الحرارة بعد التطعيم كم يستمرررر؟؟؟؟

السلام عليكم ورحمة الله وبركاته

خواتي ولدي امس وديته تطعيم وهذا ثاني تطعيم ياخذه

الاول بنفس اليوم سخن وعطيته نص تحميله والحمدلله عدى كل شي على خير

بس هالتطعيم هذا امس طول الليل مو نايمين لا انا ولا هو ويون طول الليل

وحرارته مرتفعه للحين صرت معطيته 4 مرات تحميله تنزل السخونة ومافي فايده

شسوي ميته من الخوف عليه خواتي كم يستمر هالوضع هذا ؟؟

لا تحاتين حبوبه مايطول
بس انه مااعطيه تحميلعه
بس ادول شراب

لا تحاتين حبيبتي مايطول وايد
يومين بالكثير 3 ايام على حسب الياهل
ماعليه شر ان شاءالله

تسلمون خواتي

والله ميته من الخوف وقاعده ابجي

لاني بغربه وماعندي احد الحمدلله على كل حااااااااال

لا تحاتين ياقلبي مافيه الا العافية تدرين ان المفروض تخافين اذا ما صخن يوم او يومين باقصى الحالات وماعنده الا العافية

يومين او ثلاثه

بس عطيه دواء للحراره على طول كل اربع ساعات

لاتحاتين حبيبتي كل الاطفال جذي

فديتكم بنات ماقصرتوا والله

باجر ان شاء الله يكمل 3 ايام يارب يكون وضعه زين ياااااااااااارب

توني انتبه لعنوان الموضوع غلط المفروض اكتب كم تستمر

بس من كثر ماكنت مرتبكه خربطت

يآقلبي مايشوف شـر
اهم شي عطيه الدوا وخليه يعرق يعني خلي حراره البيت شوي حآره عشان تخف الحراره
وتستمر ثلاث لي اربع ايام

الله يكووووون بالعون لو تستمر 4 ايام ياربي اجعلها تخلص على خير وباقرب وقت ياربي ياحبيبي

تٍـــســـتــــمــــر يـــومــــيــــن او ثــــلاثـــــــه عــــــادي بــــس انـــتـــــي اعــــطـــيــــه الادول بــانــــتــــظــــااام
وكــــمــــدي مــــكــــان الــــتــطــعـــيـــمـــه بـــمــــآء دافــــــي يـــمـــكــــن مـــكـــان الـــجـــرح يـــألـــمـــه
ومــــا يـــشــــوف شـــــــر ان شــــــآء اللــــــــه

ليه كم عمره ؟