|
|
السلام حبيباتي
موضوعي باين من عنوانه ليش بعض الناس اذا حملوا يخشون هاذي نعمه من الله
في ناس يقولون لمن يثبت بعدين نقول انزين اذا ما ثبت ودروا الناس شبيصير يعني بتقوم القيامه؟؟؟ بالعكس الكل بيدعيلج ان الله يعوضج و يرزقج و احد يعاف الدعاء من اقاربه و احبابه؟؟؟ و هم اذا دروا الناس انج حامل بيدعونلج الله يثبت اللي في بطنج
و في ناس يقولون العين حق و نخاف ننحسد اوكي انا معاج بهالشي لكن اذا الله اراد تثبيت الجنين سوف يثبت و احنا مسلمين لازم نأمن بقضاء الله و قدره و الخيره فيما اختار الله
انا اقول لكم هالكلام لأني منقهره من حماتي تخيلوااااااااااااااااا الشهر اللي طاف قالي ريلي انها حامل و عرفت الخبر منه مو منهم و توقعت تكون اذا كلش كلش بالثالث لأن توني ادري لكن تفاجأت امس انها بالسابع!!!!!
شنو يعني انا ابجوره بالبيت ولا شنو بالظبط؟؟؟ ولا بحسدها؟؟؟ واللي يحراكثر انهم كل كلمه و الثانيه يقولونلي انتي اختنا اي اختكم اختي لمن حملت على طول دقت و بشرتني انتوا ويييييييين و خواتي وين فرق بين السما و الأرض سامحوني قرقت عليكم بس صج سالفة الخش تقهر
مع اني احس ان ماله داعي اذا الله كاتب ان الحمل بيثبت فبيثبت انشاءالله
والحمل فرحه مو حلوة نغبيها
على قولة امي من غبّى ماربّى 
والصراحه الحركة اللي سووها فيج تغغغغغغث
|
المشاركة الأصلية كتبت بواسطة om sarah
 والله انا اللي اشوفه ان اكثر الناس يقولون اذا ثبت الحمل ننشر الخبر
مع اني احس ان ماله داعي اذا الله كاتب ان الحمل بيثبت فبيثبت انشاءالله والحمل فرحه مو حلوة نغبيها على قولة امي من غبّى ماربّى والصراحه الحركة اللي سووها فيج تغغغغغغث |
مشكوره على مشاركتج صج تغث و المشكله لمن قلت حق ريلي ليش يسوون جذيه جان يزفني يقول كل واحد له وجهة نظر استغفرالله لو شنو يسوون اهما عنده الزينين السنعين اللي ما يغلطون
انا ابصراحه عن نفسي تبت اقول
انا اعالج ولما حملت علمت مرة حماي وفيها الخير والله وكلن درا ماطولت اسبوعين وسقطت
ثاني حمال نفس الشي علمت مرة حماي بس دوامي مادروا لاني حملت ابعطله داومت ع الدوام شهر بس وولدت ولاده مبكره وتوفى النونو
والحين مرة حماي اطلعت حامل وماقالت لي وحلفت ان حملت ان شاء الله ما اقول لها لان انا المفروض اللي اخاف من العين مو هي ما شاء الله
والرسول صلى الله عليه وسلم يقول : اقضوا حوائجكم بالكتمان
بس انتي ابعذرج تنقهرين لان شكلج نفسي تقوليلها عن حمال خواتج
الله يعين بس
مقدرة شعورج
بس الخبر شنو بيضيف لج ولا شنو بينقص؟
قولي حق نفسج جذي
وخير ياطير حملت
لاتضايقين عمرج او تشغلين تفكيرج
وتناقشين زوجج بموضوع
وهو بالاخير
مايسوى
وعلى قولته
وجهة نظر
براحتها
الله يتمم عليها
واذا حازة الحركة بنفسج حيل
اذا انفتح الموضوع
اسأليها ليش ماقالت لج؟
|
المشاركة الأصلية كتبت بواسطة غيمة عطر
وعليكم السلام حبوبه
انا ابصراحه عن نفسي تبت اقول انا اعالج ولما حملت علمت مرة حماي وفيها الخير والله وكلن درا ماطولت اسبوعين وسقطت ثاني حمال نفس الشي علمت مرة حماي بس دوامي مادروا لاني حملت ابعطله داومت ع الدوام شهر بس وولدت ولاده مبكره وتوفى النونو والحين مرة حماي اطلعت حامل وماقالت لي وحلفت ان حملت ان شاء الله ما اقول لها لان انا المفروض اللي اخاف من العين مو هي ما شاء الله والرسول صلى الله عليه وسلم يقول : اقضوا حوائجكم بالكتمان بس انتي ابعذرج تنقهرين لان شكلج نفسي تقوليلها عن حمال خواتج الله يعين بس |
الله يعوض عليج يارب بس مو شرط عين انتي ارقي نفسج و يس و اذا الله مو كاتب حياة حق البيبي ماراح يعيش سواء في بطنج او عقب ما تييبينه و الله يعوض عليج يارب
|
المشاركة الأصلية كتبت بواسطة the note book
الله يعوض عليج يارب بس مو شرط عين انتي ارقي نفسج و يس و اذا الله مو كاتب حياة حق البيبي ماراح يعيش سواء في بطنج او عقب ما تييبينه و الله يعوض عليج يارب
|
الله يسمع منج يارب وتسلمين حبوبه
بس هم انا انقهرت انا بحمالاتي كنت اقول لها وهي لما احملت ماقالت لي تخيلي دريت من خدامتي عمتي قايلتلها حتى ماقالتلي خخخخخخخخخخخخ
