الحمدلله اللذي لايحمد على مكروهٍ سواه

السلام عليكم خواتي وحبيباتي
شلونكم عساكم بألف خير
الله يرزقني ويرزقكم ولايخيب رجانا فيه
سالفتي ياطويلات العمر والسلامه
اني ليه سنه متزوجه ولاحصل حمل وطبعا رحت مره عند عاليه ونهبتني بكم مراجعه وتحاليل مالها داعي بس اني كنت ماادري وش السالفه واسوي كل شي تقوله
وطبعا قالت انتي لازم علاج وانتي ماتحملين والتبويض ضعيف ومن هالكلام حسبي الله عليها طبعا انا تحطمت نفسيتي من كلامها
عقب قلت بشوف غيرها لعل وعسى وبيني وبينكم كانت غاليه حيل حسبي الله عليها حراميه المهم رحت لدكتوره ثانيه بدار الشفا باكستانيه ادخل عليها واطلع ماافهم شي ماتعرف عربي وكل مااسألها عن شي تتبوسم وتتكلم كلمتين وتسكت
وصرفت لي كلوميد وبس
بعدييين جاني زوجي حبيبي الله يخليه لي قال خلاص لاتروحين ولاتراجعين انا يكفيني وجودج ومغنيني عن العيال
المهم سمعت كلامه ولاعاد رحت لأي دكتوره
الين جا الاسبوع اللي فات عندي خاله بالشرقيه قامت تحن علي تعالي عندنا خوش دكتوره عالاقل تشوفين شنو السبب ومن هالكلام
وفعلا رحت لها ودخلت عليها
صراحه دكتوووره عسسسل
هي قالت انا ماراح اسألج شنو قالو لج قبل انا بفحصج وبسوي لج تحاليل وسونار وكل شي واحكم على حالتج بنفسي وانا كنت رايحه لها بفترة تبويض
المهم انها ماخلت شي ماسوته ولافحص مافحصته ولاتحليل ماحللته وبالاخير قعدت وايدي على قلبي قلت اللحين بتقول نفس كلامهم التبويض ضعيف ولافيج الشي الفلاني
لكن انصدمت تقول انتي زي الفل وتقول لخالتي بنتكم زي الجنيه الذهب مافيها اي شي يمنع
والبويضات شغاله وحالتها اكثر من ممتازه يالله لك الحمد بس باقي تحليل الغده وهرمون الحليب بعد اسبوع تطلع يمكن هي السبب واجيها عقب اسبوع ومعاي نتائج تحليل المنوي لزوجي قالت التحاليل ممتازه و حتى زوجج سليم وممتاز
قلت شنو يعني قالت ماافيه شي يمنع قلت ماراح توصفين لنا شي
قالت ابدا مومحتاجين لأي شي بس زودو الشغل شويه
طبعا انا طرت من الفرحه من كلامها وقعدت اتحسب على كل دكتوره دخلت عليها وحطمتني وخلتني ابكي ليالي واحس بالذنب لاني حارمه زوجي من الاطفال لكن الحمدلله اللذي لايحمد على مكروهٍ سواه
والله يفرحني ويفرح كل محرومه يارب ويرزقنا بالذريه ويفرح نظرة عيوننا بعيالنا يارب

الله يرزقج يارب ويعوض صبركم خير تستاهلين حبيبتي كل خير بس كثري من الدعاء

زين الحمد لله اهم شي انج تطمنتي مافيكم شي وتوكم سنه لاحقين خير ان شاء الله والله يكتب لج الحمل عن قريب

الله يكتبلج الحمل انشاء الله وتبشريناااااااااا

الله يجزاكن الف خير
وينولكن كل ماتتمنانون يارب

والله يا متفائلة توني بقولك أتركي أمرك لله
كثير نسمع عنهم قعددوا سنه ، سنتين مافيهم إلا العافيه لا راجعوا ولا شي
والدكاتره السابقين بدا نجمهم بأفل ، بمواقفهم من المراجعين واستغلالهم لهم
ما كان له داعي لا دكتور ولا مسفر ولا هالمراجعات
وكلي امرك لله ، وكل تأخيره فيها خيره
لاحقه على الشقى ولاحقه على التربية
استمتعي الحين بوقتك ، وشيلي نهائيا فكره الانجاب وراح يسهلها ربك ان شاء الله
ونصيحة ، طيعي زوجك في كل كلمه ، الرجال عقولهم أكمل من عقولنا نحن النساء
تبشرينا إن شاء الله في وقت لاحق حملك بالذرية الصالحة غاليتي .

الله يرزقج و يرزقنا معاج يا رب

الحمدالله على كل حال والله يرزقج انشالله

الله يفرح قلبج ويرزقج الذريه الصالحه عاجلا غير آجل