الحمدلله بديت اجهز هدوم البيبي بس لزمت بريك!!!!

السلام عليكم

شلونكم يا احلى صباياااا؟

انا الحين باول 10 ايام بالشهر السادس ماشاءالله
الله يتمم علي يارب ويتمم على كل حامل ويرزق كل محرووووومه ياااارب

المهم بدييت اجهز صارلي اسبوع تقريبا!! وايد قالولي متأخره بس انا مادري ليش حاسه تو الناس!
بديت اجهز الهدوووم بسسس
ماشريت شي ثاني
يعني خذيتلي فره وشفت الفرش والسلال وهالخرابيط

بس خذيتلي هدوووم

وانا اخذ حسيت كل السايزات اللي خذيتها من 3 الى 6 اشهر
وخمطت وااايد المشكله
امس هم رحت اشري بس خذيت جم قطعه من 6 الى 9 اشهر

وليلحين موعارفه شنو السايزات اللي اخذها؟
هل اخليها كلها من 3 اشهر؟ او اخذ كل السايزات الى 12 شهر؟؟؟

وانا باذن الله راح اولد على نهاية 8 اول 9 على كلام الدكتور ( اخر يوم لي بالتاسع 10 سبتمبر)

سؤالي الثاني…. هل اخذ جموم طويله؟ او عادي اخذ نص جم وحفر؟

انا ماني عارفه اذا عادي نلبس البيبي النيو بورن حفر او نص جم!!
وانا اشتري توهقت!!
فقلت لازم اسألكم

الله يخليكم شنو موديل الهدوم اللي لازم اخذها؟؟

وجم بجامه وهالخرابيط من كل سايز؟!!!!

انا مابي اكود وبس

سوري طولت السالفه بس علشان تحسوون اني متوهقه هههههههه

يعني ماعندي من خواتي وحده عارفه…. لاني اول وحده وهالبيبي البجر

بليز ساعدروني يزاكم الله خير

وماقصرتووووووا

الله يتمم عليج يارب
والله ماعندي فكره بس حبيت ارفع الموضوع

اشتري من صفر – ٣ اشهر
اربع اطقم عالاقل

حبووبة لاتكثرين من الهدوم الياهل يكبر بسرعه اول شي اخذي حق النفاس من النصار لان النصار
لان بتدهنين البيبي و 2 شي لا تكشخين البيبي و اهو بالنفاس ترى كله امهدينا البيبي من بشووف الكشخه و لا
كله اخدي افرولات مايصير حفر و نص جم تبين البيبي ينصرع لول
وخصوصا ان شهر 9 بكون شتى
ولا تكثرين اخذي 8 افرولات مقاس 0-3
8 تبانات 0-3
كبابيس 6
دسوس
و فوط لما ترضعينه تمشين حلج البيبي يمة فدييييت البييات والله
و صدريات لا تكثرين بتييج هدايا لي الراس والله حبي
طيعيني انا جني مينونة كل شي شريت و ليلحينم موجودين حطيتهم بجنطة و قطييتهم بيت امي
ووووو اهم شي المهادات و السرير العود لا تشترينه الحين بدري عليه اشتري السله
لي 4 شهور بعدين اخذي العود حبي
و اي استفسار راسليني عالخاص
خبرة خبرة باليهال والله يتمم عليج يااااااااااااارب و يرزق كل محرومة

ليش ليش حبيبتي ماخذه بو 12 شهر و 9
لا ترا الياهل نتففففففففففففففففه
هذول مايلبسهم الحييييييييين صجج
بتنصدميييين ترا
اخذي تايني بيبي جم سيت اللي يصير سلوبيد ويا صدريته ويا لفته
واخذي 0-3 جم واحد بعد
وتبانات داخليه
اخذي نص جم وجم طويل
ولاتنسين انتي ولادتج صيف جم شهر بعدين بيدش اشتا لاتشترين كبار وايد !!!

