الحمل و تغير ويه الحامل !

مرحباااا بنااااااااات

شلونكم؟؟
بنااااااات انا عندي مشكلة و مستغربة منها ما ادري عادي ولا له ..بس الصراحة اهيا مضيقة خلقى… انا من حملت و تقريبا لمن دشيت شهري الثالث لاحظت انه خشمي شوي كبر مع براطمي و ملامح ويهي بدت تتغير و الشي الى مضيق خلقى بعد انه ضحكتي تغيرت بناااااات ما ادري ليش؟؟؟
مو جنه مبجر من الثالث خشمي ينتتخ!!!! وله عادي
لالالالالالالا و بعد براطمي بدوا ينتفخون
مع انى بنات انا الحين بالسادس و ما فيني شي منتفخ بس ويهي تغير يعني ملامحي و خشمى و براطمي بنات وايد كبرواا
لدرجه صاير شكلى جنه مسويه عملية تجميل فاشلة و السبه براطمي وايد انتفخواااا
و ضحكتي تغيرت
ما ادري هل لمن اولد ضحكتي راح ترجع مثل قبل ؟ و راح براطمي تفش و وله لا؟
و اذا راح يفشون شكثر المده على ما يفشوون
؟
و في احد صار مثلى جذيي ولا له بس انا يعني مافيني شي انتفخ بس ويهييييي
بنات تكفون قولولى قاعده احاجي هالشي و يهي متغير

أغلب الحوامل ينتفخون كلهم وخشومهم وبراطمهم

بس الغريب ان تو الناس عليج يمكن يتراوالج او اختلاف بسيط

انا بالسادس واحس جذي جشمي شوي كبر وبشرتي انهارت صايره ناااااااااشفه

احس اني كبرت سنين

بس لاتخافين من تولدين بتفشين وعقب ماتطلعين من الاربعين ترجعين مثل قبل

والله يثبته ويرزقج

ههههههههههههههههههههه والله جنج أنا

الكل يقول خشمج في شي غلط

ومجكرة ومسمرة

قمت التحبيط

طبيعي على قولت عمي ابو ريلي خنشرت هههههههه مودري من وين يايب هل كلمه بس انا هل شي بدا معاي من الشهر السادس مب من الثالت، انا لما كنت بالثالث جني مو حامل

لوووووووووووووووووووووووول الخشم يكبر و الابتسامه تصير سخيفه معاي :
بس حلجي ما تغير

اي صح… ابتسامتى صايره حدها سخيفة و تلوع الجبد عكس قبل !! كان احلى شي فيني ابتسامتى و ويهي والحين كل شي اخترب
يعنى راح يرجع كل شي بنات؟؟

يرجع انشالله التغيرات بس فترة الحمل

عااااااااد انا حامل في بنت !! و ويهي تغير
انا سمعت انه البنت اهيا اللى جكر…ممم ما ادري

اي كل الحوامل اشوف ويوهم متغيرة عادي لااتحاتين

وي عادي هذي ضريبه الحمل والا عبالكم بتحملون بالساهل

عاااادي حبيبتي هالشي يصير للكل
وان شاء الله لي ولتي كل شب برجع مثل ما كان
عشان جذي احس كل الحوامل جياكر
ولين تطلع من الأربعين تصير فيها زهوة العروس

عادي كل هالتغيرات طبيعيه بس بعد الولاده اشوي اشوي راح يرجع كل شىء طبيعي الله يقومج بالسلامه

والبنت اهيه اللي اتغير الشكل على قولت امهاتنا تسحب جمال امها

شي عادي لا تحاتين

الله يعينج ترا مو بس البنت تجكر حتى الولد يجكر بعد انا خشمي الله يسلمكم بروح ما يبلة والحين صار أخص حتى الهندي اللي بالدوام يودي جاي وقهودة قالي مدام انتي شنو في مريض ليش يجي أسود ضحكني الصراحة ؟؟؟

انا صرت سوده هههههههههههههه

وشعري راح فيهااا طبعاا

بس ويهي عادي ما غير السمار بس ما انتفخ خشمي للحين في المرحله القادمه (: