|
|
السلام
ابي افضفض وبنفس الوقت ابي حل 
الحمدلله مشاكلي مع اهل زوجي مو كبيرة .. لكنها تغث
انا اقولكم شسالفة ..
ريلي البجر وعنده 8 اخوان كلهم صغار .. وابوه اتكالي وزوجي مايحب يرد اهله بطلب .. وخصوصا خالتي
اوكي اهي امه على عيني وراسي .. لكن المشكلة وين ؟؟
زوجي طييييب وماخذ قرض كبيييير عشان اهله
وفوق هذا دايم يحسسونه انه انت وايد تصرف واكلك كله مطاعم وكله تسافر مع زوجتك و..و..و…. واحنا نبي ونبي ونبي ونبي .. واهوا كله انشالله .gif "Eh S(1)")
بس خلاص ليمتى
قاعدة تزيد مسؤولياتنا .. ولازم اهله يحسون ان زوجي عنده أولويات .. بس على الدنيا السلام
من جم يوم عمي طلب شغلة ريلي قاله "فلست يبا
" . . جان يقول واايد تصرف … ابو الشباب سكت
وخالتي كانت موجودة يعني ساامعة . .
جان امس تقوله .. ابي اغراظ حق المطبخ عشان رمضان .. مواعين ومادري شنو وخرابيط .. جان يقولها انشالله اشوف
سكتت ..
جان تقول "عقب جم يوم عيدميلادي ييبلي تلفون..او تحاططو وييبولي" ..
سكتت . .
جان تقولي ابيج تروحين السوق تشوفيلي مواعين فنتك للسلطة قتلها انشاالله خالتي اشوفلج والله ..
انزين ليمتى الطلبات التافهة؟؟؟ هذا غير طلبات خواته والمشكلة مو مشكلة الطلبات بس . . اللي قاهرني ان محد حاس فيه وبهالقرض اللي قاص ظهره عشانهم … ولا جنه خذاه عشان خاطرهم
وهذا غير التعليقات اللي كل شوي…"اي مرتك توظفت الحين تساعدك" ..
ليش ؟؟ خو انا زوجي مو ناطر معاشي عشان اصرف على البيت!! اهو حرام اصلا مابقى اني اتوظف .. بس هذي رغبتي
وبنفس الوقت مايرد عليهم ويقولهم شي .. يخاف يقولون عنه تدافع عن زوجتك او ماتحب تزعلها
والحين حاطين في بالهم اذا مرتك توظفت يعني يتقعدون على معاشين …(( يعني هاااات يا طلبات ))!!
بصراحة ماعندي مانع لو يساعد اهله .. بس بالمعقول موعلى توافه دنيا
بس اهما كل شي عندهم فلوس فلوس فلوس .. وهذا بجم شريتيه ومن وين يبتيه !!!!!!!!!
تذكرت شي عشان تتضحه الصورة عندكم
من اسبوع شراله تلفون
شافوه انصدمو كلهم بيشوفونه ليش خير اول مرة احد يشتري تلفون ؟؟؟
وهذا بجم شريته ؟؟؟؟؟؟؟؟ جان يقولهم هدية من زوجتي بعيد زواجنا !!
بدال ماتستانسون لولدكم وتقولوله بالعاااافية تستاهل أكثر . . تحطون عينكم على اغراظه وطلعاته ومعاشه !!
وشي ثاني ..
ناوين نسافر عقب فترة انا وزوجي اذا الله يسر لنا .. استغربت ان قاللي شرايج اذا حد سأل نقولهم معاش ال3 اشهر لما نزلتج سافرنا فيه !!!!!!!! انزين ليش نحاتي خو احنا مو يهاال احد يحاسبنا شنسوي بفلوسنا وبحياتنا
مادري شقول والله .. شي يحر
وسامحوني على الاطالة .. والله ماحب أحش فيهم ولا اتكلم بالشينة عنهم جذي
بس لأن جد هالحركات تطفر وتظايق الواحد واحس زوجي حبيبي مظغوط بنفس الوقت موعارف يتصرف ويتكلم
ورجاءا اللي موعاجبتها السالفة او موحاسة بالموضوع لاتنتقد وترد
وفعلا قهر
بس مهما كان اهله . خل يحاول يفهم امه بالهدواه ولا يتفق مع اخوانه يتقاططون كل شهر بمبلغ بسيط ولايحط فوقه شي
ومعاشاتهم صافيه لهم… وترى دايم بالعايله تلقين ولد طيب حبوب الكل يستغل طيبه
وهذي حاصله مع ناس وايد… اوكي اشتري لاهلي واساعدهم بس على طول مايصير انا وراي شؤون ثانيه والتزامات
يعني اعيش على ربع معاش كل شهر… عشان مواعين والا تواير يبونها.صج الله يكون بالعون
شوفي حبيبتي انتو لازم اتقسمون معاشكم مثلا حطو مبلغ لمصروف البيت (الجمعية) – ومبلغ ثاني حق اهل ريلج (يعني تعطونهم مثل معاش لهم) – ومبلغ حق الطلعات والسوق- ومبلغ ذخر حق البيت(مادري انتو ساكنين معاهم؟؟) اذا معاهم اهم شي انج اتحاولين تستقلين عنهم والله بترتاحين…وقولي حق ريلج اذا بغو زياده او طلبو شي ثاني عن المبلغ الي عطاهم اياه خليه يعتذر انه ما عنده ف البداية بتكون صعبه عليه بس بيتعود وهم اهما بيتعودون …يعني مصيبه الواحد اذا حب يعطي اهله بيعطي من كيفه مو يطلبون منه!!!!
