السلام عليكم ورحمة الله وبركاته
السنة نويت احج ,ربى يكتب لى ويكتب لكم
ابى اعرف من اللى راحوا من قبل شنو اخذ معاى
انا راح اروح مع حملة
ربى لا يحرمكم الاجر
الكندري يمدحونها وايد ومعروفين
والشايجي
والعساكر
انا حجيت العام ولله الحمد بس مع حمله سعوديه …
والله الحملات السعوديه روعه وارخص وايد من حملات الكويتيين وارتب
حملة سعودية اشلون اتفقتى معاها يا عمرى . الحين فندق التوحيد5,600
اشدعوة
سألي راح يقولولج
والأحسن انهم متبعين السنه بحاذافيرها بالحج
سمعت عن حمله القرشي التوب عندهم
احاتى منى اشلون بالخيام طبعا مو مثل الفندق مصبغة,كام عبات خلى عنك لبسة السفر ويوم الردة من السفر ولبسة العيد,اخاف اكثر واخاف يقصرنى
الصوغة طبعا باخذها من اهنى,مالى خلق سوق هناك طيب من وين اخذ وشنو اشترى هداي يا بنت من الكويت شنو تقترحين؟
اولا الحج شي رائع بتحسين بعظمته لين وصلتي وسويتي مناسكج ان شاء الله…
تحتاجين عبي الفراشه وشلحات ململ ولافات قطن خفيف وعزج الله دلاقات وجوتي خفيف وملابس داخليه قطن و خمار طويل واجياس لحجارة الجمرات
انا رحت خيطان سوق الرجعان … سوق داثر بس كل الي تحتاجينه فيه والله ماحاجه تروحين مني ومني بعده
ولاتكلفين على عمرج … معاج قرانج وحصن المسلم ولازم كتاب عن الحج يفصلج فيه اداب الحج واحكامه
انصحج تدخلين القوقل وتدورين وعمرو خالد عند *** كامل بالصوت والصورة بجزئين عن الحج رووووعه شوفيه قبل لاتروحين ….
والله يسهل عليج ويتقبل منج …
انصحج لايروح وقتج بالسوالف والقيل والقال هناك .. دايما خليج تقرين قران وتدعين وتسبحين
ولاتطوفين الدروس الدينيه للحمله
ونامي عدل رايحي نفسج وابعدي عن السهر خصوصا يوم عرفه علشان ماتنامين وتنسين الدعاء فيه…
وانتي رايحه مكه من جدة لاتنسين التلبيه من الطيارة بعد الميقات لأنا كل مكان تمرين عليه بيشهدلج يوم القيامه باذن الله….
ومن المزدلفه جمعي الجمرات وذكري الله كثير لاتنسين …
برمي الجمرات لاتدرددين انج ترمين الجمرات الثلاث وتتهاونين وتوكلين اجتهدي والله بعينج ان شاء الله
واخذي كمام معاج علشان لاتمرضين مع الزحمه
ترى العام كان برد وقت الطواف والسعي خصوصا بالليل يبي معاج شاله خفيفه
والله يوفقج ولاتنيسينه بالدعاء
حج مبرور وذنب مغفور .. يارب
عباه,ونفنوفين بعدد الايام كافي.
اخذ معاى نفانيف اللى خامهم فانيلة ادفى ولا تشوفين انة حر بالزحمة ولا اكتفى
بالشلحات.
ردينة حج مقبول وذنب مغفور,اذا تقدربن اتساعدينى يزاج اللة خير.اذا الحملة بس بتوديك الحج وما راح اروح المدينة تعتقدين امتى يكون السفر,اى تاريخ ,وحبوب اللى ترفع الدورة متى اخذهم وشنو اخذ اسم الحبوب
مو انا مصيبتى انى مغتربة برة ديرتى وابى احجز ما نى عارفة اى يوم
و
السنه نسيت اخذ معاى تقويم العجيرى.لازم اضبط سفرتى وسفرة العيال . وردتنا
ومشكورين
وشوفي شكثر تحتاجين للأيام اللي انتي رايحتلها وخذي بعددهم ملابس لأنه بتغيرين وايد
وبالنسبه لحبوب رفع الدورة اذا دورتج منتظمه قبل موعدها بثلاث ايام primolute N
ثلاث حبات مرة وحدة باليوم لين تخلصين مناسكج
والله يسهل
وادعيلنه
ابشرى بالدعاء