الحمل وزيادة الوزن

السلام عليكم ورحمة الله بركاته ..

بنات انا عندي عدة اساله بخصوص زيادة الوزن بالحمل وياريت تفيدوني

بنات انا هذا حملي الثالث وان شاء الله الله يثبته ويرزقني بالذريه الصالحه السليمه

بنات انا حملت على متن وخايف وايد ازيد

فسالتي هل بضروري الحامل تمتن بالحمال حتى لو كانت متينه ؟
في بنات ما زادوا بالحمال الا القليل جدا وطل البيبي سليم ومعافه ما تاثر؟
يصير البيبي ياخذ من وزن الام ولا تمتن طبعا اذا كانت متينه اصلا؟
والي اتبعت رجيم فترت الحمال ممكن تقولي شلون؟

وكون جدا شاكره لكم يابنات

انا عن نفسي يوم كنت حامل في بنتي هيونة زاد وزني 12 كيلو اما الحين بحمالي هذا نقص 3 كيلوات عن وزني الطبيعي

ليزا…
اول شي مبرووووك…و الله يتمم عليج ياااااا حبيبة قلبي

وممكن اعرف …. كم وزنج؟؟؟

وبعدين…لازم تروحين لدكتووور تغذيه
يضبط لج ريجيم للحامل…وانتبهي ترى انا حملت قبل وانا متينه
و…اسم الله عليج…صار معاي سكر حمل
ونوموني بالمستشفى…وممكن يرتفع الضغط

المختصر روحي لاخصائي تغذية…واهو يعطيج نظام خاص بالحامل

سكتو بس سكتو انا طقيت العبارات من المتن في بجري هذا
تكفون ادعولي الله يهون ولادتي
ولادتي عقب العيد

وييييييييييييي ابيه هالسالفه شالعه قلبي خخخخخخخخخخخ
انا فبدايه حملي لي الشهر الرابع كنت نازله بو 6 كيلوات لاني ما اقدر اكل وصار فيني اسيتون وبعدين الدكتور قالي عن المتن وخري عن المقالي وجذي وصج والله سويت نظامه ما اكل مقالي ولا خرابيط بس هم للحين زايده بو 10 كيلوات اخر مره قالي انتي باقيلج المكسيمون 5 كيلوات وراه تكونين طايفه الطبيعي للحامل قلت له بروح دكتور تغذيه قالي روحي للحكومه مو خاص وصج رحت الصباح لان رجيمه اخوي وامي مشوا عليه ويهبل وضعفوا جان تزفني الدكتوره تقولي منو قالج نعطي رجيم للحامل لا حبيبتي مانعطي الرجيم ورى الولاده تبين نظمي اكلج وصج الحين منظمه اكلي حتى برمضان الحين ما العب لا كله صحي بصحي وبشوف لي رحت الدكتور الاسبوع الياي اكون نازله ولا لا هي قالت لي الدكتوره مالت التغذيه اصلن الحامل مو شرط لي سوت رجيم تضعف يمكن تلقين نفسج نازله شوي الحين بروحتي هذي للدكتور بساله عادي امشي مشي خفيف نص ساعه ولا لا لان يمكن المشي ينزل على الاقل ويارب يسهل علينا ونولد بصحه وعافيه وورى الولاده نصير منيكان بس بصحه وعافيه خخخخخخخخخخوالي يغثج بعد هالناس ولا جنج حامل ينطرون عليج النطره وي متنانه ولا جنهم لي حملوا صارت كل وحده جنها بقره خخخخخخخخخ

انا زدت 24 كيلو نزلت منهم بعد الولاده 12 تقريبا

نزلتيهم عقب الولاده مباشره والا عقب الاربعين والا متى بالضبط

انا اللي اعرفه الزياده الطبيعي
من 10-12

انا عكس الناس اطيش بسرعه

كان وزني قبل الحمل بولدي 56 وبعد الولادة 80

والحمال الثاني كان وزني 66 وصلت لي 80

والحين توني حامل ووزني 60 والله يستر كم بزيد .

انا بعد الولادة أسوي ريجيم قاسي

انا بالحمال اضعف واطيش بالنفاس !

والمشكله ماكو اراده تخليني اقدر انزل وزني