اممم لا ما أأيدج واللبس شتوي صيفي؟!

اخذي من 0 – 3 و ( 3-6 < اذا عجبج شغلات )

وعسى رربي يتمم عليج

اخذي سايز نيو بورن

وسايز من ٠-٣

وسايز من ٣-٦

بس لا تكثرين النيو بورن هذا بس حق اول الايام لان البيبي بسرعه يكبر

ونوعي كم طويل وقصير عادي

اما السايز الكبير خليه بعدين لاحقه اكيد بعد الاربعين بتروحين سوق وبتشرين

والله يسهل عليج وعلي الولاده ويرزقنا بالذريه الصالحه ويتمم علينا يااااارب

اخذي نيو بورن حق بالمستشفى
واول ايام
وبعدين من 0-3 بس لاتكثرين منه وايد

واتوقع جم طويل احسن واذا تبين اخذي نص جم لان مع المهاد

اقتباس:

المشاركة الأصلية كتبت بواسطة ام الحوراء زينب الله يتمم عليج يارب

حبيبتي مشكوووره
الله يرفع قدرج يااارب

اقتباس:

المشاركة الأصلية كتبت بواسطة !الجادل الصعب! اشتري من صفر – ٣ اشهر

انا امس بس خذيت من 0-3 اشهر طقم ايي 2 اوفرول بسسسسس

اقتباس:

المشاركة الأصلية كتبت بواسطة om.7madiiin حبووبة لاتكثرين من الهدوم الياهل يكبر بسرعه اول شي اخذي حق النفاس من النصار لان النصار

حبيبتي مشكوووره
انا خذيت تقريبا 6 مهادات و جم ست فوط من النصار رحت مع رفيجتي بعدقلبي ماقصرت والا انا مو عارفه شي
حساافه خذيت واايد نص جم!! عيل شكلي بخليهم تحت الهدوووم
عاد كشخه لول

بس بليييز سؤال يعني شنو تبانات ؟؟؟

اقتباس:

المشاركة الأصلية كتبت بواسطة Dancing^Queen ليش ليش حبيبتي ماخذه بو 12 شهر و 9

مشكوووره حبي
شكلي بمر مذركير واخذ الستات ملوتهم اللي كل شي فيهم!
امبيه مو صج ضايعه!!!

اقتباس:

المشاركة الأصلية كتبت بواسطة كلاسيكال اممم لا ما أأيدج واللبس شتوي صيفي؟!

حبيبتي مشكووووره

اقتباس:

المشاركة الأصلية كتبت بواسطة عذوق اخذي سايز نيو بورن

حبيبتي اميييين الله يسمع منج يااارج
عيل اتوقع بمر مره ثانية اخذ جم شغله حق النيو بورن لان ماخذيت الا 2 !!!

وباخذ كبابيس لان ماخذيت الا واحد لول

بعد قلبي بنااات ماقصرتوا والله
الله لايحرمني ياااااا عسل

انا عن نفسي اخذ ٨ نيوبورن و الباقي اغلبه ٠-٣
ماشتري ٣-٦ لاني احب اتسوق بوقتها

البنات ماقصروا

والله يتمم عليج ويفرح نظرتج

يحليلج صج ضايعه

بلشتي من 3 شهور انزين ليش خطرتي 0 لغاية 3
هههههههههه

يا حلوج الله يتمم عليج و ان شاءالله يصير عندج درزن يهال و تنصحين المتوهقين مثلج يارب

انا الحين قاعدة اجهز شريت الملابس العملية من النصار كلة من 0 لغاية 3 و نيو بورن

و امس اخذتلي اطقم من سنتر بويت يهبلون بس ما صورتهم

اي و اخذتلي جم اوفرول من نيكست الوانهم فريش

انزين شريتي الفوط حق السباحة نصيحة اخذي من سنتر بويت طبعا عندهم انواع
في نوع واحد زين سعرة 9 دنانير يهبل غسلتة بالبيت ودي اشتري حقي انا هههههه

