الحامل والشاي الاخضر

السلام عليكم حبيباتي ..

عندي استفسار عن الشاي الاخضر بالنعناع (لبتون)

اعتقد الدكاتره ما ينصحون بشرب الشاي الاسود سواء كانت الوحده حامل ولا لأ

فحبيت اعرف بما ان الشاي الاخضر يمتاز بعناصر روعه وله فوايد عظيمه

فهل مناسب في فترة الحمل ولا لأ ؟

بليز ردوا علي اخواتي

ومشكورين مقدماً

انا قالتلي الدكتوره لاتشربينه ..

والله ماعندي فكره حبيبتي بس انا قطعته نهائيا من حملت لانج ماتدرين يمكن مخلوط مع الجاي اعشاب تطيح الجنين..والاعشاب اللي تضر الجنين واجد واولها المرميه والدارسين وغالبا هذيلا يكونون جزء من اي جاي اعشاب

الحذر واجب

مادري انا عادي اشرب الاثنين

يعطيكم العافيه حبيبات قلبي

بس شدعوه وين الباجي ابي بعد ردود

حبيبتي انا عادي اشرب شاي اسود عادي واحط معا نعناع
واذا كلش بس ماااي حااار ونعناع واااايد فريش هذا واااايد زيين حق اللوعه

حبيبتي انا لمن رحت حق دكتوري مال الرجيم كنت ابيه يسويلي رجيم حوامل قالي لا تشربين شاي اخضر

مو زين على الحامل واايد ….

لا موزين يقوولون لكن الشاي الاسود عادي اشربيه مافيه شي .

انا اشرب الاثنين

لا عادي انا وخواتي بكل حمالنا نشربه بالعكس الشاي الاخضر ينزل الكلوسترول والضغط والحمدلله مافي اي شي

انا اشرب الاسود بس مقدار استكانه او ثنتين شي بسيط

بس الاخضر ماادري سالي احسن

امي تقول مرة حطو واحد بالتلفزيون دكتور يقول مو زين الجاي الاخضر للحامل

هلا حبيبتي
معاج دكتوره صيدله
و من خبرتي…
الجاي الاخضر فيه كميه كافيين لكن بكميه أقل من الجاي الأسود و هذا يأثر على الجنين
حاولي تقطعينه
و إذا ما قدرتي يحبذ إنج تخففين لأقصى حد تقدرين

والله انا اشرب الاثنين واشرب القهوه بكل انواعها
والحمدلله الحافظ الله……..ما اشوف منه ضرر

يعطيكم العافيه خواتي الحبيبات

بس انا الي اعرفه انه الجاي الاخضر له فوايد كبيره

ان شاء الله بسأل الدكتور والي عندها معلومات تفيدنا

شكرا