الحقن المجهري

السلااام عليكم

حبيباتي بسالكم عن الحقن المجهري

ابتوكل على الله واسويه عند فوزيه القطان ابسالكم عن الاجراءات ومتى اجيهم وشنو سحب بويضات واعور ولا لا تعبت تفكير ومحاتاه انا على قولتهم سليمه وزوجي سليم بس مادري ليش مايصير حمل جربت قبلها التلقيح الصناعي وما نفع والحمدلله على كل حال …….

الله يفرج هم اللي يرد علي ويفهمني ويرزقه الذرية الصالحه…

ماعرف والله
بس الله يرزقج بالذريه الصالحه يارب
لكن اذا أنتو سليمين ليش العمليات؟؟

ماصار الحمل بدون سبب معروف والله يكتب اللي فيه الخير

سويتيتي صبغه يمكن في سدد بالانابيب والصبغه تبطلها وتحملين

الافضل تاخذين هالمعلومات من الدكتورة
سحب البويضات يعوّر شوي بس عوار تتحملينه
توكلي على الله وسويها وان شاءالله ماكو الا العافيه
الله يقومج بالسلامه ويرزقج بالذرية الصالحه

الله يرزق الجميع

الله يرزقج انا بعد بسويها واليوم اول موعد لي اذا رديت راح اقولج شنو صار معاي طبعا الدكتوره قالتلي اييلها قبل موعد دورتي بعشر ايام واللي اهو يصادف اليوم ان شاءالله

اب اب اب

قلبي حساس ماقلتينا شصار ويااج؟

ناطرين تجربتج
انا باجر عندي اشعة صبغه

اب اب

حبيبتي سامحيني عالتأخير راح اقول شنو صار وياي طبعا رحتله عالنوعد سوتلي سونار عشان اجيك عالمبايض وعلى بطانه الرحم والله الحمدالله طلع كل شي سليم الحمدالله لانها قالتلي عشان اذا فيه مشاكل انحلها قبل الدوره واكتبتلي على تحويل حق مستشفى طيبه الدكتور شفيق وقالتلي اكلم الدكتور وادق عليج اقولج متى تروحيله بعدين عطتي اوميقا 3 وفولك اسيد قالتلي تستخدمينهم لمده شهر وعطتني حبه اكلها مرتين باليوم لمده اسبوع هذي حق الدوره قالتلي عشان تنزل بموعدها بالضبط مع العلم دورتي منتظمه
وبس قالتلي عاد اول يوم دوره تبلشين مع الدكتور شفيق حق الانابيب وان شاءالله راح اقولكم الخطوات اول بأول
والله يسهل يااارب

ااااااااب لعيونج
الله يزقنا يارب

انااا امس رحت الموعد عند الدكتور شفيق شكله خوش واحد قعد معاي انا وريلي وشرحلنا شنو راح نسوي بالضبط وسوالي سونار عشان يتأكد انه مافي شي يعيقنا ان شاءالله معنه الدكتوره كانت رافقتلي مع الملف سوناري الموهم وعطاني ابر استخدم اول ابره اخذها من ثاني يوم الدوره واخذها حتى لو بالبيت انا اطقها عادي لانه صاير شكل الابره مثل القلم وثاني ابره ابدي فيها من خامس الدوره واخذها مع الاولى وسابع يوم دوره اسوي تحليل دم عشان يحددلي متى راح يسوي العمليه
وامبي بصراحه انصدمت من سعر الابر شنو 400 دينار ولا بعد ناقصني 3 حرام عليهم

ليش جذي الاسعار