و هم سنتر بويت عندهم القطعه الي تحطين البيبي عليها وقت التبديل العادة اييون تحتهم نايلون
الي بسنتر بويت تحتها مثل الربل حدها عجيبة و مريحة و ماتطلع صوت النايلون

و عندهم لفه داخلها مثل الكيس ماني عارفة شلون اشرح اذا قدرت اصور و احطلج الصور

اتمنى اني اكون فدتج و اي شي تبينه من عيوني انا بتابع موضوعج

ياحسرتي وانا ماخذيييت الا 2 قلت بس جذي عن الحسافه لول

حبيبتي مشكووره على هالدعوه الحلوه

واااااي حبيبتي مشكوووره
لول حدي ضاااايعه
ماشاءالله اغراض بيبيج تهبل الله يتمم عليج ويخليييه لج ياااارب
لول كل اللي حاطته ماشريت منه!
بس خذيت جم مهاااد من النصار (اللي بالمباركية اذا صج اسمه!!!)
وخذيتلي الفوط الصغار هم منه

والهدووم كله نص جم او شورت او حفر………… لول بفصخ بنيتي حبيبتي

ان شاءالله لي رده وكل اللي بشتريهم جم طويل

ووايد شوقوني اللي لبقتيهم مع بعض المهاد والكبوس

حبيبتي مشكووووره واي بردتي قلبي

بس بليييز بنات سؤاال
في جم اوفرول شريتهم يكون الجم طويل ومن تحت حفر مثل السليب!!
هذول شلون ينلبسون؟ خالين؟

امبيه شريت وتوهقت

حبيبتي الله يتمم عليج وتوالدين بالسلامه ان شاءالله

تقريبا انا ويااج ولادتنا بتكون بنفس الوقت انا الحين بالسادس والحمدالله زهبت شغل البيبي

بس نصحيه حيااتي اذا بغيتي تتسوقين للبيبي او تاخذين مستلزمات النفاس لج كتبي الاغراض بورقه وجم تحتاجين من كل قطعه اسهل لج وعشان تخصلين شغلج بسرعه وماتنسين شي ..والطريقه اللى قسمت فيها اللبس

بالنسبه لي انا خذيت سايز نيوبورن 10 قطع بيجامات – وخذيت التبانات اللى يكون تنفتح عالجنب ومن تحت اسهل للتبديل
وفي عندج الاطقم اللى تكون كامله (بيجامه-تبان-لفه-كبوس-صدريه)

– بيجامات تقريبا 12 قطعه سايز من0-3 _مع التبانات- كبوس- اللفه – خف اليد عشان البيبي مايشمخ نفسه -صداري -فوط صغيره عشان تمشين حلجه بعد الرضعه_ بدلات للطلعه

هذيلا السايزات اللى تحتاجينهم باول الفتره لان البيبي بيكون جسمه صغير وقياس من 3-6 بيكون عود عليه ومو مرتب باللبس ..

ولا تنسين عدة السباحه( بانيو للاستحمام- الاسنفجه اللى تحطينها تحت جسم البيبي عشان تسنده-فوطه)

اجهزه العنايه: تحتاجين مشط ناعم للاطفال-مقراضة اظافر-جهاز تنظيف الخشم عشان لاقدر الله مرض البيبي تقدرين تنظفين خشمه- الكاميرا عشان تسمعينه وتشوفينه اذا قعد من النوم -جهاز قياس الحراره. هذا اللى اذكره الحين

هذا اللنك حق بعض الشغلات اللى زهبتهم للبيبي كنت منزلتهم بتجمع الحوامل ومقسمه الاغراض حسب العمر وتلقينهم مقسمين على ردين :
https://www.q8yat.com/t749905-332.html#post23576244

https://www.q8yat.com/t749905-333.html#post23576486

البنات ماقصرو