الله يتمم عليها
|
المشاركة الأصلية كتبت بواسطة غيمة عطر
الله يسمع منج يارب وتسلمين حبوبه
بس هم انا انقهرت انا بحمالاتي كنت اقول لها وهي لما احملت ماقالت لي تخيلي دريت من خدامتي عمتي قايلتلها حتى ماقالتلي خخخخخخخخخخخخ الله يتمم عليها |
تصدقين انا عكسج مرتحماي قالتلي اول ما حللت صج الناس اجناس والله قهر عاد حماتي ماقدر اخش عنها لو احمل مهما يكون
|
المشاركة الأصلية كتبت بواسطة the note book
السلام حبيباتي
موضوعي باين من عنوانه ليش بعض الناس اذا حملوا يخشون هاذي نعمه من الله في ناس يقولون لمن يثبت بعدين نقول انزين اذا ما ثبت ودروا الناس شبيصير يعني بتقوم القيامه؟؟؟ بالعكس الكل بيدعيلج ان الله يعوضج و يرزقج و احد يعاف الدعاء من اقاربه و احبابه؟؟؟ و هم اذا دروا الناس انج حامل بيدعونلج الله يثبت اللي في بطنج و في ناس يقولون العين حق و نخاف ننحسد اوكي انا معاج بهالشي لكن اذا الله اراد تثبيت الجنين سوف يثبت و احنا مسلمين لازم نأمن بقضاء الله و قدره و الخيره فيما اختار الله |
معقوله بالسابع وأنتى مالاحظتى كرشها؟؟؟؟؟؟؟؟؟؟؟؟ ميخالف طنشى عادى لايقولون محترة
انا عيل اقولج اول ماحملت بولدي مابقه احد مابشرته
وقضبت حمواتي وقلتلهم بس كل وحده بروحها جاااااااان يزفوني @@
يوم سالوني جم لج قتلهم توني محلل انتي مينونه ماتخافين الله الناس ماتبشر الحييين الناس تنطر ترتفع تالي تبشر @@
قتلهم كيفكم انتوا اهلكم اذا ماتبون تخبرونهم والله انا مستانسه وبخبر
حتى حماتي العةده قضبت ريلي وقالتله عفيه مرتك لاتمشي وتقول لاسمح الله يصير فيها شي @@ شكووو خو موبجر
وعندي عياااااااااال صج صج انصدمت
والله بدال لايباركولي زفوني المهم قلت حق ريلي اذا حملت مره ثانيه لووول ماراح اقولهم بستانس بحملي وبقول للكل
واهما بسكت عشان ماانزف المشكله انه خرعوني حيل
|
المشاركة الأصلية كتبت بواسطة غزيل الفله
معقوله بالسابع وأنتى مالاحظتى كرشها؟؟؟؟؟؟؟؟؟؟؟؟ ميخالف طنشى عادى لايقولون محترة
|
اهيا عندها كرش من زمان عشان جذي ما لاحظت
ثانيا أنا ما أقول لكل من هب و دب أنا حامل
وثالثا في بعض الحريم الحمدلله والشكر توصل السابع و هي معاج بنفس البيت و البطن شطوووووله ولا تتكلم 
… إهي ما تبي تعلم كيفها بالطقاااااااق ….لاااااا و إذا قلتي لها فلانة إنتي حاامل؟؟؟ تقوووول : إسم الله علي توه الناس … و البيبي يرفس إبطنها…عمى بعينها إشهالعقلية.gif "Eh S(14)")
…و إذا سألتيها متى تولدين ؟؟ تقولج شهر7,,, وتتفاجئن إنها والدة شهر 5 لا و أوله بعد… و أستغفر الله و تقعد تفااااول على روحها .. أنا ولدت قبل موعدي .. و ماشاء الله ملقنة زوجها يقووول نفس الكلام..إنزين لــــــــييييييييش الأفلام و التمثيييييل
يعني أنا كذا مرة أنقهر من هالمواقف … و لما أحمل .. أقرر إني ما أعلم أحد … بس أنا الحمال يبين من ملامح وجهي حتى لو أكوون توني محلله … فبسرعة يدرووون
يعني لا تلووووومني
|
المشاركة الأصلية كتبت بواسطة الأماكن
أولا الناس ما تعطي خير…يعني أنا أنطر لين يصير لي شهرين و بعدين أعلم
ثانيا أنا ما أقول لكل من هب و دب أنا حامل وثالثا في بعض الحريم الحمدلله والشكر توصل السابع و هي معاج بنفس البيت و البطن شطوووووله ولا تتكلم يعني أنا كذا مرة أنقهر من هالمواقف … و لما أحمل .. أقرر إني ما أعلم أحد … بس أنا الحمال يبين من ملامح وجهي حتى لو أكوون توني محلله … فبسرعة يدرووون يعني لا تلووووومني |
هاذي انتي قلتيها اذا ما يبون يقولون ما يقولون حق كل من هب و دب مو معناته يخشون على جنتهم اللي عايشه معاهم بنفس البيت و المفروض المفرووووووض انها تكون منهم و فيهم واللي يقهر ان ريلي يقولي اهما يحبونج وايد و انتي اختهم مع ان يشوف بعينه اللي قاعد يصير
الحمد لله الدنيا بخير …ومثل ماقلتي اليهال نعمه من الله ..ماتنخش مثل وحده من اهلنا مادرينا انها حامل الا واهي بالسادس ولا عقب ماطرحت … بييييييييييييه شصاير بالدنيا …على قولت امي الله الحافظ لوو وحده صعدت جبل مايطيح لانه الله الحافظه مو امه… بس ماقول الا الحمد لله على نعمه العقل