الحادي عشر ادبي ؟؟؟ بنات الادبي لو سمحتو تفضلو للضروره

السلام عليكم
بغيت اسألكم عن هالمرحلة شنو اصعب مادة واسهل ماده والمواد اللي لازم اركز عليها
انا ادرس نظام منازل اللي مو عارفه شالطبخه انا بقولكم نظام المنازل معناته تدرسين طول السنه بالبيت ولمه اييي وقت الامتحانات الفاينل انروح نقدم ونرد وطول السنه عندنا امتحان واحد للماده لا درجات حظور ولا مشاركات ولا غيره امتحااااان واحد وبس ماكو غيره
فرجاءا رجاااااااااااءا يا اغلى بنات اذا عندكم اي مساعده نصيحه مراجعه تعاريف اي شي ممكن يفيد سواء كورس اول ولا ثاني عطوني اياها واكيد راح ادعيلكم من كل قلبي
والفرنسي في تعبير ولا لا وشنو لازم اركز عليه بمادة الفرنسي ؟؟؟؟ في شغلات معينه لازم احفضها

يالله حبيباتي بلشو جزاكم الله الف خير

حبيبتي انا بنفس مرحلتج واصعب مادة عندي الجغرافيا بس الكورس الثاني شوي اسهل من الاول وبعدها العربي سهل بس البلاغة والنحو صعبة علي شوي بس كل شي سهل . والفرنسي تراكمي يعني درسي كل الكتاب عدل بس ركزي على آخر 6 فصول وحفظي المواقف وتصاريف الافعال . والتاريخ حدة سهل بالامتحانات بس حفظي كل تاريخ بالكتاب . وعلم النفس حفظي كل النقاط لأن ساعات اييبون اسئلة على النقاط وحفظي التعاريف .
والله يوفقج

حبيبتي تسلمين والله ماقصرتي
انا اكثر شي حاسه صعب علي الفرنسي والاحصاء لان اول مره وموعارفه لهم ,, الله يستر

حبيبتي ولاشي صعب كله سهل

بس الاحصاء اخر درس صعب

والفرنسي بس جيبي مدرس يعطيج الاسئله والاجوبه بدون تدريس

والجغرافيا دسم

البرنسيسه سعاد
انشاللللله مايكون فيه شي صعب
تسلمين عالرد الله يوفقج ويحقق اللي في بالج

حبيبتي الاحصاء سهل بس ييبيلج مدرس وانشالله كل شي يكون عليج سهل وترى اكثره محذوف لأن عن الكمبيوتر

صج في محذوف ؟
تكفيييييييين قوليلي من اي صفحه لي اي صفحه محذوف طلبتج
مابي ادرس شي ماراح ايي خصوصا اني راح ادرس كتابين مو واحد
ويعطيج الف عافيه يا قلبي

up
up
please help me guys

انا بعلمي
بس انا إلي اعرفه ادبي ما فيها شي وإذا شاطره تجيبين امتياز

موفقه

الجغرافيـا وما ادراك ما الجغرافيا <<< لا اضحك مو تخافين ههههههههههههههههههههههههههههههههه

شوفي الجغرافيا اهم شي تحفظين الصور عـدل
وشلون ترسمينها وتتعلمين تسوين النسب على شكل دائره بيانيه او اعمده الخ
اي وتحفظين الاقاليم عدل واماكنهم بالخريطه

وحتى صور الحيوانات كرمج الله حفظي اماكنهم وين عالخريطه لانه ابلتنا تقول يمكن يجيبونه صورة حيوان ويقولون لج وين مكانه بالخريطه
وبس والانجليزي حفظي الست بوك عدل

وعطونا اوراق فيها الكلمات الي نحفظ معانيها

وبس الباقي ان شاء الله سهل بس درسي عدل وحفظي كل كلمه وكل حرف

والاحصاء ترا مليغ بس اخر فصل يمكن يبيله شووي

والفرنسي مايبيله لازم تحفظين كل كلمه يبيلج اتيبين مدرسه اترجملج كل كلمه
لانه بالامتحان مثلا قالولج عطينا عكس الكلمه او مترادفها فلازم تفهمين معاني الكلمات الموجوده بالكتاب

وحفظي التصاريف عدل والاسئله

واي شي تبين احنا بالخدمه ترا

حكاية طموح يا قلبي والله ماقصرتي روحي عسا الله يرزقج كل خير وعافيه ويحفضج للي يحبونج
ادري الادبي سهل بس للي ما يداوم وموعارف شي بالكتاب صعب شوي ويبيله فهم
تبين الصراحه انا حفضت الجغرافيا بس ما كنت منتبهه نهائيا عالصور والرسوم البيانيه
والفرنسي بعد حفضت الكلمات بس ماكنت ادري ان لازم احفظ مرادفها وعكسها
والاسئله اللي لازم احفظهم بالفرنسي اللي اهم بالحوار عدل ؟.
يعني مثل comment ca va ? جوابها bien , merci
جذي راح تيي الاسئله ؟

سوري حبيبتي مارديت عليج بس الاحصاء الجزء او الكتاب الثاني المحذوف منه منه الجزء الاخضر من صفحة 39 الى 61
والجزء الوردي من صفحة 101 الى 127
والجزء البنفسجي من صفحة 163 الى 183
والجزء البرتقالي مافي شي فيه محذوف .

الفرنسي تحفظين المواقف اللي بصفحة 33 و 48 و 61 و 75 و 90 و 102 و 115 و116 و 129 و 143 و 156 وبـــــس .
واهم شي تعرفين شلون ترتبين الجمل وشلون تردين على الايميل بس كله سهل انشالله .
والتاريخ حفظي الخرايط عدل .

القلب الطليق حبيبة قلبي ماقصرتي عسا عمرج طويل
الاحصاء اغلبه محذوف اوووووف ريحتيني منه عسا الله يفرج لج همج ويوفقج بدراستج وتاخذين امتياز