قوة بنوتات …..
الصراحة قلت اخذ رايكم بهالموضوع …..
انا حامل لي 4 شهور وداخلة بالخامس ان شالله …. والصراحة ودي اسافر وحيل مشتهية السفر ….. بس خايفة …انا سافرت يوم اني بأول الشهور ( شهرين تقريبا ) بس كانت سفرة خفيفة ….. ساعة بالطيارة ….. وماحسيت بالتعب
بس هالمرة السفرة بتصير غير وساعات اكثر شوي بالطيارة ( يمكن لندن او تركيا )….. شنو رايكم حبوبات اسافر ولا لأ ؟؟؟
ومنو مجربة السفر وهي حامل ؟؟؟؟ وبأي الشهور تنصحوني اسافر ؟؟؟؟
قواكم الله حبوبات ….. وناطرتكم
احسن شي تشوفين دكتورتج وبعد ما تسوي السونار وتشيك عليج تقدر تقول لج ممكن تسافرين والا لا لان كل وحدة لها تجربتها الخاصة على حسب حالة الحمل وطبيعة الجسم … الله يهون عليج ويقومج بالسلامة ان شاء الله
نصيحة نطري لين تولدين احسن
انا سافرت السنة اللي طافت وكنت حامل بالثاني وكنت رايحة دبي ساعة بالطيارة
بس عقب مارديت مات البيبي في بطني
ولله الحمد الحين انا حامل وتبت اسافر
والله كل شي ملحوق عليه
انا بعد ما انصحج تسافرين كلش انا كنت حامل قبل هالمره وطيحت وانا بتايلند ….. حدي توهقت بس كل شي خيره
والحين الحمدلله انا حامل…. وصارلي اسبوعين فاصله حدي على السفر بس ماسكه عمري لما اولد انشالله اصلا يصير اونس
المفروض تشوفين طبيبتج بس اللي اعرفه ان السفر ممكن يسبب ولادة مبكره
خليها عقب النفاس و التعب يكون لها طعم اكثر 
شوفي اختي اللي الله كاتبة بصير سواءا كنتي مسافرة ولا اهني ومثل ماقالوا البنات جسم عن جسم يفرق يعني انتي لازم تسالين دكتورتج اذا مافيج ضغط ولا سكر يعني ماعندج مشاكل حمل اتوقع عادي وبالنسبة للشهور المفضلة الثلث الثاني من الحمل آنا دكتورتي قالتلي سافري من بعد الرابع بس لازم قبل الثامن تردين مايفضلون السفر بالثامن مو زين وآنا سافرت قبل 4 سنين كنت بالسادس ورديت بالسابع بس بالطيارة وآنا رادة كتبوني تعهد .
قوة حبوبات …..
Shestylet
Cacawa ….. الله يعوضج خير
badrah
mrs-yousef … الحمدلله على كل حال والله يعوضج خير …..
مبدعة
مشكورين خواتي ويعطيكم العافية……
ام لمى
صح اللي الله كاتبه يصير …..وانا ان شالله بسأل الدكتور وبشوف ,,,, والله كريم ….. مشكورة حبوبة
ماافضل السفر وانا حامل لاني اخاف واحاتي
برايي سالي دكتورتج, وانا اصلا ما احب اسافر وقت الحمل لاني احب لما اسافر اخذ راحتي عالى الاخر, مو كل شي محسوب علي
السفر أثناء الحمل يكون ما بين الأسبوع 14 و الأسبوع 28 فقط لا قبل و لا بعد
لاحقه المهم البيبي
سلام للغاليات….
*lulu*
Yasmin
autointoxication….شكرا عالمعلومة المفيدة
Nona77
ما قصرتوا حبوبات على اراءكم …. والغالبية ما تشجعني على السفر وقت الحمل ……يعطيكم الف عافية
هلا اختي
شوفي مثل ما قالوا خواتي انتي روحي طبيبتج وخليها تشوف حملج ان كل شي اوكي انشالله خلاص ماكو مشكله روحي سافري وماكو الا العافيه
بالنسبة لي كنا ناويين انسافر هالشهر وانا الحين بالشهر الخامس ورحت سويت سونار وقالت لي الدكتورة مافي اي مشاكل بس طلعت لنا سالفة ثانية وتأجلت السفرة لشهر 5بسبب ظروف شغل زوجي بس الدكتورة قالت لي اهم شي اتجين قبل ما تسافرين عشان اسوي لج سونار مرة ثانية ونتأكد اذا كل شي اوكي تقدرين اتروحين بدون خوف..
فانتي اسألي دكتورتج واللي فيه الخير بيصير..