الحقوا عليه مصيبة؟؟؟

السلام عليكم….

اشحالكم بنات ان شاء الله مرتاحيييين…؟؟؟

مصيبه…. اخو ريلي اتزوج وحده الله بالخير مختربه درجه اولى…. والمصيبه الكبيرة ان اتزوجها بدون محد يدري وسافر وياها على قولتهم شهر عسل…..

والمشكله الكبير ان الحينه كلنا درينا الا الابو؟؟؟؟ وخايفين وايد من ردت الفعل شو الحل ساعدوني…….

مشكورين

مع السلامه

احسن حل تقاطعونه كلكم مقاطعه نهائيه عساس يحس انه منبوذ ويتحسف ويطلقها

الله يعينكم لازم واحد عاقل وهادي يوصل له الخبر بهدوء وان هذا مقدر ومكتوب لاحول ولا قوه الا بالله الله يعين هالشايب بينصدم بولده

حبيبتي ما اكو الا الصراحه ان ما درى منكم راح يدري من البعيد

فحاولوا تعلمونه بطريقه حلوة ومن شخص عزيز عليه

حبيبتي انتي قلتي رايحه فيها

واكيييييد اهو بيدري

بس الظاهر دخلت مزاجه وبيستانس معاها فتره

بعدييين انشالله يحس انها مستحيل بتكون ام لعياله

واذا اهي تزوجته وتايبه عن ماضيها
الله يرزقها
والله غفور رحيم ليش احنا ياالاوادم مانغفر

مختربه درجه اولى

هذي>>> المصيبة الاولى

الوالد مايدري هذي>> المصيبة الثانية

راح تحمل لقب >>مدام فلان وام عياله هذي >>>أم المصايب..ولا حول ولا قوة

ا لا بالله العلي العظيم

صراحة ما ادري وين يغيب العقل عند هالناس مقابل لحظات لذة مؤقتة!!!!!

شلون الواحد يرضى تصير ام عياله من النوعية التعبانة!!!! وبنات الحمايل من اهل

التربية والاخلاق والسنع …..العيون عمية ما تشوفهم..

هو حط الجميع امام الامر الواقع وهرب..متاكد انه في النهاية راح تبرد السالفة

وترجع المياه لمجاريها حتى لو طالت مدة الخلاف مع العائلة…

برأيي …الوالد الحين لازم يعرف..والكل يوقف معاه..عشان يشعر بحقارة اللي سواه،

ما تدرون يمكن عقب هالوقفة يحس بنوع من الندم او يراجع نفسه ويحاسبها على

التسرع الله يعين الوالد خصوصا وباجي العايلة عموما

لا حول ولا قوة الا بالله

الله يعينكم .. ويستر على عيالنا

السلام عليكم ,,,,

أبيييييييييييييية

أعوذ بالله من مختربة !!

هذي حتى أنتو تخافون منها !!

الله يهدية !!

مادري شقول لج؟؟

تشكرات

حبيبتي ابن ادم خطاء يمكن البنت تايبه وراجعه لرب العالمين حرام ماتعطونها فرصه تصير انسانه نظيفه اذا رب العالمين يغفر ليس البشر ماينسون خطايا بعضهم البعض باب التوبه مفتوح والتائب من الذنب كمن لاذنب له لاتقطعين رزقها ولا شي يمكن حماج شايف انها تابت واقتنع فيهم خلاص الله يرزقهم حياة نظيفه وعيال ويستر عليهم..
يعنى كل هالحريم المتزوجات ماكان لهم ماضى شكثر اذكرهم بالكليه جدامنا يطلعون مع شباب ولهم علاقات واللحين تعالي شوفيهم ستر وحشيمه وعيال وبيت وريل ومتسترين ونادمين على خطاياهم حرام مانعطيهم فرصه يعنى نخليهم يظيعون طول عمرهم حرام هذيلا يبون الستر ولا ماتزوجوا اللي يبي يلعب يلعب الزواج ماراح يفيده بشي..
اتمنى تسمعين منى نصيحه اخت خليج متفرجه ولاتسوين اي شي باجر ممكن تدعي عليج اذا فرقتيها عن زوجها ولا ساهمتى بهاللشي ولو من بعيد وانتى اكيد لج خوات وباجر بنات ماتدرين يمكن يسلكون مسلكها وحزتها بتحسين بالجرح…
اعرف وحده على علاقه بواحد حب وخرابيط ومصيعه وكانت تطلع وياه يوميا ايام الكليه وننصحها مايفيد فيها الكلام ونقاطعها بالاشهر وهي تظل معاه وحتى شقق راحت معاه وسبحان ربي تابت اهي معاه وتزوجوا وتعالي شوفيهم اهو مطوع وداعيه يسوي محاظرات واهي داعيه باللجنه النسائيه
تدعي الحريم للدين والستر والله اسعدهم لانهم يبون الخير يعنى الله رزقهم بالستر واللحين رزقهم بالحلال ووفقهم حمدالله
الله كريم

لا حول ولا قوه الا بالله
الله يسهل الامور انشاء الله مادري شقول الصراحه

الله ايعينكم , الوضع حده صعب

لحظة …………… انتو اشدراكم انها خربانه اذا اهو ماخذها ويعرفها ويدري عن خرابها اشحقة فضحها جدامكم
المفروض بما انه رضي تكون شريكة حياته وام عياله وسامحها يعني يسكت ويبتدي حياته معاها على النظيف ماله داعي يفظحها جدامكم اشلون بتطالعونها عقب ما ترجع من شهر العسل وعيالها اشلون بتعاملونهم اذا نظرتكم للام بالطريقة هذي
ما ادري بس احس انه غلط لما قال لكم ياليته سكت واذا اكتشف متأخر يطلقها ويعطيها فرصة تبتدي من جديد

شنو هذا اللي يبيع أهله عشان وحده ما تسوى ؟؟