الجزء الثاني/ بنات ابي رايكم حماتي النحيسة ولدت شرايكم اهاديها؟

حبيبتي انتي السنعه وبنت الاصول وتعرفين بالذوق
روحي ووجبي وديلها صحن حلو وسلمي وباركي لخالتج قعدي نص ساعه وردي بيتج
هذا واجب ولما تزورينها مو عشان سواد عيونها لالا عشان اهل ريلج وخالتج وعمج وعشانج انتي ذويقه وتعرفين الاصول والمواجيب
روحي حبيبتي هذا واجب

والله لو انا منج اجييب لها ذيك الهديه الي تحلف ابها واحرها يعني انا بنت العز والي تعرف السنع مو انتي
واخليها تتفشل
واخليها تقول في نفسها هاذي البدويه راعيه السنع والتربيه
والله اهي الصراحه ماتستاهل بس الهديه بقيمه من هاداها مو لمن هديت عليه

والله لو انا مكانك ، اوديلها ، لو مو عشانها ،
عشان زوجي واهله ، بالذات اذا ماضروك بشي ،
شخسرانة انتي ؟
دامك رايحة رايحة ، اخذي بيدك شي ، وشي يسوى ،
انا عن نفسي لازم تكون مدتي سنعه ، ولا ماامد ،
وطااااااااف ، لاتنطرين من احد شي ،

ودي كاكاو من المحل اللي بالمستشفى كل من ياكله مولها مخصوص
بس لازم تروحين

وديلها احلى هديه علشان تكسرين عينها

اشدراج يمكن بالموقف تكبرين بعينها

,,,

بنات انا الروحة اكيد بروح بس اقصد الهدية

روحي وتحمديلها بالسلامه بس لاتودين شي طاف الكاكاو الكل بييب كاكاو واهما اصلا حاسبين حساب الكاكاو وهالسوالف و هديه هديه ما تستاهل مو كفوووو

انا ما ابي اكبر بعينها اساسا مايهمني رايها فيني الكل يعرفني وعاشروني … واهي تشوف وتسمع شنو اهدي واعطي حق اهلهم وخالتي
بس اهي ماهادتني من عرسي لي ولادتي ولا توجبني مادري هذا قصدي

بما انك متربية

تعرفين ان اي شخص عنده مناسبه بالمستشفى

تدخلين بوكيه ورد او شوكلاته او حلو

بغض النظر عن الظروف الخاصة بينكم

اذا قررتي الواجب كمليه …عزيزتي

فوفو

حماتي حتى بزواجي ما هدتني ولا وجبتني بس كل ماصارت عندها مناسبه وديتلها هديه ومو اي هديه بعد
ومو عشانها عشان خالتي وعمي وريلي كافي اهلها يعرفون اني سنعه ووجبت بنتهم اللي عمرها ما وجبتني

نفس حماتي بالضبط

ما عمري وجبتها بشي لا حزن ولا فرح

سوت عملية ما رفعت عليها السماعة ، تولد ما أقولها الحمدلله على السلامة نجاح ما أبارك لها

لأنها إهي اللي بدت ما كانت توجبني بأي شي ، ليش آنا أوجبها بكل مناسباتها ؟؟؟؟؟

من تكوووووووووووووووووووووون ؟؟؟؟؟

ولعلمج ولا أحد يقولي فلانة فيها شي حتى ريلي لأنهم يدرون فيني ماراح أوجبها ليش عوار القلب ؟؟؟؟؟

ولا أحد له الحق يقولي ليش ما توجبينها حتى ريلي لأن عندي وايد مناسبات ما سألت عني

ولا رفعت السماعة عشان جذيه آنا بعيدة عنها بكل شي ، إذا شفتها سلمت عليها وإذا ما شفتها

ما سألت عنها كافة خيري شري عنها !!!!!!!!

حبيبتي لاتصيرين طيبه زياده عن اللزوم لان هذي مو طيبه

والبنات الي يقولون عشان انتي بدويه كسري عينها اقولكم غلطانين
شنو البنت ماعندها كرامه ترى اهم شي الواحد يحط له عزة نفس وكرامه لي متى بتجاملين وبتصيرين ام السنع وبالمقابل حماتج كل ماله وتعاملج معامله خايسه يعني اذا وديتي هديه بتحترمج وبعدين شكو عشان خالتج وعمج ومادري منو لا حبيبتي لو انا مكانج البس اسود واروح لها ولا نسيتي يوم استقبالج

ترى محد كثري دلع حمولته بالهدايا ووجبتهم لدرجة ان لما انخطبت حماتي الهيلقيه الي ملابسها من ماكس ويخب عليها شريت لها تنوره ب39 غير العصاير الطبيعيه وفطاير والله قطيت 100 دك ذاك اليوم وتخيلي كلمة مشكوره ماسمعت وفوق هذا التنوره لي يومج ماشفتها تلبسها مالت عليها الظاهر باعتها المشفوقه
والله نصيحه عن تجربه خلي بيت حمولتج من كبيرهم لي صغيرهم طيبهم لي اخيسهم كلهم يولون لاتعبين نفسج لان مهما سويتي ماااااااااااااااايدش بعينهم صدقيني

سوي بطيييييب اصلج ^_^

مثل ماقالوا البنات اهديها

يمكن ربج يهديها