الحقوني ياناس،،،،،،بنتي ،،،،،تقول،،،،،

بنات انصدمت من بنتي
بالابتدائيه عمرها7سنين
دايم تچذب…في البيت وعند اهلي
يعني متعودين عليهاا
ودايم احاول اصلح فيها واعلمها اتصيري
اشزينها يومين وتتغير؟؟؟؟؟؟
المشكله,؟؟؟؟؟؟؟؟؟؟؟؟؟؟
اليوم قاعده العب معاها ومع اخوانهاا
واهيا فرحانه حيل
جان تقول ماما انا ليش كله اچذب
وكل يوم اجذب على صديقاتي بالمدرسه

وفجأه قعدت تبجي بجي والله يابنات
بجي غريب…….
تقول ماما انا قلت بالمدرسه انه امي ماتت
وابوي عنده زوجه ثانيه وعيال
وللعلم ابوهااا يكمل دراسته برا
والله يابنات انه قلبي تقطع
ولمن تتكلم تقول ليش الله يخليني اجذب
انا ما ابي اجذب ليش الله مايحبني
ويخليني زينه؟؟؟

بنات انا كلمتها وهديتهاا
طبعا بنتي قاعده تشااااهق من كثر البجي
واحس انها ندمااانه
مادري شسوي حلوووني بسرعه بنااات

حرررررررررررررراام عورت قلبي فديتهااا

والله حتي انا ضاق خلقي عليها بعد عمري ..

شوفي يا قلبي اليهال بالعمر هذا طبيعي يجذبوون بس بنتج اسم الله عليها جذبها جايد .. يعني امي ماتت اسم الله عليج وابوي تزوج ..

بس بغض النظر عن الجذب لانه الجذب الصغير يمكن اللى تعودت عليه من صغرها

كبر معاها الحين .. وصار مثل ما انتي شايفه

انتي دايم حسسيها انها لو قالت الصج محد بيأذيها ..وحتي لو كانت مسويه شي غلط بالمدرسه خليها تعترف لج وانتي لا تعاقبينها فهميها انه بس اللى يجذب يتعاقب واللى يقول الصج الله يحبه

وفهميها سالفه الحسنات والسيئاات .. انا دايم اعلم عيالي هالشي

اقول لهم كثروا حسناتكم وهذيل يهال بسرعه يتاثرون

يعني اقول لهم لو شلتوا حبه العيش هذى من علي الارض اللى بيعطيكم حسنه

لو جذى سويتو الله بيعطيكم حسنه

ودايم اخرعهم من الشيطان واقولهم قصه الشيطان لمن تحدي الله وقاله براويك بهذيل اللى فضلتهم علي .. وجذى امور

وصدقيني بتغير عن طريقج واسلوبج وقصصج اللى تروينها لها . وخليها بلهجتنا العاميه عشان تفهمها.. ومو بس تكلمينها بروحها كلمي كل عيالج معاها . وانتي طالعه مثلا بالسياره قوليلهم قصص وانتي قاعده معاهم بغرفهم

وصدقيني الامور بتعدل بس يبيلج اشوي صبر

عسى الله يخليها لج يارب

الله يجزاك خير،،،،
والله تعبت من كثر ماتكلمت
وانا من النوع الي اروي قصص
يوميا لعيالي…
بس كلهم ماشالله الا اهيا
الله يعين،،، والله يهديها ان شالله…..
مشكورين حبايبي
والله لا يحرمني من هالردود

الجذب مرات يكون عادي بس أهي ليش قالت جذي اما انها تبي تكون بالمدرسه يعني تبي احد يداريها او لها مقصد شلون اسم الله عليها بقولج شي انا وحده كنت االف قصص بس علي خواتي ههههه والحين لا هههههه خوش وحده

حياتي والله عورت قلبي

البنات ماقصروا معاج

بهالعمر دايم يا يجذبون يا يفتنون

بس يستانسون اسم الله على بنتج عندها ضمير تبجي هههههههه الله يخليها لج

قوليلها اذا جذبتي قولي حق صديقاتج ان انا اجذب عليكم لاتصدقون

يمكن ترتاح جذي

وبس سنه سنتين بتبطل الجذب

خيالها ؤاسع

ؤشكلها تشؤف دراما ؤايد

شؤفي ؤين العله بس لاتعاقبينها

ياحياااتي
قولي عادي الشيطاان قص عليج
لاتحسسينهاا بذنب تعقد
قولي انا يوم كنت صغيره اجذب بس لمن كبرت وعرفت ان الشيطان يقص علي وماسمعت كلامه

خليك كريمه ب تشجيعها ( بناء الثقه في ذات الطفل ) وسمعيها

( ف البدايه تثنين على حرصها و اعترافها بالخطأ )
( أدري أن بنتي تقدر تتخلص من هالصفه الذميمه )
( قاعده أشوفك تبذلين مجهود كبير )
( ووو ماشاء الله تحسنتي )

خلى عندك يقين ب وقفة بنتك حتى هيا تثق بنفسها و ركزي بمميزاتها ونقاط القوه بشخيصتها
وحاولي تبتعدين عن التصرفات المحبطه لها

حبيبتي اهيا عندها ضمير

قوليلها الله يحبج لانج حسيتي انه الي تسوينه غلط
وهذا الشيطان يقص عليج لااازم تقاومينه و تغلبينه علشان الله يحبج اكثر و يوفقج و ينجحج و يخلي كل الناس تحبج

المسلم لاازم يكون اقوا من الشيطان
و حفظيها ايه قصيره و قوليلها كل ما بغيتي تجذبين او بغا يقص عليج الشيطان اقري هاذي الايه

وراح تفهم صدقيني لانها يا حياتي حاسه بغلطها و فاهمه اسم الله عليها و ودها تتغير للاحسن
الله يخليها لج و امانه لا تعصبين عليها و لا تزفينها

حبيبتي بقولج على شغلات تتبعينهم معاها اولا ابتعدي عن موضوع الجذب والنقاش معها فيه ثانيا تكلمي مع الجميع وليس هي بالذات عن الجنة وان احنا المسلمين شنو نسوي بالدنيا عشان نروح الجنة واكثر الكلام عن الجنة لغاية مااهم كل عيالج يحبون الجنة ويحبون يروحون لها هني عاد تبدا لعبتج معاها ان كل يوم لازم نسوي اشياء تخلينا نروح الجنة وسويلهم دفتر ستكرات كل ما يسوون شي بالمدرسة او برة انت ماتدرين عنه يدخلهم الجنة يقولولج فيه تحطين لهم ستكر وبالبيت لما يسوون شي حلو بعد حطي لهم ستكر جذي شوي شوي تنسى الجذب وتسوي كل شي حلو ان شاء الله اكون فدتج بهالشي

عندى لبنتك الحل السحرى انشاء الله راح تحسين بلفرق هى بسيطة وفي متناول اليد بس يبغى لك الاستمرار حتى تلاحظين التغير على بنتك الصدقة عنها ثم الصدقة ثم الصدقة والله ثم والله عجيبة خخخخخخخخخخخخخخخخروج

بنتج تحاول تجذب الاهتمام صوبها لان يمكن حاسه محد مهتم فيها

عززي ثقتها بنفسها شجعيها دايما وشوفي شنو مواهب بنتج وابرزيها