الحمال وعذاب الشيره ؟؟؟؟ ساعدوني

السلام عليكم

بنات اناااا من حملت المنطقه الحساسه صايره ما اتحمل انظفها بالشيره واااي اتيبس واعصابي تشد من العوار قريت في موقع اجنبي ان تدفق الدم يزيد غي هالمنطقه بالحمال ويععور اكثر عن قبل الحمال

وانا بجر

ساعدوني مابي استخدم موس ولا كريمات مزيله لانها نفس الموس تقص لشعره ما تنشال من العرج وتسبب حكه ويضايق عطوني حل

لايعه جبدي من الحمال استغفر الله على افل شي احس بالم وابجي من العوار

شدعوه بنات ولا وحده ردت

اختي لازم موس لانه ماراح تقدرين بالشيره وباجر لما اتجندسين وبطنج راح ينزل وعوار الظهر اشلون بتشيلين بشيره صعب لازم موس شتسوين بعد

واااي جربت مره يسبب حكه مااقدر واااي ليش الخياة صعبه خلااص بسوي ليزر عقب لولاده

آآآآآآب

إلييزر شدعوه يفيد تتغير هرموناتج إذا حملتي مره ثانيه ويطلع جنه العيد أسأل أمجرب شيلي مو نوعيه حلو وشيلي عدل أخذي راحتج واستخدمي بيبي أويل أول شيء صابون أو بعدين بيبي أويل والله النتيجة روعه بعدين مو زين ينشد بطنج وتأذين ولدنا أو بنتنا أولدي بسلامه وكيفج بس لا تبدعين

حكه احسن من عوار ظهر بالحمال والا عوار ايد ورقبه والجسم كله يعور واصلا اذا كبر البطن ماراح تطولين بالشيره

خل اعطيج حل سمعته من وحده تسويه

قعدي علي طرف السريررر ريل مديها جنج نايمه بس قاعده ووحده نزليها بالارض مع منظره صغره وتخلصبن

اناااااا افكررر بالعوااااار واي معانات

الله يعطيكم العافيه عالردود يا بنيات

اصلا اذا كبر البطن ماعاد اتشوفين ولا شعرة ..فاستخدمي الموس افضل

وي وبالاشهر الاخير بيعورج اكثر <<تخرعج

انا استغرب من اللي لما الحين ما سووا ليزر!!
والله عجييييب و راح تتحسفين انج ما سويتي من زمان، انا عن نفسي ما قام يطلع حده خفيف وبر ماله لون و جم وحده بس و كل 3 او 4 شهور اشيلهم بموس!! و ترا عادي تسوينه و انتي حامل الليزر كلش ما يأثر حتى سألي دكتورتج. و راح تفتكين من الشيره للابد امبيه اصلا انا نسيت شلون كنت اشيل قبل و معاناة كل شهر الحين حده راحة ماكو شي جنج ياهل صار لي سنتين مسوية لا رد طلع ولا شي قالولي بالزواج يرد يطلع وما طلع و هم بالحمال ما رد طلع عادي نفس اول

واااي نفس معاناتي والكل قالي شيلي موس بس المنطقه تصير لووووووعه
الله يعييننا

في وحده كاتبه موضوع بقسم العروس عن شرايح فيت بالشمع
كاتبه الطريقه
وتقول مايعور كثر الشيره أخف بوااايد
عاد مادري دشي على القسم ألحين وشوفي موضوعها