الحموله .

انا متزوجه صارلي سنتين و حمولتي يهبلون و حليوين و عمري ما شفت منهم شي ضرني .. بس يوم ولدت صارت مواقف وايد و خالتي و حماتي قلبو علي قلبه قشره و شيشو ريلي علي بس على مواقف سخيفه و ما تسوى كلششششششش

يعني مثلا من ضمن هالمواقف طبعا انا ولدت و سويت استقبال بالمستشفى لمدة يومين و صبح و عصر و كانت خالتي حاطه ابالها انها ما تبي ترد البيت يعني فترة الظهر تقعد عندي و تقول حق ريلي فلانه ما لزمت علي اقعد عندها .. و انها مره اسألتني سؤال و رديت عليها على قد السؤال يعني قلت لها لأ و سكت و طبعا هالكلام قالي اياه ريلي و سألته شنو الؤال قاالي ما ادري نسيت و انا حدي مو ذاكره هالمواقف يعني تكفون مو اشياء سخيفه و انا والده ويني وين الزم عليها و اجامل ..

المهم طبعا طول فترة نفاسي ما يتلي الا مرتيييييييين و اتصالاتها تنعد بالاصابع يعني كل اسبوع تدق مره وشيشت ريلي علي بس الحمدالله انا لمن حيت انه متغير قلته اشفيك و لزمت عليه يقولي و قالي هالاشياء السخيفه و فهمني و قالي انهم ظالمينج و انا ما هقيت جذي و من هالحجي طبعا اهو سمع من امه و اخته و صدقهم و قلب علي من ثاني يوم ولادتي و تم على هالحال اسبوع لمن قلتله اشفيك و شاللي امغيريك و يالله قالي ..

عدت السالفه و الحين عمر بنتي 6 شهور واللي صار الحين انه مرت حماي ولدت توها صارلها اسبوع و صادف وقت ولادتها كنت مسافره و يوم رديت استلمتني فلانه و فلانه سوت اللي ما سواه غيرها و ما قصرت و امها و اختها و لزمت علي الا تقعدين و والله ما تروحين و اخذي نص الورد لج و اخذي نص الكاكاو لج اي والله ما قصروا .. المهم غثتني و غثت ريلي جدااام الكل و كان مبين انه حجيها نقزات
انا عادي اي يحليلها زين تسوي و اي و من هالحجي

الحين من رديت صارلي 6 ايام قالبه علي و رسميه وعاي جني مو موجوده يعني .. انا عادي شلت نفسي بس اهيا لمن انزل تدق على مرت حماي طبعا يوميا و هالحجي المصفف و اللسان الحلو و قبل يويمين طرشتلها اكل

كل هذا و عادي والله اني ما بينت حتى حق ريلي اني متضايقه و عادي و انا كلامي هذا مو غيره من مرة حماي بالعكس مستانستلها و مابي يصير فيها اللي صار فيني بولادتي

انا قلتلها انه كان ودي اكون موجوده بالاسقبال بس الله ما كتب انشالله اروح لها بعدين معاكم و اللي حرني انها اليوم راحت لها مع حمواتي و انا معاهم بنفس البيت حتى ما قالتلي

قولولي شاسوي انا حدي متكدره من هالنقزات والله والله انها مو غيره بس ليش اتنقزني مو كفايه انها ظلمتني بنفاسي