الحمدلله قبلوا ولدي بالتكامل . دخلوا شوفوا الاختبار !!!!!

الحمدلله ولدي قبلوه بالتكامل العالمية الي بصباح السالم

والصراحة كنت حدي متخوفة ولما اختبروه خفت اكثر واكثر لان الامتحان كان صعب عليه اهو كطفل !!!

اول شي عطته حبل طويل ولازم يدخل الخرز بالحبل
2) عطته اشكال و يركبهم مكانهم
3) مكعبات لازم يسوي برج فيهم
4) لازم يقص بالمقص على الخط المستقيم
5) لازم يوصل بين النقط
6) يرسم خط مستقيم
7) يرسم smile face
8) يعد من 1 – 5 بالعربي والانجليزي
9) يقول ال ABCD …….
10) يعطونه 3 اشكال بالمجموعة الواحده ولازم يطلع المختلف فيهم
11 ) عطوه رسومات ولازم يذكر شنو اهم مثل BOOK – DOOR- BOY – GIRL
12) الألوان RED – BLUE – GREEN – YELLOW
13 ) الأشكال CIRCLE – SQUARE – TRIANGLE – RECTANGLE
14 ) يقرأ الأرقام ويقولهم ( طبعا هذا ما عرفه ولدي !!! )
15 ) يوصل بين الأرقام ( وهم هذا لخبط فيه )
16 ) وطبعا في البداية سولفت معاه وسألته عن اسمه وعمره

الصراحه انا ما عندي فكرة عن اختبارات القبول بالروضة لان هذا بجري بس الصراحه استغربت حسيت انه مستوى الامتحان صعب شوي على طفل بهالعمر ؟!!!!!!!

والصراحة الله يعافي الحضانه الي تعلم منها هالسوالف ولا جان مرفوض مرفوض مرفوض

وبعد الامتحان ولما قالولي انهم قبلوه ما تخيلون فرحتي جنه متخرج من الجامعه ( يارب يارب )

ويبت ريوق حق بنات الدوام بهالمناسبة