|
|
السلام عليكم خواتي
طبعا انا من زمان قايله لبنات التجمع بنزل قصة ولادتي وفعلن كتبتها
بالتفصيل الملل وانسحت 
هههه كيفي والده وتعباانة لا وماعندي وقت بعد <= وزيرة مو نفاس
طبعا قصتي تبدا بيوم عرفة صايمة واحس بعوارات وارهاق
بس طنشت لاني كنت مونابمة عدل وصايمة فتوقعت هذا السبب
فطرت ع ماي وتمر وشوي شوربه لان حدا ماكان لي نفس
وعلئ س 10 بليل طلبنا وجبات انا وحمواتي وكلن راح
غرفته الي يكوي ملابس العيد والي بينام والي بيسبح والي بيستشور
المهم تسبحت ولفييت شعري بلفافات > ناويه اسوي كيرلي
ومنسدحه وافرفر بالتلفزيوون وبطني متيييبس وظهري فيه عوار خفيف
طبعا انا معوشره ف مالي خلق اامل نفسي واقص ع روحي ان فيني ولاده
لا وزوجي قايلي طبخي غدا العيد < مالقا حجز بمطعم فبيقول ادور السبه
قلت اسويلي دارسين واطنش
جات س 1 صعد ابو الشباب بدل وناام شفيج يامرا نامي ورانا صلاة
قلت بطني وظهري يعوروني بتمشي شوي بالصلاة ع مايخف العوار
جات س3 ونص وانا ارفي باب الغرفه واقعده قوووم ودني الطبيييب
العوار كل ماله ويزييد موقادره قال شوس شوي اذا ماراح قعديني < زهق
من دشيت التاسع كل شوي فازين الطبيب
س4 قعدته قلتله خلاص هذي الصجية والله بس قووم
قام وتسبح واستشور شعره ولبس غترته وتعطر ع الراحه
وانا من العوار لابسه بثواني وناطرته
المهم رحنا ( العدان ) فحصتني وقالت 2 ونص وسوتلي
تخطيط فبني طلق بس قالت حراام ادخلج الحين مافي دكاتره
وانتي بجر يعني بطولييين شرابج روخي وردي عقب 4 ساعات افحصج
واكتبلج دخوول طبعا طلعناا وماقدرت اتحمل رديت عقب ساعتين
المهم دخلوني ركبو علي الاجهزة وراحو الفحص الاول س 9 / 3 سانتي
الفحص الثاني س12 / 4 سانتي وهني قررو يركبون طلق صناعي
وطبعا لاكمام ولاهم يحزنوون بس قالو بيعطوني ابره ظهر
العوار طبعا كان من قوته يخليني اتشهد الحمدلله ماصاايحت كلش
بس كنت اوون اخيانا والاغلب اصبر نفسي بالقرآن والاستغفاار
جا دكتور التخدير س 4 العصر وكنت 5 سانتي وعلى مابدا مفعولها
ع 6 خدروني بابرة ونمت لي 7 وقمت قسسسم بالله احس بالعواار والله
احس شلون لاتسألوني طبعا حزتها كنت 6 سانتي
وزااادو الطلق وماجات 8 ونص الا وانا 10 سانتي وهني بدت البهذلة
العوار احس فييه مستمر بس يشششششششد ويهد ثواني
تعب قلب البيبي وقف مرتين وكل شوي يقلبووني ع جنب ويغيرون وضعيتي
يعني رحمي فاتح المفروض اولد بس البيبي تعبان موقادر يلف ولايدز نفسه
طبعا لفته الدكتور ونطرنا لي 11 ماتقدم الراس الا نص سانتي بس
اخر شي قالوولي شوفي لاشد العوار انتي دزيييه سوي بووش
وكل مايشد تصاايح السستر ايوااا ماما بووش بووش وهذل حالي لي س2 الفجر
واخرتهاا تشهدت وصحت صيحه وحده قلت يا الااااااااااه وطلع البيبي
وانا الحمدلله الحمدلك يارب الحمدلله فجاة استوعبت اني ماسمعت صيااح ؟؟
واقعد ابجي شفييه ليش مايصييح قالت ماما كويس مافي شي بس تعباان
وحطوه ع صدري واقعد اقرا علييه فعلن احس فيه يتنفس بس من كثر ماهو تعبان لاصاح ولاشي
شوي والا السستر تصارخ دكتورر بليييدنق هيلب هيلب طبعا انا مومعاهم بس قاعده اخز فالوليدي
عليه ماده لزجه وراسه ممغوط وفيه حفره مكان مسسكت الدكتور ومحتقن لوونة اسسسسود مادري كحلي
مادري ازرق بس موهامني عادي ابووسه واقول الحمدلله فجأة قعدت انقز اي اح دكتور شوي شوي << يخييط
يقولي اي يابت بتكدبي انتي فيكي ابره ظهر هني عاد انقهررت وسكت والله حسيت حتى بطلعه الراس حسيت
الي مجربة ابره الظهر تقولي ؟!
