|
|
شخباركم
انا عن نفسي احب الطفل يروح الحضانه يلعب ويستانس افضل من انه يقعد مع الخادمه وتحقرة والا تطقه او تهمله
بنتي الكبيرة حطيتها بحضانه من عمر سنه وشهرين والحين يايني البيبي الثاني تايدوني اودي الطفل من عمر 3 شهور خصوصا مافي امان من الخدامات هالايام يخرعون
انتو اشرايكم
اللي مرت بنفس حالتى
وديتي بيبي بعمر الاشهر وشنو تجربتج وباي حضانه كانت
واذا تعرفون حضانه بالعاصمه تستقبل موااااليد ياريت تفيدوني
اخذي امومه ووضع 6 شهور
اغلب الحضانات تستقبل من 6 شهور
وانا عن نفسي بنتى وولدي دخلتهم صغار وبنتى 8 شهور عمرها
ودي خدامتج عند امج على الاقل تراعي البنت تحت نظر امج
واذا كلش وديها حضانه احسن
بس انا اخاف من الامراض بين الاطفال بالحضانه
وانا أؤؤيد الحضاااانه بلا منازع بس من عمر سنه ومافوق
بس انا اايد الحضانه وباعلى صوووووووووووووت
اذا كبر البيبي شوي ودييه على الاقل 6 شهور امى مرة كبيرة بالعمر تبي اللي يرعااااها
وام زوجى الله يرحمها
ويارب تفرجها على امه محمد
صغير البيبي على الحضانه ممكن يكون فيها فايروسات مو زين للبيبي خليها عند امج او خالتج بس تكبر شويه وديها
وانا أؤؤيد الحضاااانه بلا منازع بس من عمر سنه ومافوق
انتي ادري بظروفج ووضعج
الحضانه تكلف اكثر
والروحه والرده متعبه حيل والياهل يستعسر
وبجي
وبالشتا يكسر خاطرج
بس بالنسبه لي
ابرك من قعده البيت والخدم ماتدرين شنو هالخدامه ترحمه ماترحمه!
تطق !
تحقر!
تعامل مو زين
تحط حرتها باليهال
وهم اذا صارت زينه واليهال مجابلها والعلاقه فل الفل وتمام
اهني ندش بموضوع ثاني
تبتدي تغار – يبتدي اليهال يتعلق فيها حييييييييييييل وكله علي جتفها مايطيح ويمون عليها اكثر من مايمون عليج ولي يتي تعلمينه سلوك او تاديبنه حتا لو تعفسين ويهج طق البجوه وركضه حقها واهي تتلقفه بس خبيبي خبيبي خياتي وتشيل وتبوس وتمطخ وتصير اهي امه وقعدي حاتي بعدين شلون تسافر؟ شلون طنقرت علي البيت او نفست علينا؟ وشنسوي باليهال؟
هذي مشاكل كلها عانيت منها شخصيا
غير ان بعض الخدم صج خبيثين تبتدي تطلع عمرها بصوره انها مسؤوله عن اليهال 24 ساعه والام ماتدري عنهم وتعطي عمرها سلطه جدام الكل
واستلمي مابقا احد ماتنشرله مايبقا حموله اهل رفيجات الفريج كله !
واكثر شي يعور قلبج
لي قالولج انتي قالته علي الخدامه تجابله تربيه خدم 
ماجنا مجبورين علي هالشي ! مو في وظيفه؟ لازم في خدامه !
فاحسن الشر
حضاااااااااااااااااااااااااااااااانه
منها ياهل اجتماعي
يديرون بالهم عليه
يخالط يهال ثانين من عمره (بس تحملي ها ! ترا العدوه موجوده اذا استمرض ياهل حسبي حسابج تسعين بالاميه يستمرضون اللي وياه- كل ياهل ومناعته- احتمال ياهل ثاني يطقه يشمخه "بس عاد مو لدرجه انتقام خو في اشراف علي راسهم بس مرات انتي امه ويا اخوانه وماتقدرين تسيطرين يحتاج الموضوع ثانيه بس الا طااااااخ)
ومنها يعلموه سلوكيات حلوه
اما من ناحيه تعليم
تبين الصج
يبا ياهل عمرها اثل من 3 سنين شنو تبينه يتعلم؟
اوكي انا وياكم سنتين سنتين ونص اهني اليهال متمكن يتكلم يعلمونه دعاء اغنيه سلوك
بس ترا اشياء بسيطه لاتستعيلون علي الشقا لاحقين علي التدريس <<<<اسأل مجرب لما درست بناتي وشفت شلون صايرا لتدريس صار فيني مسلمسل تركي
الزبده
في ناس تشوفها فشخره
في ناس تشوفها كماليات (ظروفهم احسن وعندهم من يجابل عيالهم عليهم بالعافيه)
في ناس تشوفها دلع
بالنسبه لي ضروره
انا ولدي وديته من عمر سنتين الحمدلله احسن من الخدامه
وين تخلينه ؟