ملاحظه: انا ما قولج صيري نسرة …لا بالعكس كوني حبوبه معاهم وحاولي بين فترة وفترة اتجاملينهم بهدية عشان خاطر ريلج
بس المشكلة بنات ان اهو الكبير .. والموظف الوحيد الباجين مدارس كلهم !
صج اهله بس لازم يقدرون
انتي حبيبتي كلش لا تتدخلين ولا تعترضين
شتسوين
خليج ساكته وادعي ربج
لانج اذا باجر تكلمتي راح تطلعين بالشينه
لو ريلج من بدايه مو معطيهم ويه جان ما استغلووه
بس معقوولة الابو او خالتج ما يشتغلوون او ان ماعندهم معاش تقاعدي !!!
ميخالف شي حلوو ان الواحد يسوي حق اهله واللي في خير في اهله اكيد بيكون في خير لج
اما الصراحة ريلج معطيهم ويه ومالهم شغل اذا كنتو معاش واحد ولا اثنين الواحد مو ملزوم يقول حق حمولته او اي احد شنو التزاماته
وقوليله خل يبين لهم ان عندكم التزامات وانتوا اولة بالفلوووس اوكي مومشكله عيد ميلادها وتبي تلفووون خل يتقاططون الاخوان عشنا اييبون حق امهم موسالفة والله شي يحرررررررررررررر
^
شلون يتقاططون !! انا قلت انه زوجي الوحيد الموظف الباجين يهالوو كلهم مدارس
خالتي كانت تقصد زوجي وعمي ..
وعمي عنده معاش تقاعدي .. بس يحبون يحسون ان زوجي للحين عزوبي والزواج مو ماخذه منهم
اسكتي
ودام ان طيب معاج وزين
اسكتي
واحيانا العيال عارفين ان اهلهم يستغلون طيبتهم وكرمهم
بس هم راضين
بينه وبين نفسه يقول اهلي
عزوتي
امي ابوي
لو اعطيهم عيوني ما وفيت جزاهم
طلعي انتي من السالفه
ولا تدققين
ولا تنبهين ريلج لصغائر الامور
ترى هالسوالف تصير بكل بيت
بس نتحمل عشان
نبي اجر الله
الام والابو جنتنا ونارنا
حمدي ربج طلباتهم على قدهم
مواعين موبايل وخرابيط
طلعي بالزينه وسوي امورج لله مو مجامله لاحد
|
المشاركة الأصلية كتبت بواسطة فوفو22
 دام ان زوجج ما اشتكى لج
اسكتي ودام ان طيب معاج وزين اسكتي واحيانا العيال عارفين ان اهلهم يستغلون طيبتهم وكرمهم بس هم راضين بينه وبين نفسه يقول اهلي عزوتي امي ابوي لو اعطيهم عيوني ما وفيت جزاهم طلعي انتي من السالفه ولا تدققين ولا تنبهين ريلج لصغائر الامور ترى هالسوالف تصير بكل بيت بس نتحمل عشان نبي اجر الله الام والابو جنتنا ونارنا حمدي ربج طلباتهم على قدهم مواعين موبايل وخرابيط طلعي بالزينه وسوي امورج لله مو مجامله لاحد |
صح كلامج .. لكن من قالج ان زوجي مااشتكى لي !!
بس محتار شلون يردهم .. مايعرف شلون يحد من هالشي ..
وثاني شي انا اسكت اذا كانت طلباتهم مرة بالشهر مو كل اسبوع .. واحيانا يصير تقصير على البيت بسببهم
وانا ذكرت بالموضوع ان مو بس طلبات صغرة .. اهو ماخذ قرض عشانهم . . ومو اي قرض بس خليها على الله
وانا مو لهالدرجة سخيفة عشان اتحلطم على طلبات مواعين وتفاهات .. لأ ،، لأن كله فوق بعض وسالفة القرض اهو اللي ماكلها وموحاسين فيه
من جذي تكلمت وقلت المشكلة
بس الحمدلله محترمينه ومقدرينه ,, مو مثل اللي شفت مستغلين طيبته وكارفينه وماكلين معاشه وفوق هذا يزفون عياله ويطقونهم ويتناغزون مع مرته ,,
^
الله كريم انشالله
اذا ساكنه طلعوا عنهم على شان تصدون عن هالطلبات
وبعدين سوري بس زوجج وايد معطيهم ويه ؟؟؟ على شنو هذا ؟؟؟
لازم شويه يصير عنده راي … واهوه ريال وفاتح بيت … عيل اشخانت اخوانه 8 ؟؟؟
من رايي خل يتفق مع خوانه على مبلغ قطيه ويعطونه حق اهله وبلا هالحنه والرنه .
^
برد أعيييد وأزيد اهو البجر والباجين يهال كلهم مدارس ..