الجزء 2 من الجامعة الخليجية

انا انشاء الله يا جماعة رايحة البحرين وعقب ما ارجع اوافيكم بآخر الاخبار , على فكرة الي تبي تسجل وبتسال عن تخصص معترف فيه ولا لا تتاكد والخبر الاكيد عند المكتب الثقافي الكويتي بالبحرين عندهم معلومات اسرع واحسن من التعليم العالي لانه اهما يصادقون على ورقة القبول حق فتح الملف بالتعليم العالي

الله يوفقج
تصدقين انا بغيت اسجل بس لمن كانو بفندق الراية واحد خلاني اشك واتردد
سأل المديرة مالتهم قالها جامعتكم ضعيفة مو قوية يعني اذا بتوظف ما ياخذوني لان الجامعه ضعيفة……..
طلعت وما سجلت حييييييل خوفني ……..

انتي شرايج ؟؟

وناطرين اخبارج

السلااام عليكم . يابنات … انا والله ودي اسجل بالجامعة الخليجية .. بس واايد قالو لي ان الجامعة الأهلية وايد احسن واقوى ..

فيا ريت اللي عنده فكرة عن الموضوع .. اتفديدنا ..

حبيبتي لاهنتي تقدرين تسالين لي عن العلوم السياسيه ماستر عندهم …؟ واذا ماعندهم سالي اي جامعه مثل نظامهم عندها …

والتفاصيل المتعلقه بالموضوع .. ومشكووووره
وين المكتب الثقافي اللي تقولين عنه ؟؟؟

تروحين وترجعين بالسلامه يارب ..

بليز حبيبتي ماعليج امر اسالي عن اسعار هم

وصحيح الموظفين يداومون بس 3ايام بالشهر

وسمعت انه بالكورس 1200 دينار تقريبا

يعطيج العافيه

مرحبا يا جماعة انا رديت امس سجلت اخيرا وراح ابلش اداوم اهناك على شهر 5

اول شي من وصلت المطار على طووول الجامعة والي مدينة عيسى مقر الجامعة بس لمن وصلنا المنطقة ضعنا بس ما قصرت بحرينية دلتنا على الجامعة دخلت قسم التسجيل وسجلت شوي في لويه اهناك داخل التسجيل تشوفون الخليجيين وايد يسجلون فيها والاهم شي الي يضحك انه الي معانه بالطيارة تلاقيهم بالجامعة

خلصت وسجلت واستلمت ورقة القبول الي لازم تودونها المكتب الثقافي تصدقونها وتستلمونها من المكتب الثقافي ثاني يوم المكتب الثقافي في منطقة الجفير طبعا تودونها قبل الساعة 12 الظهر ولا ما يستقبلونها
المهم انه المفروض في امتحان مستوي امتحن فيه انجليزي وكمبيوتر ورياضيات بس كان ما يمدي انشاء قبل لايبدي الكورس شهر 5 اروح اسجل وامتحن وعطيتهم كشف الدرجات حق المعادلة تحتاج المعادلة يومين على ما تخلص ياخذون 25 دينار بحريني على التسجيل حق الجامعة وهم في رسوم حق امتحان المستوى كل امتحان 25 دينار بحريبني
بالنسبة للمواد سعر المادة 300 دينار بحريني واقصى حد للتسجيل 5 مواد بس والله الي يشتغلون اهناك بالهم طويل معاك يساعدونك

حبيبتي badwar

الحين كل الكورسات تبدي شهر 5 ولا شلون ؟؟

وهل عندهم تخصصات علميه في الماجستير ؟؟

لا حبيبتي عندهم اربع كورسات بالسنه وفي تخصصات ماجستير علمية في كلية ادارة الاعمال والهندسة وعلم الحاسب

انتي بكالوريوس تدرسين ؟ اسمعج تقولين معادلة، الجامعة الأمريكية بالكويت ترى تعادل

badwar حبيبتي لما صدقوا رسالة القبول مكتوب( نصادق على صحة المعلومات الواردة ولا يعني ذلك معادلتها)

الصراحه قرصني قلبي من هالجمله يعني شنو مو معتمده؟؟؟

اهم شي عندي تكون معتمدة انا ماجستير تربيه

تعبتونى مو انتى تدرسين ماجستير بمصر ؟؟؟

هلا يابيرل انا ياقلبي ادرس بمصر بس لاعت جبدي ماتتصورين

فحبيت اشوف البحرين بس الصج غاليه مووت واستنزاف اموال

بس خذيت منهم بس قبول وباستخير واشوف

تعبتوني تعرفين جامعة تعطي دكتوراه نظام رسالة ؟ ومعترف فيه؟

لا والله ما اعرف بس اعتقد في مصر

دشوا على موقع وزارة التعليم العالي

حاطين في البحرين بس جامعتين معترف فيها
1- جامعة البحرين
2- جامعة الخليج العربي

و الباجي مو حاطينهم .. الأسبوع اللي طاف مسوين معرض بجامعه دلمون ؟!!
و حاطين اعلان بالجريدة نشكر وزارة التعليم العالي باعتراف الجامعه و مووو داارج اسمهاا ..
شلون جذي؟!!