الحلقة الثانية : 6-9 شهور البيبي شياكل

قوة بنات

اللي ما تابعوا حلقتنا الأولى يرجعون لها تحت اسم مت نبدأ نوكل البيبي و فيها معلومات للبيبي من 4 – 6 شهور

و ألحين نبدأحق العرايس الأكبر شوية:

شوفوا حبيباتي في هذي المرحلة يكون الموضوع أصعب شويه لأن الطفل يبدأ يستطعم الأكل
و يتقبل شي و يرفض أشياء وايد فمالج الا الصبر يا عيوني ( الله يذكرها بالخير و يجزاها عنا كل

خير و الله ) المهم بداية الوجبة تكون الأكل مو الرضعة . قولوا ليش ؟؟ علشان نعلمه انه اذا أكل راح يكافأ برضعة و ليس العكس لأن من الحين و طالع الفائدة الغذائية راح تكون أغلبيتها من الأكل و ليس الحليب لأنه الطفل يكون في مرحلة نمو سريع مثل ما تلاحظون

بسم الله نبدأ المنيو :

أولا وجبات للفطور

1/ ثلث كوب شوفان مع ثلاثة ارباع كوب حليب نطبخهم لمدة دقيقتين تقريبا بعدين نبرده شويه و نحط عليهم شوية فاكهة مهروسة و عوافي على قلبه المحروس

2/ فاكهة مهروسة تخلط مع شوية روب و معاهم العيش العلب البودر مال اليهال

4/ أصابع توست محمصة جيدا للأطفال الأكبر سنا

و ألحين يينا للغدا و العشا :

1/ بطاطا + كوسا + جزر + قرع ( اللي متوفر ) تقشر و تقطع و تطبخ ثم تهرس بس مو ناعم وايد مثل اللأربع شهور لأ خليها شوية ماسكة . خليها على جنب و بعدين اخذي قطعة لكم صغيرة يعني بحجم حبة الفلافل فوحيها أو اقليها بنص ملعقة زيت زيتون ( لا بهار و لا ملح ) ليما تنضج و بعدين طحنيها بالخلاط و يقدم الخضار بالتناوب مع اللحم

2/ 20 جرام زبدة ذايبة على النار نحط عليها 2 ملعقة صغيرة طحين يطبخ شوية مع التحريك ليما يبقبق ثم يضاف نص كوب حليب بالتدريج مع الاستمرار بالتحريك حتى يثقل شوية ممكن اضافة ملعقة كبيرة جبن شيدر مبشور . هذه الصلصة ممكن اضافتها على الخطار المهروسة حتى نغير شوية طعمها و ممكن الاستغناء عن الجبن

3/ 150 جرام سمك فيليه نشيل العظم منه و الأفضل نطبخه عالبخار علشان ما يتتفتت و بعدين نهرسه مع شوية ماي و نقدمه مع الخضار المهروسة

4/ شوربة خضار مع الدجاج : تسلق قطعة دجاج بعد ازالة جميع الجلد و الدهن مع جزرة و بطاطا و سلري و شوية بقدونس حتى تنضج ثم تطحن عالخفيف مع ماء الطبخ علشان تصير شوربة

للتحلية :

1/ كوبين ماء نطبخ فيهم شوية مشمش و قراصية مجفف و كمثرى واحدة و نحط معاهم عود صغير دارسين و ملعقة صغيرة سكر أسمر حتى نتضج ، نتخلص من عود الدارسين و نطحي الباقي ممكن يقدم عليه شوية روب للتخفيف من حلاوته ( كيفكم )

2/ جلي : كوبين عصير فواكه + كيس جيلاتين : يذاب الجيلاتين في ربع كوب عصير حار و يصفى ثم يضاف له باقي العصير و يبرد حت يجمد

واي عيزت بس عيالكم يستاهلون و بالعافية على قلوبهم الصغيرة

عموما لا تنسوني بالدعاء انا و عيالي و ابوهم بالمرة .

الحلقة الجاية راح نكمل حق عمر 9 – 12 شهر

مشكورة شوقر انا متابعة مع ان بنتي كبرت بس حلو الموضوع خزنته عندي …

والله يخليلج عيالج انشالله ويهديهم ويصلحهم ويهدي ابوهم ويسخره لج ولعياله

مكشورة شوقر يعطيج العافيه

الله يعافيكم

بصراحة ما كملت الحلقات

ما شفت تشجيع بالمرة

الله يجزاج الف خير ويستر عليج وعلى عيالج وابوكم يااارب

ترى انا معاج عالخط

بس بسألج لنا تقولين نخلط مثلا الحليب مع الطحين والزبده كصلصه .. اي حليب تقصدين ؟؟ يعني عادي اي نوع ؟؟ وللا حليب الاطفال ؟

يعطيج الف الف عافيه والله يجزاج خير وانتي والعيال وابوهم ويخليلج فطومه واخوانها

انزين باسالج عادي نعطيهم سمك تونه ؟؟

تسلميــــــــــــــــــــن شقورة الموضوع وايد حلو
لا يوقف
لايوقف
لايوقف

وينج شقوره اليوم فاقدينج من غير شر انشالله

هلا بنوتة

الحليب اللي اقصده حليب الأطفال طبعا

الا اذا البيبي عمره اكبر من 9 شهور نقدر نحط الحليب العادي السائل

و تكون هذي صلصة جين لذيييييييييييييييذة

التونة دسم عاليهال

احسن نوع تلاقينه بالجمعية مثلج مكتوب عليه كريم دوري او شاهينة

خفيف و ما فيه شوك كلش و مو زفر

حبيبتي تسلمين عالمرور

عمة عيالي كانت عندي زايرة

و لهيت معاها

بعد عمري من زمان مو ياية بيتنا

و الكل محتفي فيها

( حبيبتي تستاهل )

يعطيج العافية

الله يعافيج الدبلوماسية

شاكرة مرورج