الحمدالله ولدت بالسلامة ،،

ادري بيكون الخبر قديم لاني والدة في 2/11
بس توني قدرت اشبك
الحمدالله الف الف الف مرة اني ولدت بالسلامة ويبت بنوتة في 2/11 بمستشفى رويال حياة
كنت قبلها بليلة ماسكتني تشنجات بفخوذي الأثنين من الوروج لي الركبة يروح التشنج وفجأة يرجع بقوة بس ماكان فيني عوار في بطني الا مرة وحده يالي قوي واختفى
وضليت عادي سهرانة على النت واكل ككاو واحوس بالصالة لي ال1 بالليل متمللة ومالي خلق شي بس شاكة بالتشنجات اللي تييلي اقوى من كل مرة
صارت الساعة 4 الفير هنييييييييييييييييي بدت الحفلة
قام عوار بطني يقعدني من النوم
واقول لأ لأ لأ هذا جنه طلق صجي مو عوار كل مرة
بس مصبرة روحي لي الصبح على الاقل ليما اليهال يروحون المدرسة
وصار الصبح والعوار ضل ايي ويروح ومع لويتي معاهم قمت احس نهاية ظهر وورجي يشتغل علي
ليما زاد العوار اللي بس تييلي الطلق اوقف في اي مكان وامسك يا كرسي يا قنفة يا اي شي واتعصر لووووووووول
من العوار
انا هني قلت مدام العوار وصلني لهالمرحلة خلااااااااص ولادة
تخيلوا انا ابهالوضع وكانت 7.30 الصبح واتهاوش مع زوجي اقوله فيني ولادة يقولي نطري شوي انتي من السابع وفيج عوار وطلق
اقول له والله العظيم طلق صجي هالمرة ومطنشي حقرني وراح الدوام
ههههههههه
ليما دقيت عليه 8.30 وانا ابجي واقوله تعبانة حس من صوتي ان السالفة صجية
خذيت شاور على السريع وبدلت ورحنا المستشفى جان تقولي الدكتورة بعد الفحص ولادة مع ان الرحم بس فاتح 2.5 بس مخطط الطلق يبين طلقات ولادة وكانت طلقات قوية ومو منتظمة
ويت دكتورتي ليلى ابو الليل وفحصتني ووسعتني زيادة وزادت الطلق الصناعي لان الطلق مو منتظم وانا اكلت الكمام اكل بس على ما يت وقت الولادة ودفع البيبي كنت خلااااااااااااااااااااااااااااااص مستوية وقامت الدكتورة تقولي انتي مو قاعده تساعدينا بس انا كنت حزتها مستوية من الألم والكمام وعمري في ولاداتي ما وصلت لهالمرحلة وقمت اصرخ شفطيها لا تموت بنتي هسترت واضطروا يشفطونها

وضليت عقبها جم يوم ما ادري شنو صار بريولي ما اقدر احركها امي والسسترات يصعدون ريولي على الفراش وينزلونها ولا اقدر امشي كنت جني وحده توها بادية تخطي امسك كل شي وامشي ويابولي المستشفى وحده تسويلي تدليك وقالت من الفخذ لي اطراف اصابع ريولج حايشج شد قوي بالعظام والعضلات مخلينج مو قادرة تحركين ريولج
ويحليلهم السستترات اذا ما عندي ضيوف اييولي ينزلوني من الفراش ويمسكوني ويحاولون يمشوني بالغرفة

الحمدالله الحين احسن بس لازم ما انسدح مدة طويلة لازم بين فترة والثانية امشي واحرك ريولي

بالنسبة للمستشفى يهبل
سستراتهم عجيبييييييييييييييييييييييييين اللي بالطوارئ مصرية ليما وصلتني غرفة الولادة بس تدعيلي وتحبني على راسي
السسترات اللي بالولادة واللي يتابعوني بغرفتي صج صج يهبلون

وبس
هذي السالفة وما فيها