|
|
صـبـاح الخــيـر ..
شخباركـــــــــم ..؟؟؟؟؟؟؟؟؟
وحشتوووني , وحشتووووني , وحشتووووونـــــــي ..
اليوم حبيت اعرض لكم تجربة ولادتي الف حمد وشكر لك يارب
طبعا بكون صريحة انا كذبت على الاهل وقلت لهم راسة فوق عشان بس اولد قيصري
وقريت تجارب البنات وبحثت في قوقل ودخلت اليوتيوب اشوف العملية وعارفة كل متاعبها ومخاطرها وكل تفاصيلها
والسبب كله خوووف من الطلق والم الطبيعي والتوسع وغير النزيف ووو شغلات وايد
واانا مافيني الجرأه للأسف من جذي فضلت القيصرية يعننننننننني بختياري
ولو ان الدكتورة حاولت معاي تقنعني لكن من غـــير اي فايده
ويـا اليوم .gif "Eh S(2)")
لكن كانت عزيمتي قوية وكنت اتذكر وايد شغلات كنت قاريتها فالنت ومتوكلة على الله
دخلت الصبح غرفتي فالمستشفى قالت الدكتورة ها يافلانه خلالالالاص مافي راسج ماي
لانه البيبي متهيء للولاده وراسة تحت وكل شي سليم قلت لاااا ابد مافي راسي ماي راسي يابس ومقتنعه
ودعت هلي وزوجي وجلسوا بالغرفة مالتي فالمستشفى وانا دخلت غرفة العمليات
هناك استقبلني دكتور التخدير وانا بنفسي اخترت نصفي وكذلك النيرسات تقريبا عددهم5 كل وحده ولها شغله اللي بتستلم البيبي واللي تجهز الاغراض واللي واللي ودكتورتي فديتها حبوووبة
ومعاها من يعاونها دكتور اردني يحليلة كبير بالسن ويسولف ويتغشمر طول العملية سوالف وضحك
طبعا دكتور البنج بلش معاي اول شي خذ وساده اتوسد عليها وانحني لي تحت اكيد فاهميني شلون الطريقة وبعدها قال لا تتحركين ابد عشان اعطيج الابره والابره يابناااااااااات والله ثم والله ماتحسين فيهااااااااا وبليز ليش تهولون وتخرعون الوحده اللي وراها قيصرية غصب عنهاااا
بعددددها بتحسين بنفضة – او مثل الكهربا وشوي شوي حسيت بدفا برجلي وبسسس بعدها تبنجت
ورفعوني وحطووني على السرير حسيت بلوعه ودي ارجع بس بعد تركيب السيلان تروح عنج اللوعه
ويجلس دكتور البنج يسولف معاي وين اشتغل وشنو بسمي البيبي وسوالف عن السفر وكلمني عن زوجته وكل بيبي عندهم وسوالف وضحك مع الدكاتره واخرررر شي قال الحين بطلعون البيبي طبعا ماحس بولاااا شي غير ضغط شوي وقت طلعته والحمدلله طلع فديته وفديت صوته وجابوه لي بعد تنظيفة وبسته وبس ودوه عند ابوه وانا تميت يخلصون خياطي والحمدلله خلصت وودوني غرفة الافاقه لين يروح عني البنج شوي شوي حسيت بالنج يروح وابتدى الالم عند العملية بس طبعا مع ادوية المهدئة يرووووووح الالم كأنج جذااااااااااااابة فقط اقولها لكم اول يوم متعب جدا اما ثاني يوم خلاص يروح هالالم وتنسين كل تعب امس ولازم لازم تمشين وتجبرين نفسج ولا ماراح تتعافين
صدقوني يقولكم اسأل مجرب ولا تسأل طبيب انا تعافيت اقل من شهر ولا كأني والد قيصري
ماحب اعلم حد وافتح العين بس ياليت بعد ماتقرون موضوعي تذكرون الله العين حق مثل مايقولون
وحرام اللي تهول بالقيصرية جربتها وماااااااااني ندمانة على شي بالعكس ماذقت التعب والالم الا يوم وااااااحد بس بختصار حالة حال الطبيعي
الله يسهل عليكم ادعولي الله يحفظ لي ولدي حبيبي
ومبروك ما جاااااااكم
قرارج صراحة شجاع
لو انا مكانج ما افكر اسويها
افضل الطبيعي لو اموت من الالم
ولا يشقون بطني ورحمي وخياط وتجميلي واتم فتره ماقدر اشيل وارفع شي ثقيل
وولاداتي يحددونها بعدد ويمنعوني من الحمال بعدها
الف الحمدلله على سلامتك ربي يبلغك بما جبتي ويجعله من الصالحين البارين ياااااارب
بس غامرتي حيل
الطبيعي فتره الولاده الالم بعدها تعب منسي
اما العمليه حتى ضناج ماتقدرين تشيلينه
وتخافين الخياط يبطل
والحمدلله على كل حال
والف مبرووووووك البيبي
والله مرات القيصريه ارحم من الطبيعي
خااصة اذا الوحده تقعد يومين بالوضع والرحم يالله يفتح
مجرد اسم عملية مافيها هوايل وخوف والف الحمدلله على كل حال وفعلا القيصري محددين لج شكثر تيبين فقط 5
بس صراحه حدج غامرتي
انا مستحيل افكر جذي
اتمنى اولد طبيعي
مبروك ماجبتي حبيبتي يتربى بعزكم
و مشكووووره اخيتي صاحبه الموضوع لذكر تجربتج♥
ومـــبـــروووك مـــايــاااج
تفاصيل البنج و الولاده نفسها بالضبط و خليت السستر مساعدة دكتورتي تصور كل شي البيبي واهوا توه مطلعينه و صور وايد حلوه وذكرى تهبل
الله يرزق يارب كل محروم ولايحرم احد هالفرحه
تفاصيل البنج و الولاده نفسها بالضبط و خليت السستر مساعدة دكتورتي تصور كل شي البيبي واهوا توه مطلعينه و صور وايد حلوه وذكرى تهبل
الله يرزق يارب كل محروم ولايحرم احد هالفرحه
وقراررررج صح 100٪
.gif "Eh S(15)")
انا جدبت ولدي الاول طبيعي مت وحيت والالمًقعد معاي تقريبا شهر اما الثاني قيصري فرق معاي الالم اسبوع ويروح
وبالنسبه لمحددين الولادت مو شرط اعرف وايد قيصري وعندهم 7 و8