الحب الحقيقي

قوه بناات
لا تطلوون صدقوني الموضوع اول مره يمر عليكم

حبيت اتكلم عن سالفه لبنتين صراحه مرو بحياتي جدا تعجبت منهااا

كانت في بنت تقولي سوي لرجلج يوم واااو يعني شموع وغيري الكفر ولبسي له لبس ما ادي اشلووون ولازم كليه يكون نفس النظاام ونثري ورد وكتبي اسمه فيه على الارض وحطي كريم على جسمج وسوي ليله لبنانيه ليله هنديه ليله اضاءه ليله والدخااان وليله وليله يعني كل ليله يبيلها ميزانيه شي ومشاوير و تعب وتركيب وحوسه من له خلق مجهووود صراحه ماشاء الله عليها من وين لها وقت

والبنت الثانيه مو مقصره بعد في رجلهااا برمل الاضاءه كاتبه اسمه وحايسه الدااار فوقاني تحتاني

ولكن هل هذا الحب
هل صج اذا سوت جذيه تستمتع مع زوجها
هل راح يحبهااا حيل ويذكر الرمل على الدخااان على التور المربوووط بالزوايا ويتذكر لبسها التنكري ولهجتها السوريه او المصريه على حسب الليله ومودهاا
ويقووول في خياااله الله احبج يا فلانه انت مبدعه ديكووور وتمثيل

بنااات صج هالبنتين تطلقوااا الله يعينهم مساكين ليش ما بين في اعيون رياجيلهم اللي سوه

او اللي تحب زوجهااا مو بس تقلب الدار وتسوي مثل ما يقولون الحرييم
وخرابيط الكتب

احس ما ادري ابتذاال احس جذب احس تمثيل
وما فيه من الاغراء شي
البس سستر
البس شرطيه
انا ما اقول اذا ريلج طالب او يحب لا تقصرين معاه
بس سوالف الديكووور
ما ادري احس امي وابوي
يحبووون بعض
بس امي ما كانت اتسوي ليله شهرزاااد
ما عندهم هالسوالف والحب صااااااااااادق من القلب الى القلب
وصراااحه بناء على خبرتي المتواضعه احس الرجل يحب المره لما تعجبه في مواااقف تصير قدعه تنقضه تتستر عليه عند اهله تحفظ سره تساعده اذا ناقصه شي تبهره في معلوماتها كلامهاا الحلو معااه اسلوبهااا نكتتهاا طيبتهااا نظافتهااا وعقلهااا وثقلهااا
مو لبسي لبس قطوه وحطي اسمجه في حلجج ولا دخل رجلج قولي ميااااااااااااااااااو عشان يقولج تت تت لا بارك الله فيج
الحب والزواااج مو ابتذااال وشهرزاااد وشيريهااان لا اقوى احلا اكبر من هذا الحيز الضيق السخيف
والا اشرايكم اتقبل الراي الاخر

والله كلامج عين العقل ….

انا معاج بكل كلمه قلتيها … مااقدر ازيد على كلامج

واسلوووبج يشوووق

شوفي انا مع تغيير ديكورات الغرفه بين فتره وفتره ومع التغير بالشكل والميكياج والنظافه والعطور والبخور ومع اللبس الذرب اما لبس الشخصيات ابدا ابدا صراحه ماتخيل نفسي اسوي هالسوالف ابدا واللي مايحبني بطبيعتي وبشكلي ماني مخبله بروحي واصير اراقوز جدامه عشان يرضى على وبعدين ترى ماعتقد في رجال يطلب هاللشي من نفسه الا انه يكون له سوابق او انه رضخ لزوجته لانها اهي تحب تلبس جذى لانه وده يرفع مستوى زوجته عن هالامور هذى الشخصيات يلبسونها ممثلات الشو والعروض وراقصات الاستربتيز بالقنوات الاباحيه والرجال ماعتقد وده يشوف زوجته جذى بس الزوجه اللي غصب تقوله انا احب جذي اسوي جذي وعندي الجرأه يعني ماعتقد احد يعاف الفرجه بلاش بس تخيلي الرجال قاعد وانتي تتنططين جدامه بلبس شخصيه الساحره العصا معاج والله كأنه مسرحيه للاطفال بالله ماتنحرجين شلون نظراته لج ماتحسين انه ناقد عليج بس يبتسم لج يجاملج والله موشي وابتذال وهالامور مستحدثه علينا مادري من وين طلعت ولا يازين اهلنا وشيبانا بساطه وحب اقوى منه مافي..اللحين الوحده تراكض وتدابج بكل مكان تدور الشي الغريب الملفت واخر شي يخونها لانه عجبه لبس الشخصيه بس يبي تطبيقه بالواقع يعني يبي سستر صجيه ويبي خدامه صجيه لانه يحس ان زوجته ممثله موصج تعطي من قلبها واحساسها ..
صراحه الله رفع مستوى الانسان بالعقل وميزه عن الحيوان شلون تلبسين لبس ارنب ولا قطوه وتقولين نياو مياو امانه لج وجه تطالعينه ثاني يوم ؟؟؟؟

نبي اراء البنات اللي يلبسون لبس سندريلا وخدامه وسنو وايت وارنوبه وقطوه والساحره والاراقوزه وخلونا نتناقش بصراحه
الرجال يطلب جذي ولا انتم تقلدون رفيجاتكم وتروحون تشترون هالاشياء ؟؟
شلون تلبسين له لبس خدامه بالليل وتمثلين دور الخدامه زين الصبح منو بيحط له الريوق مو الخدامه تهقين ماراح يطري عليه الفلم اللي سويتيه والصبح شافه على ارض الواقع وصج في خدامه تحط له ريوقه او تعطيه ماي وين بيروح باله تهقوووووووون الشيطان حي مامات..

