الحكيمه او الداهية تعلمني !!!!!!!!!!!!!

طريقه تخلي زوجي يستشيرني ع الأقل في أمورنا المشتركه في الحياة
أتعبتني تدخلات امه خالتي

لها تأثير عجيب وقوي عليه
شلون اقدر أصير مثلها في بيتي وشؤوننا بس انا ماني طماعه مثلها
بس ودي انه يحقرها يهمشها شوي زودوها الاثنين صرت إذا عندي أي مشروع اسكت عنهم لين يتم
او اطلب ود الاثنين كأني متزوجة رجاليين استغفر الله هبلوا فيني

حياتي الكل جذي ، انتي شكلج للحين ما تعودتي على هالامور طبيعي يسمع كلامها لان للحين ما طاح تحت تاثيرج وما تعود
على حياته وياج يعني بالعربي ما طلع من شورها ولا دش بحياته اليديدة بشكل كامل.

شوفي حبيبتي اذا قالج شي امه قالته او قالت له سوية قولي اي ومدحي رايها وكلامها وقولي اي سوي حبيبتي
حتى لو مو عاجبج قولي اي حلو وزين وابتسمي يعني بالعربي امشي على هواه وسايريه عشان يكون فكرة
انج مو عدوه امه وانج تحبينها وما تغيارين ولا تضايقين هالشي فترة لين يقتنع انج تحبينها اميه بالميه

ثانيا : بعد فترة شوي شوي ناقشي جننج ما تدرين قولي انزين شرايج اذا .. مثلا ، شرايك تسوي هالشي
وصدقيني حتى لو قال لا بالاول عقبها بفترة بيقولج اي او علاقل بيفكر بكلامج ورايج انتي حتى لو ما قال
بسويه جدامج .

موضوعج صبر وحكمة مافي شي سهل ولا بيوم وليلة يصير .

موفقة حبي

والله انا لا حكيمه ولا داهيه بس بدعي لك ان الله يسخر لك زوجك
واعتقد أنكم في بدايه حياتكم ويمكن الولد الوحيد المتزوج وهذا سبب تركيزها عليكم وسبب أخذه لرائيها في كل صغيره وكبيره. وهذا الشي راح يخفف تدريجيا ويتغير وشفته من تجارب حوالي منهم اختي

بسسسس ما حبيت كلمه يحقرهها ويهمشهااا كلنا نزعل ونضايق من انفسنا مو بس من خاله بس لا تكون نيتك وهدفك كذاا لان على ننياتكم ترزقون لانها ام وما راح اذكر قدر الامم. قولييي ابي تكون لنا قراراتنا الخاصه كزوجين بحيث نتحمل مسوليتها سواء ايجابيه او سلبيه وأبي تكون لنا خصوصيتنا بكل امورنا وهذا من حقك ونص

بعدين الي تقولينه بينك وبين نفسك بيجي يوم زعل وتنفجرين فيه قدام زوجك
فاي أحسن تقولين!!وأي ممكن تكون له نتيجه ايجابيه وأي ممكن تكون نتيجته مصيبه لاسمح الله
هذي كانت وجهه نظري آتمنى تتقبلينها بصدر رحب لانها من تجربتي والله مو كلام منمق

واتمنى البنات يفيدونك
موقفه

اخلصج؟ تبين حكمه؟
لاتحاولين تقارنين نفسج باامه وتمشي امورج
كونج تزوجتيه مو معناه بتطلعينها من حياته وتاخذين مكانه وبيصير يرجع لج بكل شي
حبيبتي هذي حلوه اللين وانتي مالج بالقصر الامن امس العصر

اذا تبين شي يصير اقترحيه على امه واقنعيها فيه وبعدين امه راح تقنعه المهم عندج الشي اللي تبينه يصير مو شرط منو يقترحه

لاتشاورينها بشي عشان ماتتعود
وقبي عن زوجج ولمن يشره عليج قوليله كل ما اقولك شي تقوله حق امك وانا ما احب
مع الايام والاشهر قوليله ان دريت ان امك تدري بهالسالفه ماراح اقولك شي مره ثانيه
واي شي يطرحه تدخلي فيه وعطيه استشاراتج ووقتها حاولي تكونين مثاليه
زياده عن اللزوم
وبعدين بيرتاحلج اكثر واكثر ويستشيرج بكل شي

هههه شاطره والله فكره

اذا فبالج شي لا تقولينله قبل فتره عشان ما يمديه يشتشير ويغير رايه

حزة الحزة قوليله بسوي كذا

واعتمدي على نفسج وقضي اشغالج

انا مع أول رايين واذا عندج موضوع يخصج لا تخبرين أمه
تصرفي بنفسج عشان الكل يعرف انتي كبيرة و ترومين
تعتمدين ع نفسج وتعرفين تقررين وتتصرفين . . بس
هذي أمه حرام تقولين يحقرها انتي بتيبين عيال و ولدج
بيكون عندج سنين وبتكبرينه ولما يتزوج بيبتعد عنج
تدريجيا هالشي طبيعي ومعروف لكن كل أم بتحس بالحزن

مو مجال اتقارنين روحج بامه

ولا حلوة يهمشها ولا يحقرها

هل ترضين ريلج يفكر مثلج يهمش و يحقر امج

كونه الريال يرتاح لامه هذا شي زين

انتي بعد دورج وريه انج قد المسئولية و الراي السديد

اما بتحطين حالج حال امه ماراح تنجحين

معاها والله يعينج والله اكثريتهم جذي يتدخلون بأصغر الامور صبري بعد شتسوين الصبر مفتاح الفرج

اي واللله مالج بالقصر الامن امس العصر

صاجه مناااير

قولي له امك على عيني و على راسي
و تقبل اي نصيحه او راي اهي تقوله
بس مو لازم نسوي باللي تقوله
و اذا تكلم عن اي شي يخصكم بأمور حياتكم
انتي قولي رايج لا تستكين
مع الوقت بيتعود انه ياخذ رايج بكل شي
و موفقه انشالله

تطلبين انه يهمش امه ويحقرها!!!
تبينه يستشيرلج حاولي تنقربين منه اما غيرتج من امه مالها اي معنى
امه اقربله منج واحن له من واغلا منج واعز منج واذا صار العكس اعرفي زوجج مافيه خير
اذا خالتج فيها اطباع سيئه فانتي مجبوره تتحملين لانها ام زوجج واجبج تحترمينها وتحطينها ع راسج دامها ماخربت حياتج

وشكرا

الله يكون بعونج