضَاهُ حَتَّى يُزَيّنَه ويُزَيِّنَ قَوْلَهُ وعَمَلَه في عَيْنه " .الله يكآفينآ الشر صصار الكل يحاول يرضي
غييره ولاهمهم حلال ولا حرام وهالحديث بعد الكل تغافل عنه
ششدعو نخسر ديننآ علشآن الدنيآ والله م تسوى وصدق من قال رضا
النااس غايه لاتدركً