طبعا قعدنا بالملاحظة جم ساعه
وقعدنا بالجناح يومين والحين انا بالبيت الحندلله
طبعا لاادويه ولامخدر ولاشي اللهم حبوب حديد عشان النزيف
الحين بنات بسالكم ليش ماينزل معاي شي كلش
يوم كامل يمر بدون لاينزل دم شلوون ؟!
اي اكل لهوم وحسو واشرب حلبة واعشاب ومدفية نفسي
والخياط يمه يعووور يذبح انا بس اغسله بديتول بس
مادري غلط والا صح ؟
معاي كحة ومساك وبواسير < تخيلوو وضعي مع الخيااط
شسوي ابيه يطيب والله حتى مشيتي تحففة
طبعت اانفسية خلوها ع صووب كلابجي وكلا افز لمن اتذكر شلون كان واقف قلبه
بس مستمرره اسمع قران واتعوذ من بليس
اي وفي شي بعد صدري طابووقه يعوورني
يذذبح لاني قادرة اشفط ولا ارضع شسوي غير التكميد
والرهش والجرجير < شالحل ؟
والماااي يمه شنو حبيت المااي ابي اشرب مااي
شلون اقنع امي .
تكفون جاوبوني وساعدوني ولكم مني دعوه
يلا الفال لباجي البنات يولدون بصحة وعافية
ومايشوفون الي شفته
ووليدي ابوي يقول بيسميه عيد
وانا اقول بنسميه مطر هههههه
٦/١١ احلا يووم بحياتي
مع اني شفت الموت فيه
بس الحمدلله ربي كرييييم ولطيييف
لطف بحالي واكرمني والحمدلله
حمدالله ع سلامتج وسلامت البيبي عادي يمكن امنضفينج انتي لتحظي اكلي لهوم ينزل منج شوي دم. لان حار ف ينزل دم
شربي حليب مع دارسين
عادي انا ولدت قيصري مانزل مني دم بس اول يومين من ولادتي وكل ما كليت لهوم نزل شوي
والحمدالله على سلااامتكم
ومبرووووك الافيييي ،،
هابشري
عيد ولا مطرر
حرم الله يكون بعوونج ويااجرج يارب
انا خيااط وبموت منه الله بكون بعوونج
لولوكي قولتج عادي ؟
عاد انا اذكر لعنت خيري السستر وهي تمسسسح
بالشاااش تمسح حييل عقب النزيف ولمن خلصت بدا
الدكتور يخييط
ومبروك ما ياج بس ليش كل هالعذاب ….!!!
عورتي قلبي …
والحمدلله على سلامة وليدج ربي يبلغج فيه …
بس شي ابط الجبد دم ينزل عليج لزج لونه غاااامج
الحمدلله ع كل حال
كنت مخططة اولد بخاص
وادلع روحي ع بو بجر
بس باخر مواعيدي قالولي احتمال قيصرية
لاني طولت حييل وطول التاسع الرحم مسكر
ترا مافتخ الا قبل الولادة بجم يوم بس
بس هذا الي صار والخيره فيما اختاره الله