فعلا مو هالاشياء الي تجيب الحب بين الزوجين
هاذي مجرد تغيير روتين يمكن يعجبه وممكن لا
الاهم الاخلاق والوقفات السنعه بين الطرفين وتقدير الظروف وحفظ سر ريلج
هاذي وجهة نظري

صااااجة

ياي على هالموضوع والله أمي اذا انحرفت < شوفي التعبير بس

قالت لأبوي الله يخليك لي ويحبون بعض ويضحون عشان بعضهم ويشتاقون لبعض

دلول والزين الوايلي عسى الله يهنييكم ياااااارب والله أحبكم في الله وجعل ربي يرزقكم الذرية الصالحة

عدل كلامج

دلووووووووووووووووووولة

هلا وغلا

فز قلبي لما شفت نكج وااااااااااااااحشتني موووت

بشري شخبارج وشخبار الزواج

وانا معاااااااااااااااج 100%

الرجل ينسى بطبعه

بس فعلا لو وقفتي نعاه وقفة مرة اخت رجال ما ينساها لج

والله يوفقنا

احس هالاياء مالها داعي

حلو التغيير بالديكور

بس الليالي الرومنسية احدها تافهة

اكثر مايحبب الرجل في زوجته هو اسلوبها وطريقة تعاملها واهم شي مايشوف عليها شي يكرهه

وبس

موفقة

كلام سليم 100 % يسلموا

والله كلامج عين العقل ….
صج ان التغيير والتجديد حلو بالحياة لكسر الروتين بس مو بأاشياء خياليه وخارجه عن ارض الواقع
انا عن نفسي كلش ما احب هالسواالف شخصيات وخرابيط وورد منثور عالفراش .. يعني بالله نبي ننام عالسرير وين يروح هالورد ؟؟

والحب بين المره والريال عمره مايي بهالسوالف الخياليه شرطيه وخدامه وعصايه …. الخ
الانوثه والنعومه والنظافه والسنع اهي اللي تخلي الريال يعشق مرته

تقبلوا مروري

تصدقين طرت علي سالفه بنت احجزت غرفه في فندق عشان بتسوي يوووم واااااااو حق زوجها وقامت كتت الرمل المضيء على كل الغرفه والطوووف كلهم لما جو يسون جك اوت جان الفندق غرمهم سعر الصبغ لانه الرمل المضيئ ما يطلع وقالهم المسئول هذا اتلاف وازياده على الحجز ادفعو ميتين وشي سعر الصبغ

الله يسلمج حياج

اجمعين بس الرومانسيه حلوه بس مو تمثيل وابتذاال

امين ومبروووك الحمل الله يسهل عليج يارب والله فرحت لج لما شفت شريط الحمل
والله يا حلات ايامنا حتى التوقيع مو راضيه اغيره وابشرج انا بافضل حااال الحمد لله الله يوفقنا يارب

الحمد لله هذا واحد

وهذا اثنين

وهذا ثلاثه دعاااايه بترونت لوووووول حياااكم بناات

والله ياليت البنات اللي يلبسون جذيه يا انه رجلها طالب او انها مع هبت البناات او انه على قولت بعض البناات بعد ست اسنين راح تنحدين على جذي اذا افترت العلاقه بين الزوج وزجته وفيه بنت قالت لي بالسنه مره لبسي جذي حركااات يعني وذكرتيني بسالفه اعوذبالله من الشيطاان ايه قريت رد بنت في هالمنتدى والله انها حكيمه هالبنت ماشاء الله عليهاا تقول بعض الرياجيل ما يحبون الخبه من المره اذا جا البيت لقا الدور محيوسه والممر محشور والمره لابسه لبس عنكبوووت <<< هذا تخيلاتي للوضع البنت ما قالت جذي بس قالت يحس الرجل من تجهيزات المره انه ملزم ومطلوووب وامر يعني مو من خاطره الشغله راح تصير لا لانه المره اتعبت ما ابي اكسحهاا

الله يسلمج اهلاا في اول وحده اتزوجت من شات العرااايس حياااج فرصه سعيده اول مره يدور بينا حديث انا دخلت الشات انت تزوجتي

حياااتي احبك الله اللذي احببتني فيه واااي اسمي زمن امي وامج زمن الحب

خخخخخخخخخ حاطه سمجه بحلجهاا خخخخخخخخخخخ

صراحه موضووووعج حلوو وانا ويااج

صاجة حبيبتي
بس الديكورات بالغرفه مع الاضاءه الخافته شي حلو
اما لبس الشخصيات والتشبه بالجنسيات الثانية مع احترامي لهم هذا اللي يخلي بعض الرياييل تميل لهم ويذكر اللي سوته زوجته و يحب يجرب البعض مو الكل .