|
|
السلام عليكم ورحمة الله وبركـــــاته…
إشلونكـــم بنــــات إن شاء الله بخير…. حبيت أبلغكم بأن البيبي نزل والحمدلله على كـــل حال بس عنـــدي إستفســـار بسيـــــط ….. لاحظت نزووول دم ورحت كشفت قال البيبي ميت على 6 أسابيع وكتبولي مستشفى هادي حبوب ومضــــاد ماسويت تنظيفـــــــات عادي وإلا مو عــــادي دكتور بمستشفى الراشد قال مايحتاج بس اللي بالهادي قال يحتــــاج…. بس أنــا شفت البيبي نزل شسوي الحيـــــــن…..
واللي عنـدها أعشاب أو أدويــه تنظف البطن ياريت تكتبها لي والله يجزاها خيـــر….
وعليكم السلام
والله يعوضج يا حياتي
والمهم سلامتج
أنا اسمع عن عشبة عند العطار تأخذينه وتنظفج
والحمد الله علي سلامتج
ونصيحه ترا لازم تتنفسن علي الاقل اسبوع
عليج بالحسو أنا كنت أضيفه على الشوربة وشربي دارسين
سامحيني هذا اللي أعرفه
كوين شاكرة مرورج يالغاليـــه والله يسلمـــج من كل شر …
أم حمودي يعطيج العافيه وماقصرتي شاكرة مرورج…
الحمدلله على سلامتج يالغالية
لعلها خيرة
وعسى الله يعوضج خير منه
انا لما أجهضت وكان عمر الجنين صغير
قالت لي الدكتورة ما يحتاج تنظيفات
وفعلا ما احتجت تنظيفات
بس إذا فصيلة دمج سالبة وزوجج موجب لازم تاخذين ابرة اجسام مضادة
وتذكري قصة الغلام اللي في سورة الكهف لما قال الله تعالى (( وكان أبواه مؤمنين فخشينا أن يرهقهما طغيانا وكفرا ))
فمعنى ذلك ان الله عز وجل حينما يأخذ نعمة من انسان يكون سبحانه بعلمه للغيب يعلم أن هذا الحال افضل له
ولما توفى الطفل في بطني قالت لي الدكتورة ان النظريات الطبية تقول ان نسبة كبيرة جدا من حالات وفاة الأجنة قبل الولادة يكون بسبب ان هناك خلل في تكوينه ، فيتوفى مبكرا أفضل للأم من استمرارية الحمل ، فلله الحمد والمنة
بالنسبة للأعشاب عليج بالحسو واللهوم مثل النفاس عشان تنظفين وعشان عوار ظهرج
أجر وعافية يالحبيبة
وعسى الله يعوضج خير منه يا رب
اما بالنسبه للتنظيفات ففعلا ما يحتاج ….و بالنسبه للادويه تاخذين نفس مالت النفاس بالضبط بس مو تلهمينهم لهم …لا اخلطيهم ويا عسل +طلح النخيل و اكليهم نفس الاقراص …اتنظف الرحم عدل و تشده
و ممكن تسوين لج شاي اعشاب ( دارسين و خولنجان و نخوة و السوالف هاذي …تراني حاطه موضوع متبث في الحمل و الولاده …بس اقري حتى الصفحات الاخيره لاني مرات اتذكر عشبه معينه و ازودها بعد …
بس شنو كان سبب الاجهاض ؟؟؟
Seule12 مشكورة حبيبتي والله يجزاج خير .. سبب الإجهاض والله بدووون سبب طاح حسيت بالألام بالبطن مثل الطلق ونزل دم معاي رحت قالي إجهاض .. الحمدلله على كل حال….وإن شاء الله بشوووف موضوعج…..
الله يعوضج بدال الي طاح خير يارب
وما اعرف اعشاب بس ما حبيت ادخل وما اواسيج